На почетокот на 2021 година, некои гласини зборуваа дека следниот iPhone SE ќе има помодерен дизајн. Сега, сепак, преку „апдејтирање“ на една таква гласина, ни е кажано дека всушност iPhone SE (2022) ќе го има истиот дизајн како iPhone SE (2020), кој всушност го користи дизајнот на iPhone 8 од 2017 година.

Дефинитивно, оваа година ќе изгледа како да не е на место во мобилниот свет, бидејќи практично сите телефони, вклучително и буџетските дувалки, се задоволуваат со изгледот на „сите екрани“. Но, новиот iPhone SE нема да има ништо од тоа. Повторно, се чини дека на купувачите на iPhone SE не им е грижа колку е застарен дизајнот на нивниот уред, сè додека останува најевтиниот iPhone за купување, тие ќе го добијат - поради таа причина.

Во 2024 година, инаку, iPhone SE треба да добие дизајн кој потсетува на iPhone XR и iPhone 11, само со малку помала големина на екранот. Нема да добие Face ID, но наводно ќе доаѓа со Touch ID сензор вграден во копчето за вклучување. За цели две години од сега, ќе добиете такви неверојатни иновации на iPhone SE. 

Новата социјална мрежа на поранешниот претседател Доналд Трамп, Truth Social, ќе стартува на iOS на 21-ви Февруари (Денот на претседателите), според огласот на App Store. Апликацијата ја прави Trump Media and Technology Group (TMTG), новата медиумска компанија на Трамп, предводена од поранешниот американски пратеник Девин Нунес.

Врз основа на сликите прикажани во списокот на App Store, Truth Social ќе наликува на Твитер. Страницата на профилот прикажана во една слика од екранот изгледа речиси исто како онаа на Твитер, а објавите се чини дека ќе имаат слични икони за одговори, ретвитови и споделување. Truth Social ќе ја опишува секоја поединечна објава како „вистина“.

Сепак, Truth Social веќе наиде на контроверзии. Truth Social е направен со користење на изворниот код на Mastodon, но во октомври Mastodon изјави дека Truth Social ја прекршува софтверската лиценца, затоа што  не го споделиле својот изворен код. Mastodon испратиле формално писмо до главниот правен директор на апликацијата со барање да биде споделен изворниот код, со што Truth Social оттогаш додаде дел „Отворен извор“ на својата веб-страница.
 

Подобрувања, но и падови во користењето на социјалните медиуми од страна на јавните функционери во 2021 година. На овој начин Институтот за добро управување и евро-атлантски перспективи (ИДУЕП) ја сумира нивната анализа за тоа колку јавните функционери и институции користеле социјални мрежи во 2021 година.

Во неа се посочува дека 115 од вкупно 120 пратеници биле присутни на најмалку еден социјален медиум изминатата година. Претседателот и Владата во целост биле онлајн, а бројот на активни градоначалници на социјалните медиуми пораснал за 3 споредено со 2020 година и изнесува 80 од вкупно 81.

Носителите на извршната власт – Претседателот и Владата во целост биле онлајн, а бројот на активни градоначалници на социјалните медиуми пораснал за 3 споредено со 2020 година и изнесува 80 од вкупно 81. Политичарите и јавните институции се присутни на социјалните медиуми само кога сакаат нешто да соопштат, да се одбранат или да нападнат, а мислењата од граѓаните речиси се неважни, велат од ИДУЕП.

Кога се работи за Собранието, анализата покажува пад за 2 на бројот на активни пратеници на Твитер, односно вкупно 24 пратеници биле активни на оваа социјална мрежа. На Фејсбук биле активни 115 од 120 пратеници. На Инстаграм пак, ситуацијата останува непроменета, односно само 35 пратеници биле активни на таа социјална мрежа.

„Анализата покажува дека вкупно 11 од 120 пратеници истовремено користеле Фејсбук, Твитер и Инстаграм, додека 5 народни избраници немале свој профил/страна или канал на било кој од социјалните медиуми во 2021 година. Споредено со 2020 година, се бележи пад и во овој сегмент (15 биле активни на сите наведени платформи, а само 1 граѓаните не можеле да го контактираат преку Фејсбук, Твитер или Инстаграм)“, додаваат од ИДУЕП:

Претседателот на државата и во 2021 година, како и претходните две години бил истовремено присутен на неговата официјална веб-страница, како и на Фејсбук, Твитер и Инстаграм.

Кога се работи за градоначалници, ИДУЕП објаснува дека се забележува мал напредок на активното користење на социјалните медиуми кај единиците на локалната самоуправа. Од вкупно 81 градоначалник, 80 биле активни на Фејсбук минатата година, односно бројката е зголемена за 3 споредено со 2020 година.

На Твитер биле активни само 6 градоначалници, додека на Инстаграм бројот изнесувал 37.

Статистиката покажува дека вкупно 5 градоначалници минатата 2021 година истовремено користеле Фејсбук, Твитер и Инстаграм, што е пад за 1 споредено со 2020 година. Во 2021 година само 1 градоначалник немал свое присуство на ниту еден од социјалните медиуми, што е подобрување споредено со 2020 година кога бројката била 3, а особено со 2019 година вкупно 7 градоначалници не биле активни на ниту една социјална платформа, додаваат од ИДУЕП.

Во однос на општините пак, сите имаат веб-страници, 60 од нив се присутни на Фејсбук, 4 на Твитер и 11 на Инстаграм.

Од ИДУЕП посочуваат дека за прв пат се анализира и активноста на општините на мрежата за видео објавени, при што било забележано дека 25 од вкупно 81 општина биле активни со свој Јутјуб канал.

Свое истовремено веб, како и присуство на социјалните медиуми (Фејсбук, Твитер, Инстаграм и Јутјуб) и оваа година имаат Градот Скопје и општина Карпош, додека, пак, во 21та година од 21 век, дури на 19 општини не можело да им се пристапи преку било која од овие социјални мрежи. Споредба со 2020 година: Активна веб страна имале 79 општини, 60 биле присутни на Фејсбук,
4 на Твитер, а 17 на Инстаграм, стои во анализата на ИДУЕП.

Раст на онлајн комуникацијата со граѓаните преку социјалните мрежи е забележан кај Владата. Па така, секој член на владиниот кабинет, односно 20 од вкупно 20 министри биле активни на Фејсбук минатата година. Активни на Твитер биле 16 министри, додека 15 на Инстаграм, што е раст за 1 споредено со 2020 година.

Истовремено активни на сите овие платформи биле 13 министри, што е подобрување за 3 споредено со 2020 година.

Трета година по ред, оваа Анализа ги опфаќа го онлајн присуството на министерствата и веб платформата на Владата. Свои официјални веб страни во 2020 година имале сите 17 институции, а сите 17 биле активни на Фејсбук, 8 на Твитер, а 5 присутни на Инстаграм. Новина е следењето за прв пат на активноста на владиниот кабинет на ЈуТјуб, каде во 2021 година биле присутни вкупно 5 од 17 министерства. Само Владата, Министерството за надворешни работи и Министерството за политички систем се истовремено активно присутни со веб платформа, како и со свои акаунти на Фејсбук, Твитер, Инстаграм и ЈуТјуб. За прв пат нема случај кога некое министерство не нуди можност да биде контактирано од граѓаните преку социјалните медиуми, што претставува напредок споредено со 2020 година кога таква можност не нудеше 1 министерство, а особено со 2019 кога оваа опција не ја обезбедувале дури 5 министерства, велат од ИДУЕП.

Од ИДУЕП најавија дека по изборот на нова Влада, во текот на 2022 ќе изработат дополнителна анализа за степенот на користење на социјалните медиуми од новиот владин кабинет.

Капитални инвестиции во вредност од 10 милијарди и 885 милиони денари во делот на патната мрежа, железницата, гасификацијата и комуналната инфраструктура најавува Министерството за транспорт и врски за годинава. Планирани се активности за изградба на автопатски делници на Коридор 8 и Коридор 10 д, со 6,1 милијарда денари, интензивирање на изградбата на автопатот Кичево-Охрид и на експресните патишта, како и продолжување на изградбата на железницата кон Бугарија со 2,5 милијарди денари.

И за годинава се најавува интензивирање на изградбата на автопатот Кичево-Охрид, проект на две влади, а за кој рокот за завршување повторно се пролонгира, овој пат до крајот на 2023 година.

Изградбата на автопатот, во должина од 57 километри, стартуваше во 2014 година во мандатот на претходната Влада. Требаше да биде готов до 2018 година, но по промената на власта, според образложението на надлежните институции, поради пропусти во проектирањето, со анекс на Договорот рокот беше продолжен 30 јуни 2021.

Од ресорот транспорт очекуваат дека со усвојувањето на законските измени за анексот за продолжување на изградбата, градежните работи ќе се засилат со потребната динамика. Веќе се одобрени 63 од вкупно 70 нови проекти за автопатот и се отстрануваат институционалните пречки. Реализирани се 62 проценти од работите, а седумгодишниот проект чини 598 милиони евра.

На автопатот Скопје-Блаце се очекува до средината на годинава да биде пуштена за сообраќај првата фаза од ГП „Блаце“ до село Блаце, во должина од два километри, како и да биде распишана постапката за избор на изведувач за втората фаза од село Блаце до аеродромот Стенковец. На првата делница се завршени 48 проценти од градежни работи, а во тек се активности за асфалтирање, ископи, канали и бетонирање на други објекти. Инвестицијата за првата делница изнесува 14,2 милиони евра. За втората, од село Блаце до клучката Стенковец, која е во должина од 10,5 километри, се најавува тендерска постапка за вториот квартал годинава. Се очекува во првиот квартал годинава да биде готов основниот проект и да бидат завршени и инфраструктурните проекти за да може да започне постапката за избор на изведувач. Проектот вкупно чини 120 милиони евра, обезбедени со заем од Европската банка за обнова и развој (ЕБОР) и инвестициски грант од Инвестициската рамка за Западен Балкан (ВБИФ).

За наредниот период се очекуваат и конкретни чекори за реализација на најавата од Владата за изградба на три нови автопати со целосно променети постапки за избор на изведувач, односно без тендер, според меморандум потпишан со американско-турскиот конзорциум „Бехтел и Енка“.