Денеска завршува грејната сезона за корисниците на БЕГ.

Инаку, оваа година грејната сезона почна пред 15 октомври, кога согласно регулативата во одредени денови заради наглото заладување и просечни дневни температури пониски од 12 степени, РКЕ даде одобрение за испорака на топлина за да се обезбеди потребниот комфор на потрошувачите. 

Дел од корисниците изминативе неколку седмици се жалеа на услугите од БЕГ, поради ладните радијатори во време на енергетска криза. 

Од следната недела се очекува пад на температурите, но не се знае дали скопјани ќе имаат топли радијатори, но правилото на БЕК е грејната сезона да може да биде продолжена во зависност од временските услови. Но, како ќе биде овој пат, во услови на криза, останува да видиме! 

GASTAINER е пионер во обезбедување на интегриран компримиран природен гас (CNG) решенија за македонскиот и балканскиот индустриски и комерцијален пазар. Нивната примарна цел е создавање на виртуелен гасовод за природен гас кој ќе го обезбеди на клиентите економична, сигурна и чиста алтернатива на конвенционалните горива.

Моментални отворени работни позиции во GASTAINER се:

ВОЗАЧ НА КАМИОН  CNG
МЕНАЏЕР ЗА ЛОГИСТИКА
ПРОДАЖБА И РАЗВОЈ НА БИЗНИСОТ
МАШИНСКИ/ИНДУСТРИСКИ ИНЖЕНЕР

Мисијата на GASTAINER e да биде единствениот поволен снабдувач на енергија за индустрии, реклами и станбени единици кои се далеку од мрежата за природен гас, со искористување и проширување на виртуелниот гасовод.

Природниот гас е природен гас кој првенствено се состои од метан. Споредено за другите фосилни горива, како што се дизелот, ТНГ и бензинот, природниот гас се смета за најчистото гориво поради ниските емисии на јаглерод диоксид (CO2) и занемарливи количини на водород сул де (H2S). Така, целта на Гастанер е да испорача на пазарот алтернативна извор на енергија кој ќе има потенцијал и предност за значително намалување во стакленички гасови што доведува до почиста животна средина.

Способноста на GASTAINER да води проекти со различни размери е една од нивните силни страни. Големините на складирање и капацитетите на PRMS ќе бидат дизајнирани и произведени според на барање на клиентот.
 

Голем пожар во "Треска", а чадот се чувствува во речиси цело Скопје, пренесуваат медиумите. 

На социјалните мрежи граѓаните споделуваат фотографии од чадот прашувајќи што се случува. 

Се очекуваат официјални информации од надлежните. 

Да се укине задолжителното поседување сертификат за вакцинација или прележаност на КОВИД-19 за влез во земјата, препорача вчера Комисијата за заразни болести. Засега останува сертификатот да важи за влез во затворен дел на угостителските објекти бидејќи Комисјата смета дека е потребно постепено олабавување на рестрикциите.

Портпаролот на Комисијата за заразни болести д-р Злате Мехмедовиќ вчера на прес-конференција рече дека постепеното укинување на мерките дава резултат и тоа се гледа по секојдневниот пад на бројките.

Најновата препорака од Комисијата ќе стапи на сила откако ќе биде усвоена од страна на Владата.

Министерот за здравство, Беким Сали го дели истиот став со Комисијата и смета дека сè уште не може да се каже дека е крај на корона-пандемијата и оти не може временски да се прецизира кога ќе се тргнат сите ковид-рестрикции.

Временски не можеме да прецизираме, но работиме, секојдневно ги добиваме информациите и ја третираме таа тема. Постојано нешто олабавуваме, со тоа што во меѓувреме анализираме дали сме постапиле правилно, рече Сали.

На владината седница во вторникот беше усвоена мерката за укинување на маските во затворен простор, со исклучок на здравствените установи, аптеките, јавниот превоз, домовите за стари лица и установите за згрижување лица со попреченост.

Во соседна Грција од 1 мај се укинуваат правилата за влез во сите простории во внатрешноста на државата, односно поседување сертификат за вакцинација или прележан Ковид-19, како и задолжителниот тест за невакцинираните. Грчкиот министер за здравство, Танос Плеврис соопшти дека од 1 јуни ќе се укине и задолжителната маска, но и задолжителниот селф-тест за учениците.

Грчките власти најавија дека дополнително ќе бидат разгледани актуелните правила за влез во државата, а сите мерки одново ќе бидат разгледани на 1 септември.

Комитетот на Светската здравствена организација за вонредни прашања, пак, вчера едногласно оцени дека не е време да се „олабави одбраната“ во однос на пандемијата на Ковид-19.

Ова не е време за намалување на одбраната од вирусот, не треба да се откажеме од надзорот, тестовите и пријавувањето, не треба да ги ублажуваме социјалните и здравствените мерки и не треба да се откажеме од вакцинацијата, рече претседателот на Комитетот за вонредни состојби на СЗО Дидие Усин.

Претседателот на СЗО, Тедрос Аданом Гебрејесус истакна дека добрата вест е што во светот
минатата недела е регистриран најмал број на смртни случаи од Ковид-19 од почетокот на пандемијата. Сепак, тој нагласи дека некои земји сè уште минуваат низ врвовите на инфекцијата што врши притисок врз нивниот болнички систем.

Согласно, вчерашната ковид-статистика, во земјава направени се 2.216 тестови, а регистрирани се 185 нови случаи на КОВИД-19 од кои 28 се реинфекции. Најголем број, односно 114 од новорегистрираните случаи се во Скопје. Во извештајот на Институтот за јавно здравје вчера нема регистрирано починати лица.

Досега во земјата се направени вкупно 1.988.999 тестирања на КОВИД-19. Вкупната бројка на КОВИД-дијагностицирани лица од почетокот на епидемијата изнесува 308.152, бројот на оздравени пациенти е 297.724, на починати е 9.256, а бројот на активни случаи изнесува 1.172.

Согласно податоците од ИЈЗ, најголем број активни случаи има во Скопје – 628, додека Берово, Дојран, Македонски Брод, Македонска Каменица и Пробиштип во моментов немаат активни случаи на коронавирусот.