Младинската Асоцијација ИМКА е непрофитна, невладина, нерелигиозна, инклузивна младинска асоцијација која има за цел да обезбеди можности за локалната младина и активно да работи со нив во нашата средина. YMCA Македонија е дел од семејството на ИМКА распространето во 119 земји ширум светот кое опфаќа повеќе од 58 милиони луѓе.

Главна цел на ИМКА е оспособување на младите луѓе и развивање на вродениот потенцијал кој тие го поседуваат преку обезбедување на вештини и знаења неопходни за да станат активни лидери во нивните средини. Ова се прави преку искуствено образование кое промовира разноликост, гради академски и социјални вештини кај младите.