ХАЛК ОСИГУРУВАЊЕ АД Скопје е Друштво за неживотно осигурување кое се стреми кон брз развој и зголемено учество на пазарот на осигурување во Република Северна Македонија. На нашите вработени им нудиме динамична работа со можност за професионален развој и надоградба, како и одлични услови за работа во средина со амбициозен и професионален тим.

Во согласност со нашата цел и стратегија имаме потреба од мотивирани и талентирани кандидати за вработување на следната работна позиција:

Самостоен соработник за ликвидација на штети

• Го утврдува основот и висината за надомест на нематеријална штета, во согласност со законските прописи, критериуми и судска пракса;
• Доставува до оштетените писмен одговор или предлог спогодба;
• Врши евиденција на сите забелешки и доставувања на дополнителна документација во врска со предметите и доставува барање за комплетирање на предмети доколку е потребно;
• Ја организира и координира процедурата за спроведување на преглед на оштетените, по потреба и изготвување на наод и мислење од вештите лица на Друштвото, а по претходно извршена класификација на предметите според видот и карактерот на штетата;
• Преговара со оштетените, нивните полномошници  и законски застапници во врска со ликвидација на штети, односно склучување на вонсудски спогодби а во рамки на овластувањата определени со внатрешни акти на Друштвото, како и застапување на предметите кои се водат во судска постапка а кои ги обработувал во вонсудска постапка;
• Договара и склучува спогодби во граници на овластувањата и лимитите определени во внатрешните акти на Друштвото;
• Внимава на рокот за исплата на штети и изготвува Список на штети кои треба да бидат исплатени и истиот го доставува до претпоставените;
• Врши системска ликвидација на оштетни побарувања;
• Врши системска евиденција на комплетирање на штети;
• Потпишува налози за одобрување на исплата на штета до лимитите определени во внатрешните акти на Друштвото;
• Заедно со проценителите и второстепена комисија за решавање на приговори по штети дава мислење по приговорите на поднесени барања за надомест на штети;
• Води евиденција и изготвува посебни извештаи и списоци кои ќе бидат дополнително доделени од претпоставен;
• Ги известува Филијалите и/или оштетените лица за извршени исплати на штети;
• Изготвува извештаи за потребите на Национално биро за осигурување и Агенција за супервизија на осигурување;
• Дава мислење во Второстепена комисија за решавање на приговори по штети за поднесено барање за надомест на штета;
• Одговара по претставките поднесени до Агенција за супервизија на осигурување;
• Преговара со правни застапници и/или оштетени лица во врска со висината на надоместот на штета, до  утврдени лимити со внатрешни акти на Друштвото, при што писмено го евидентира секое преговарање а во случај на утврдување на дејствие кое би можело материјално или нематеријално да наштети на Друштвото сноси потполна кривична и/или материјална одговорност;
• На крајот на секој месец изготвува извештаи на работени предмети од негова страна како и од страна на Соработниците за правна ликвидација на штети;
• Учествува во процесот на изготвување на внатрешни акти за обработка на штети;
• Учествува во постапка за медијација;
• Соработува со сите вработени во Секторот за штети во насока на давање на мислења и решенија во однос на решавање на одредени предмети за надомест на штета, изготвува статистички извештаи за штети во судска постапка, води евиденција и администрирање на судски спорови по штети, како и архивирање на судските предмети по штети;
• Учествува во рамките на своите компетенции во давање насоки и мислење за изготвување на тужби, одговори на тужби, поднесоци, барања, известувања и други дописи за потребата на судската постапка, како и потребни вонредни правни лекови;
• Врши и други работи на барање на претпоставени лица.

Потребни квалификации и карактеристики:

• Завршено високо образование (правни науки);
• Работно искуство на иста или слична работна позиција од најмалку 1 (една) година;
• Познавање од прописи од областа на осигурување и надомест на штети;
• Одлично познавање на македонски и англиски јазик. Познавањето на Турски или Албански јазик се смета за предност;
• Напредно користење на MS Office (Word, Excel, Microsoft Outlook);
• Одлични комуникациски и преговарачки вештини;
• Способност за тимска работа;
• Преземање на иницијатива и позитивен пристап кон работните обврски.

Бенефиции:

• Приватно здравствено осигурување;
• Континуирани обуки за кариерен и професионален развој;
• Тим билдинг и спортски активности, активности за мотивација на вработени.

Доколку сакате да станете дел од нашето Друштво, испратете ни ваше CV на следната е-маил адреса:  [најави се за да го видиш е-маилот] , со назнака Оглас за вработување на “Самостоен соработник за ликвидација на штети”.

Напомена: Со достава на Вашата апликација по овој оглас за вработување, вие ни овозможувате да имаме пристап до Вашите лични податоци. Истите ќе се  чуваат, обработуваат и користат исклучиво за целите на регрутација и селекција, и ќе бидат избришани по завршување на процесот на селекција на кандидат.

Нaпомена:  Само кандидатите што ќе влезат во потесниот круг ќе бидат повикани на интервју.