Трендот на раст на просечната нето-плата во земјата продолжува. Согласно податоците на Државниот завод за статистика, просечната месечна нето-плата во мај 2022 година по вработен изнесува 31.407 денари, што е за 2.686 денари повеќе во однос на истиот месец лани или за 9,4%.

Согласно статистика, ваквото зголемување се должи пред сѐ, на зголемувањето на просечната месечна исплатена нето-плата по вработен во секторите: Објекти за сместување и сервисни дејности со храна (19.7 %), Уметност, забава и рекреација (16.1 %) и Преработувачка индустрија (14.3 %).

Континуираното зголемување на просечната нето-плата во земјата е резултат и на економските мерки и политики што ги спроведува Владата за раст на просечната и на минималната плата, која изнесува 18.000 денари.

Споредено со мај 2017 година кога просечната нето-плата била 22.889 денари, во мај годинава е зголемена за 8.518 денари и изнесува 31.407 денари.

Владата продолжува со креирање на мерки и на амбиент за повисоки стапки на економски раст и унапредување на животниот стандард на граѓаните како и особена поддршка во услови на криза.

Остануваме посветени на растот на приходите и поддршка на сите граѓани. Покачувањето на платите, покачувањето на пензиите, покачувањето на стандардот на граѓаните е она на што Владата и понатаму посветено ќе работи.

Менаџментот во организациите мора да запази на знаците кои вработените ги даваат кога не се толку мотивирани како што треба. Помалку мотивираните работници не можат да ги направат потребните напори за да придонесат компанијата да ги оствари своите цели. Сериозните проблеми со мотивацијата можат да доведат до намалување на продуктивноста и грешки кои предизвикуваат компанијата да ги изгуби клиентите или угледот да страда. Постојано користење на мотивациски алатки е една од основните одговорности на сите поединци и менаџери во компанијата.

Препознавање на супериорните перформанси

Иако сите во организацијата добиваат поттик од добивање на бонус или друго финансиско признавање на супериорните перформанси, препознавањето на вработените е и мотивирачка сила. Едноставното признание како што е „Вработен на месецот“ во билтен до сите во организацијата може да биде огромно, возбудливо и мотивирачко за вработениот.

Вреднување на инпутот

Може да биде возбудливо чувство за вработениот да дознае дека неговиот менаџер го цени неговиот инпут и идеи. Менаџерите кои ја изразуваат оваа благодарност за вработените, исто така си прават услуга - вработените од сите нивоа во организацијата имаат вредни идеи и набљудувања за да придонесат, што може да ја подобри продуктивноста, ефикасноста, па дури и профитабилноста на компанијата. Вработениот добива психички бенефиции и компанијата добива финансиска.

Пофалби

Најдобрите менаџери ја разбираат вредноста на пофалбите како мотивациска алатка. На луѓето им треба и сакаат да бидат ценети. Менаџерите со ладни или далечни личности пропуштаат можност да ја зајакнат продуктивноста преку неколку едноставни зборови на пофалби.

Како вие ги мотивирате вашите вработени?

DoubleTree by HILTON во Скопје започнува со работа во 2019 година, ланецот DoubleTree by HILTON во сферата на угостителството е постојано на врвот од самиот старт, а со тоа потврдува и нивната награда во 2022 година од Tripadvisor Travelers Choice како меѓу топ 10% од хотелите во светот.

Моментално имаат отворени работни позиции за:

ХОСТЕСА
ХИГИЕНИЧАР/КА
ГОТВАЧ/КА
КЕЛНЕР/КА И ПОМОШНИК КЕЛНЕР/КА
МИЈАЧ/КА НА САДОВИ

Исто така, останатите отворени работни места за аплицирање може да ги погледнете ТУКА!

Во 2020 година биле регистрирани 5.141 новосоздадено претпријатие, што претставува 7,8 % од вкупно активните пазарно ориентирани претпријатија.

Во однос на 2019 година, забележано е намалување на бројот на новосоздадените претпријатија за 6.0 %, и тоа најмногу во секторите Транспорт и складирање, Трговија, Преработувачка индустрија, како и Објекти за сместување и исхрана, објави Државниот завод за стаистика.

Најголемиот дел од новосоздадените претпријатија (77.6 %) припаѓаат на услужните дејности, во чии рамки најмногу се од секторот Трговија на големо и мало; поправка на моторни возила и мотоцикли (1 574), Објекти за сместување и сервисни дејности со храна (609) и Стручни, научни и технички дејности (553). 12.2 % од новосоздадените претпријатија припаѓаат на секторот Индустрија, а на секторот Градежништво 10.2 %.

Новосоздадените претпријатија вработиле 9. 867 лица, што претставува намалување за 23.7 % во однос на претходната година. Без вработени биле 20.6 % од новосоздадените претпријатија, 74.4 % вработиле 1-4 лица, додека 3.4 % вработиле од 5 до 9 лица.

Податоците за структурата на новосоздадените претпријатија според правната форма покажуваат дека најголемо учество имаат претпријатијата категоризирани во групата Друштва со ограничена одговорност и акционерски друштва (80.7 %).

ДЗС објави податоци и за згаснати претпријатија, но во 2019 и 2018 година.

Според претходните податоци во 2019 година згаснале 8.2 % од претпријатијата, односно 5.407.

Гледано по сектори на дејност, најголемиот дел од згаснатите претпријатија (37.1 %) се во секторот Трговија на големо и мало; поправка на моторни возила и мотоцикли, а според правната форма најголем дел од згаснатите претпријатијата (80.7 %) се категоризирани во групата Друштва со ограничена одговорност и акционерски друштва.

Во 2018 година според дефинитивните податоци на ДЗС д вкупниот број активни претпријатија згаснале 7.5 %, односно 4.879.

Гледано по сектори на дејност, најголемиот дел од згаснатите претпријатија (38.6 %) се во секторот Трговија на големо и мало; поправка на моторни возила и мотоцикли, а според правната форма дури 81.0 % се категоризирани во групата Друштва со ограничена одговорност и акционерски друштва.