Дуќанџик-Скопје, Македонија. Сигурно сте слушнале за еден од најпознатите сервисери на велосипеди и моторцикли во градот. Вашиот татко или дедо сигурно го познавал мајстор Ниметулах Сулејман, со краток прекар Нимет. Е па тука почнува приказната. Од кај мајстор Нимет, кој во далечната 1960 година го основаше СЕРВИС НИМЕТ, а неговите синови, во 1992 година регистрираа фирма НИМЕТ увоз-извоз, која ја нарекоа по својот татко. Познавајќи ја душата на двотактните мотори, меѓу кои и штиловите, тие се изборија за ексклузивност во фабриката ШТИЛ во Вајблинген и го започнаа бизнисот како единствен увозник на ШТИЛ за Република Македонија. Со текот на годините формираа стручен тим од вработени и развија дилерска и сервисна мрежа во целата држава, вредно и работливо напредувајќи и развивајќи ја фирмата според европски принципи.