По 3.000 денари месечно во наредните четири месеци, или вкупно 12.000 денари, ќе примаат 42 000 граѓани од ранливи категории, предвидува пакетот антикризни мерки за справување со кризата кои денеска на прес-конференција ги соопшти премиерот Димитар Ковачевски.

Тука спаѓаат лица кои користат право на социјална сигурност, лица кои го користат правото за попреченост, родители на децата со попреченост до 26-годишна возраст кои користат право на посебен додаток, лицата со попреченост кои користат право за помош и нега од друго лице, лицата со потешки трајни промени во здравствената состојба, самохрани родители корисници на гарантирана минимална плата и невработени лица. За оваа мерка вкупно се издвоени над 8 милиони евра, рече Ковачевски.

Директна финансиска поддршка ќе има и за пензионерите приматели на најниски пензии: над 91 600 пензионери кои примаат до 11.525 пензија ќе бидат помогнати со по 1.500 денари месечно односно вкупно 6.000 денари за четири месеци.

Воедно, директна финансиска помош од вкупно 3.000 денари обезбедивме за пензионерите кои земаат пензија од 11.525 до 14.000 денари, односно над 66.000 пензионери. За оваа мерка, за нашите пензионери издвоивме над 12,2 милиони евра, рече Ковачевски соопштувајќи ги сетот нови мерки за справување со економската и енергетска криза, усвоени денеска на 88-та седница на Владата.

Дел од сетот мерки што беа соопштени треба  да поминат во процедура во Собрание зашто за нив се потребни законски измени, а дел, согласно Уредбата за кризна состојба ќе може да се операционализираат со одлука на Владата или на одделни министетства.

Од идниот месец пензионерите може да ја очекуваат најновата владина поддршка доколку Собранието ги изгласа потребните законски измени, соопшти Ковачевски.

И Ковачевски и министерот за економија Крешник Бектеши очекуваат дека сите пратеници ќе ги усвојат измените што ќе овозможат помош за пензиоенрите и за ранливите категории граѓани, но и реализирање на сите останати мерки за справување со енергетската  и ценовната криза.

Очекувам и верувам дека сите пратеници ќе бидат на ниво на задачата и ќе ги усвојат измените што значат помош за пензиоенрите и ранливите категории граѓани, истакна Ковачевски, одговорајќи на новинарски прашања по прес-конференцијата на која соопшти дека е усвоен нов пакет мерки тежок преку 350 милиони евра. (МИА)

Премиерот Димитар Ковачевски денеска соопшти дека во првиот квартал од идната година повторно ќе има покачување на минималната плата.

Идната година повторно не очекува зголемување на минималната плата, бидејќи ја сменивме методологијата. Сега влијае и зголемувањето на трошоците за живот и зголемувањето на продуктивноста, односно на БДП во државата, рече Ковачевски, одговорајќи на новинарски прашања.

Премиерот истакна дека со стопанските комори се разговара многу отворено.

Сега не е време за финансирање профитабилност, сега е време за финансирање опстанок, како на компаниите, така и за загрижување на најранливите категории, подвлече премиерот на прес-конференцијата откако соопшти дека Владата донесе нов пакет мерки вреден 350 милиони евра.

Зимското сметање на времето се враќа во недела на 30 октомври. Тогаш ќе ги поместиме стрелките од 3 на 2 часот и ќе добиеме дополнителен час.

Ноќта меѓу сабота и недела часовниците треба да се вратат еден час назад, бидејќи завршува летното сметање на времето! Летното сметање на времето почна во неделата, на 27 март, кога часовниците се поместија еден час нанапред, односно од 2 на 3 часот.

Компјутерите, мобилните телефони и другите модерни уреди кои го покажуваат точното време автоматски ќе се „префрлат“ на зимско сметање на времето, но доколку сè уште имате некој аналоген покажувач на времето или некој постар уред што „не може“ да го направи тоа автоматски, не заборавајте да ги поместите стрелките еден час наназад, од 3 на 2 часот.

Невработеноста во земјава се намалува фиктивно, велат граѓаните.

Властите се фалат со помал процент на невработеност, а реалноста е тажна, коментира скопјанецот Павле В. кој вели дека невработените се бришат од списокот на Агенцијата за вработување, не затоа што се вработиле, туку затоа што одбиле да работат ниско платена работа или, пак, се отселуваат во странство.

Најновите податоци на Агенцијата за вработување покажуваат намалување на бројот на невработени во август годинава и тоа за 2.115 граѓани.

Оние кои ќе ја одбијат понудената работа од Агенцијата, автоматски се бришат од списокот на активни баратели на работа, коментираат граѓаните, а работата најчесто ја одбиваат затоа што станува збор за неплатена неколку месечна обука, по што следи нископлатена работа.

Еве што велат граѓаните на темава.

Мојата сопруга доби таква понуда, нормално дека одби. Обуката ќе и' се исплатела кога-тогаш. Сега ќе имала квалификација плус, а со тоа и можност за вработување плус. Тоа се вика ,,практична работа" што се нуди преку АВРМ и е дел од Активните мерки за вработување, вели еден скопјанец.

Додека не се сфати дека мора да се вложува во себе постојано, ќе има невработени кои не можат да најдат работа. Затоа школо никако не одбивајте.

Најверојано не сте имале прилика да отидете на интервју за работата со стари алишта затоа што се е немале пари за да купите нови, а сте имале поголеми квалификации од тој што ја добил работата, оти тој што дошол после вас со џипот на тато и има поголем џепарлак и од платата што ја нудат, и да кога ќе ти кажат дека ќе работиме за 6000 денари и ќе ти речат не одбивајте тоа се пари, да не знаеш дали да се смееш или да плачеш.

Нудат работа, но не и достоинствена плата согласно Законот за работни односи. Нека го понудат работниот час, да не е под 150 денари, виќенд (сабота и недела) 220 минимум. Работна недела во 40 часа, максимум 48 од кои 8 се прекувремени.

Лицето се брише од евиденција на невработени лица во согласност со Законот за вработувањето и осигурување во случај на невработеност, доколку два пати во текот на две години одбие соодветно или погодно вработување или одбие да присуствува или не се јави на интервју за работа на кое е упатено од страна на Агенцијата, велат од Агенцијата за вработување.

Бројките покажуваат дека заклучно со 30 септември годинава, преку центрите за вработување понуда за работа добиле 3.110 лица, од кои 2.433 ја прифатиле понудата, а 538 лица не прифатиле понуда за вработување од оправдани или неоправдани причини.