Коалиција на младински организации СЕГА е национална платформа на младински организации активна во полето на лобирање за промени во младинските политики, посветена кон подржување на младинскиот активизам, подобрување на пристапот до информации и учеството на младите луѓе во активности за решавање на нивните проблеми. СЕГА како одржлива и развиена младинска коалиција овозможува младите да веруваат во себе, да ги остваруваат своите интереси, да креираат и да градат. 

Поради проширување на својот тим во својата канцеларија во Прилеп, Коалиција на младински организации СЕГА има потреба од ангажирање на 2 (две) лица за следнава позиција:

КООРДИНАТОР НА СТРАНСКИ ВОЛОНТЕРИ

Потребните квалификации и искуства за работната позиција Асистент  вклучуваат:

• Завршено високо образование или студенти во завршна година на студии; (предност ќе имаат кандидати на факултети од општествените дејности);
• Активно користење на MS Office;
• Одлични комуникациски и презентерски вештини;
• Искуство во организирање и спроведување на настани за млади (обуки, работилници, креативни работилници со деца, дискусии со млади) ќе се смета за предност;
• Креативност во пристапот, иницијативност, способност за работа во тим;
• Одлично познавање и употреба на англискиот јазик (говор и пишување);
• Одговорно извршување на поставените задачи;
• Дополнителни комјутерски вештини: хостирање и ажурирање на web страна, познавање и работа со Corel, Photoshop, Publisher, InDesign, Front Page и слични компјутерски програми ќе се сметаат за предност.

• Ангажираното лице ќе се стекне со следните знаења и вештини:

• Подобрување на комуникациски вештини
• Подобрување на англискиот јазик (говорни и пишани вештини)
• Подобрување на компјутерски вештини
• Раководење со техничка опрема

Задачи и одговорности:

• Координација на ЕВС волонтери:
• Помош и поддршка во реализацијата на активностите на волонтерите;
• Административна и техничка поддршка за време на престојот на волонтерите;
• Подготовка на дневни извештаи;
• Поддршка во спроведување на активности на локално ниво
• Прибирање на информации корисни за младите луѓе од општина Прилеп
• Помош во пишување на месечни извештаи за проектни активности

Опционално (во зависност од способностите):

• Дизајн на публикации, флаери и брошури
• Администрирање на веб страни
• Унапредување на примената на социјалните мрежи во информирање на младите.

Заинтересираните кандидати треба да достават:

– Кратка биографија CV (со фотографија);

– Мотивационо писмо;

Целосната документација да се достави на е-маил:   [најави се за да го видиш е-маилот]  

 Само селектираните кандидати кои ги исполнуваат условите ќе бидат контактирани и повикани на интервју.