Со растот на просечната плата во Македонија, порасна и минималниот износ за К-15, кој, оваа година ќе изнесува најмалку 14.000 денари.

Оваа бројка се добива кога ќе се земат предвид последните просечни месечни плати што ги објавил Државниот завод за статистика и кога од нив ќе се пресмета правото на регрес за годишен одмор во висина од најмалку 40 проценти.

Исплатата на К-15 или регрес за годишен одмор законски требаше да почне од 1 јули годинава во сите фирми и институции во државата, зошто не постои компанија која е ослободена од плаќање на регрес за годишен одмор кој им следува на работниците.

Со доаѓањето на крајот на календарската година, така се стеснува и рокот до кој мора сите компании на своите работници да им го исплатат К-15.

Со 26.271 евра куповната моќ на просечниот жител на Германија во 2023 година беше деветта најсилна во Европа, односно позицијата беше послаба од лани.

Бројката се однесува на приходот по жител по даноците и социјалните бенефиции, според нирнбершкиот институт за истражување на пазарот GfK.

Жителите на Лихтенштајн имаат најголема куповна моќ, 68.843 евра, пред Швајцарците со 49.592 и Луксембуржаните со 40.931 евро. Следат Исланѓаните, Данците, Ирците, Австријците и Норвежаните.

Просечната куповна моќ во европските земји годинава е 17.688 евра.

Луѓето во Белорусија, Косово и Украина имаат најмалку пари за трошење, нешто помалку од 2.500 евра.

Вкупно, жителите на 42 европски земји годинава имаат на располагање 12.100 милијарди евра за храна, домување, услуги, сметки, приватно лекување и пензии, разни осигурувања, одмори, мобилност и забава.

Просечната куповна моќ по Европеец е зголемена од 2022 година за номинални 5,8 отсто, но тоа нема да биде доволно за да се покрие реалниот пад на приходите поради инфлацијата.

Иако повеќето луѓе се вратија во канцеларија по пандемијата на коронавирусот, желбата да се работи од далечина и под свои услови е сè уште силна. Толку силна што многумина, се чини, попрво би ја одбрале флексибилноста да работат од дома отколку повисока плата.

И покрај инфлацијата и зголемените трошоци за живот, речиси две третини од американските работници би биле подготвени да им се намалат платите за да работат од далечина, според истражувањето на FlexJobs на повеќе од 8.400 луѓе. Седумнаесет отсто од работниците изјавиле дека ќе жртвуваат до 20 отсто од својата плата, а секој десетти изјавил дека би се откажал од повеќе од 20 отсто.

Дури 63 отсто од испитаниците изјавиле дека работата на далечина сè уште е најважниот дел од нивната работа, пред платата, рамнотежата помеѓу работата и животот и добар шеф.

Тоа не е среќна работа за гореспоменатите работници, бидејќи наоѓањето работа на далечина никогаш не било потешко. Повеќе од половина од испитаниците рекле дека, споредено со истиот период лани, има помала конкуренција за работа во компаниите кои нудат работа на далечина, а оние што ја нудат се преплавени со апликанти. И покрај тоа, повеќе од половина од работниците познаваат некој што се откажал или планира да даде отказ поради барањето на работодавачот да се врати на работа.

Недостигот на опции за далечинско работење е значајна причина зошто луѓето ги напуштаат своите работни места, напиша во извештајот Кит Спенсер, експерт за кариера во FlexJobs. 

„Денешната работна сила е неверојатно благодарна за далечинското работење, и како што се повеќе компании ги прифаќаат овие типови политики, вработените се сè поотворени за истражување на нови можности за кариера со флексибилност и опции за далечинско работење.

Речиси сите кои биле анкетирани изјавиле дека веруваат дека далечинското работење позитивно влијае на нивното ментално и физичко здравје, што го потврдуваат бројни податоци. „Работните професионалци го ценат подобрениот квалитет на живот што може да го обезбеди далечинското работење, со придобивки како што се елиминирање на стресното патување или намален притисок да се вклучите во разговори или канцелариска политика“, вели Спенсер за Fortune.

И покрај желбата за флексибилност, не секој сака постојано да работи од дома. Само 51 отсто од испитаниците изјавиле за FlexJobs дека воопшто не сакаат да одат во канцеларија, 46 отсто се за хибриден аранжман, а само три отсто од испитаниците изразиле желба да бидат во канцеларија пет дена во неделата.

Покрај тоа, 77 отсто од анкетираните изјавиле дека се попродуктивни дома отколку на работа. Многу експерти се согласуваат со нив. „Идејата дека внесувањето на сите во канцелариско опкружување - да работат рамо до рамо - магично ќе даде резултати е глупава“, рече Ени Дин од софтверската компанија Atlassian.

Повторно, многу претходни студии го покажаа спротивното: повеќето работници всушност работат подобро кога се во канцеларија, опкружени со колеги и под менторство.

Но, дури и хибридната работа, смета Дин, е „илузија на избор“ која на сите страни им остава помала флексибилност и автономија отколку што сакаат. Тоа елиминира многу потенцијални придобивки за работниците - како способноста да живеат подалеку од градот, да земаат деца од училиште или да трчаат попладне - и многу придобивки за компанијата. Тоа ефикасно ги погодува компаниите со „сите трошоци на стариот модел и ниту една од ефикасноста на новиот модел“.

Ова не значи дека некоја форма на хибридна работа не е можна. Економистот од Стенфорд и експерт за далечина, Ник Блум, се залага за „паметен организиран хибриден“ план. Ваквите планови - кои зависат од јасните очекувања, широката ширина за прилагодување и, што е најважно, договор меѓу членовите на тимот сите да дојдат на работа во ист ден - ја зголемуваат продуктивноста и работниот морал.

Дру Хјустон, извршен директор на Dropbox, истакнува дека неговата компанија им дозволува на вработените да поминуваат 90 отсто од годината дома, што го зголемило нивното задоволство.

Потребен ви е поинаков социјален договор и препуштање на контролата. Ако им верувате на луѓето и ги третирате како возрасни, тие ќе се однесуваат како возрасни. Доверба наместо надзор“, вели Хјустон.

Извор: Тпортал

Фото: Unsplash

Claudio Schwarz

Магдалена е регрутер кој повеќе од 2 години е дел од тимот за регрутација во Transcom. Како дипломиран преведувач по италијански јазик и студент на постдипломски студии на програмата за Стратегиски менаџмент на човечки ресурси на Економскиот факултет при Универзитетот „Св. Кирил и Методиј“ - Скопје, таа има повеќе од 6 години искуство во областа на БПО индустријата на различни проекти поврзани со корисничка поддршка и продажба. Нејзината пасија, знаење и претходно искуство во овој сектор, моментално ги негува и применува преку својата работа како регрутер во Transcom.

1. Кажете ни малку повеќе за Transcom, кога е основана во Македонија, колку вработени брои во моментов, какви работни позиции имате?

Transcom e шведска компанијa која се истакнува како глобален лидер во светот на БПО индустријата, нудејќи услуги за подобрување на корисничкото искуство преку спој на иновативна технологија и човечки талент. Со преку 30.000 вработени во повеќе од 33 земји ширум светот, Transcom е успешен соработник на најмалку 300 реномирани интернационални клиенти. Во нашата земја, со оперативно работење Transcom започнува во 2021-та година а претставништвото денес, по само 2 и пол години има дури 5 канцеларии (три во Скопје, една во Охрид и една во Тетово) и брои над 300 вработени кои работат на различни работни позиции: од специјалисти за корисничка и техничка поддршка па сè до продажба и маркетинг, на различни странски јазици - германски, холандски, германски јазик со швајцарски дијалект, француски, италијански, шведски и англиски јазик.

2. Кажете ни нешто повеќе за вашата улога како регрутер во Transcom, со што се соочувате секојдневно и како изгледа вашиот работен ден?

Моето патување со Transcom го започнав на самиот почеток на неговото работење тука, веќе речиси две и пол години, и секој ден досега е уникатно искуство. Во тимот сум заедно со моите колешки Анастасија Блажевска и Бисера Бозаревска Мирчевска со кои, на дневна основа, навигираме низ разновидни задачи, од пишување огласи, привлекување на кандидати и прелиминарни селекции па сè до интервјуирање и соработка со нашиот локален и регионален менаџмент тим. Разновидноста на обврски и постојаното менување на трендовите во индустријата ја прави нашата работа динамична но во тој брз свет на регрутација она што најмногу ме исполнува е можноста да комуницирам со поединци со уникатни приказни, различни позадини, квалификации и вештини а моја одговорност е да го спојам нивниот талент со нашите работни позиции.

3. Можете ли да ни го објасните процесот на регрутација во Transcom, на кратко како изгледа процесот од интервју до прв ден на работа?

Процесот обично започнува со телефонски разговор со кандидатите за да им дадеме повеќе детали за работната позиција но и да дознаеме нешто за нив. Потоа спроведуваме online интервју за процена на јазичното ниво и IT вештините. Успешните кандидати преминуваат во следната фаза која е најкарактеристична за нашиот процес на регрутирање - Денот на кандидатот, кога кандидатите доаѓаат во нашите канцеларии и имаат можност од прва рака да видат што ги очекува: пријатна работна атмосфера, транспарентност, прифатеност од самиот почеток. За време на оваа средба, тие можат и да поразговараат со нивниот иден Тим лидер и колеги и директно од нив да добијат одговор за сè што ги интересира. Она што го издвојува нашиот процес на регрутирање е акцентот што го ставаме на транспарентноста и пријателскиот пристап од моментот кога кандидатот ќе се пријави. Веруваме дека пријатното искуство на кандидатот придонесува за обостран успех: како за кандидатот така и за нас. Па така, на крајот, успешните кандидати добиваат понуда за работа и следува потпишување на договорите за работа и комуницирањето на деталите во врска со нивниот прв ден на работа. 

4. Што може да очекуваат апликантите на интервјуто?

Како регрутери, свесни сме дека интервјуата чесно знаат да бидат застрашувачки искуства или пак сосема непознат терен, особено за оние кандидати кои прв пат аплицираат за работа или пак, оние кои на пример, никогаш досега не правеле јазично интервју. Поаѓајќи од тоа сознание, заедно со колешките, го подготвуваме секој кандидат индивидуално, им кажуваме што да очекуваат, каков ќе биде форматот на интервјуто, какви прашања отприлика би можеле да добијат, колку долго ќе трае интервјуто, дали покрај усната евалуација ќе има и писмен тест итн. Нашата цел е да ги охрабриме кандидатите, помагајќи им добро да се подготват и да се чувствуваат пријатно, сигурно, самоуверено за време на интервјуата со цел да можат да го дадат најдоброто од себе. 

5. Кои се бенефициите за вработените во Transcom, зошто би ги повикале да работат со вас?

Како мултинационална компанија, Transcom навистина има многу да понуди: почнувајќи од конкурентните плати, разновидните бонуси (бонуси за добредојде, добри перформанси, редовност, препораки на пријател), приватно здравствено осигурување, платени патни трошкови за оние кои живеат во градови каде што сè уште немаме канцеларии, платен тренинг со сертифицирани тренери, континуирани обуки за постојан развој, пристап за сите до компаниската платформа за учење и стекнување нови вештини, модерни канцеларии на лесно достапни локации опремени со најнова технологија. Но не само тоа: како компанија која е силно посветена на благосостојбата на своите вработени Тranscom интензивно се грижи за одржување на пријатна работна атмосфера и тимски дух преку организирање на бројни настани како забави од затворен и отворен тип, тим-билдинзи, спортски турнири, одбележување на меѓународни денови со интересни активности но и редовно наградување со интересни подароци на „Транскомовците“ кои ги демонстрираат вредностите на компанијата во секојдневното работење.  

6. Каква е работната средина во Transcom? Како се стимулира тимската работа и колективната одговорност и како тоа помага во задржувањето на талентите?

Работната средина во Transcom е динамична, позитивна и придвижена од главните вредности кои ги негуваме како компанија: се поддржуваме едни со други, ги одржуваме нашите ветувања, инклузивни сме, работиме тимски и не престануваме да учиме. 

Во Transcom, сè почнува од тимската работа и колективната одговорност и тоа ни помага да ги постигнеме нашите цели заедно, правејќи секој да се чувствува ценет за она што го придонесува. Ваквиот фокус ги задржува нашите талентирани луѓе со нас на долг рок бидејќи, кога се чувствуваш како дел од заедница која те поддржува, те поттикнува, те прифаќа, те почитува, ти се посветува во секој поглед и е благодарна што си дел од неа, веројатноста да бидеш задоволен, исполнет со работата и да сакаш да останеш е навистина голема. 

7. Коj може да аплицира на работните позиции во вашата компанија и кои квалификации или критериуми обично се потребни за да се земат в предвид кандидатите?

Во Transcom не познаваме лимити и луѓе од сите возрасни граници се добредојдени да аплицираат. Впрочем, убавината на нашата индустрија се крие токму во фактот што секој кој зборува одреден јазик може да најде соодветна работа за себе. Покрај јазичните познавања кои се задолжителни, од кандидатите се бара да имаат и основно познавање од работа на компјутери, кое понатаму нашите сертифицирани тренери го усовршуваат за време на периодот на обука. Дополнително на тоа, огромно значење придаваме и на културното вклопување. Ова значи дека кандидатите треба да бидат комуникативни, да поседуваат емпатија, да бидат искрени, тимски играчи, отворени за учење и инклузивни согласно главните вредности на Transcom, што е од клучно значење за одржување на здрава работна средина, поттикнување на соработка и градење на просперитетна кариера.

8. Кои се следните планови на компанијата, дали веќе имате план како ќе изгледа 2024-та во доменот на регрутации во вашата компанија?

Нашата визија за иднина е фокусирана на континуиран раст во Северна Македонија, со оглед на огромниот потенцијал што го гледаме тука. Активно планираме воведување на нови проекти а со тоа, и создавање нови можности за работа, осигурувајќи се дека кај нас, ќе има нешто соодветно за секој. Оваа експанзија секако, нема да биде ограничена само на нашите локации во Скопје, туку подеднакво сме посветени на проширување на нашите операции и во Тетово и Охрид, и воопшто на ниво на цела земја, со цел да се поврземе со таленти од различни региони. Покрај тоа, работиме и на подобрување на бенефитите што ги нудиме. Сакаме да покажеме дека не сме само одличен работодавец во моментов, туку и дека континуирано работиме да станеме уште подобри. Значи, во однос на доменот на регрутирање, планираме 2024-тата година да биде година на раст и позитивни промени, и навистина сме возбудени заеднички да го реализираме тоа.