Брендер е дизајн и маркетинг агенција која работи на долгорочно развивање на брендови преку континуирано снабдување на дизајн и маркетинг услуги - од истражување на нови производи до нивно пласирање пред ценлата група и развивање во склоп на пазарот. Во овој ланец на услуги нудиме креирање на дизајн решенија за амбалажи на производите за подобар пласман и претставување на пазарот, како и подготовка на сите додатни материјали од информативен карактер за карактеристиките и начинот на употреба на истите производи. По брендирањето на производите, почнуваме со креирање на содржина која би се користела за рекламирање на производот.

Бараме Графички Дизајнер за позиција со следниот работен опис и потребни квалификации:

РАБОТЕН ОПИС И ЗАДАЧИ

• Дизајнирање на материјали за печатење и електронска објава, со поголем акцент на креирање на целосниот изглед на амабалажата и пласирањето на производите на пазарот;
• Истражување на пазарот за конкретни производи и добро разбирање на функциите и главните атрибути на производот, како и барањата на купувачите;
• Координирање со маркетинг тимот за подобро разбирање на идентитетот на брендот, производите, и начинот на нивно позиционирање на пазарот;
• Пишување на содржина за производите и нивното презентирање на пазарот вклучувајќи (но не ограничено со) описи и спецификации за продуктите;

ПОТРЕБНИ КВАЛИФИКАЦИИ И ВЕШТИНИ

• Претходно искуство со графички дизајн. Искуство со дизајн на амбалажа и развивање и пласман на производи ќе се смета за предност;
• Познавање на Adobe Illustrator, Photoshop;
• Љубопитност за истражување на нови производи;
• Способност за согледување на ‘големата слика’ и добро разбирање на производот и конкретниот пазар;
• Креативност и иновативност со маркетиншки начни на размислување;
• Остро око за детали;
• Способност за запазување на рокови и работа под притисок;
• Работа во тим и индивидуално;
• Добри организациски вештини;
• Одлично познавање на англиски јазик во пишана и говорена форма;

Ако сте заинтересирани и сметате дека ги исполнувате горенаведените услови и и квалификации испратете ваше CV и портфолио на [најави се за да го видиш е-маилот] најдоцна до 17.06.2018.
Ќе бидат исконтактирани само кандидатите чија апликација ќе ја помине прваичната фаза на разгледување.