КАМ Маркет е најголем синџир на маркети во Македонија кој ги применува основните принципи на хард дисконт: Висок квалитет и постојано ниски цени. Кам има мрежа од 80 маркети низ цела Македонија, а има и свои маркети во Бугарија и Косово. 

Поради константен раст на тимот моментално се оторени следниве работни позиции:

Касиери/ки - Гостивар
Раководни лица - Кочани
Касиери/ки - Струга
Касиери/ки - Охрид
Касиери/ки со скратено работно време - Скопје
Раководители - Лептокарија
Раководни лица - Ѓорче Петров
Касиери/ки - Ѓорче Петров
Магацински работници - спремачи на роба - нас.Илинден
Раководни лица - Скопје
Касиери/ки - Скопје

Се уште невработени?! Сите останати работни позиции можете да ги најдете ТУКА.

Кога добрите вработени одлучуваат да го напуштат своето работно место, тоа може да биде голем удар за компанијата. Загубата на талентирани и посветени вработени носи со себе финансиски и оперативни трошоци, како и негативно влијание врз тимската динамика и моралот на останатите вработени.

Еве некои од најчестите причини зошто добрите вработени ги напуштаат своите работни места:

1. Недостаток на признание и вреднување

Една од најголемите причини поради кои вработените заминуваат е чувството дека нивниот труд не е препознаен или вреднуван. Кога вработените постигнуваат добри резултати, а тоа не е признаено од страна на менаџментот, тие може да се чувствуваат демотивирани и недоволно ценети.

2. Ограничени можности за развој и напредување

Добрите вработени честопати се амбициозни и сакаат да учат и да напредуваат во својата кариера. Ако компанијата не им обезбеди јасни патишта за професионален развој, унапредување или дополнителна обука, тие може да бараат други можности каде што нивните вештини и таленти ќе бидат подобро искористени.

3. Лошо лидерство и менаџмент

Односот со непосредниот претпоставен е клучен фактор за задоволството на вработените. Лошото лидерство, неефикасната комуникација, непочитувањето на вработените или неправедното однесување можат да предизвикаат значителна фрустрација и да ги натераат добрите вработени да ја напуштат компанијата.

4. Недостаток на баланс помеѓу работата и приватниот живот

Во денешно време, многу вработени бараат баланс помеѓу работата и приватниот живот. Ако компанијата бара прекумерно работно време или постојано го нарушува личното време на вработените, тие може да се чувствуваат исцрпени и незадоволни, што ги тера да побараат работно место кое повеќе го почитува нивното време надвор од работа.

5. Неправедна или недоволна компензација

Платата и бенефициите се важен фактор за задржување на вработените. Ако вработените чувствуваат дека не се соодветно платени за својот труд или дека нивната компензација не е конкурентна на пазарот на труд, тие може да бараат други опции кои нудат подобри услови.

6. Недостаток на смисла и цел во работата

Вработените сакаат да чувствуваат дека нивната работа има значење и дека придонесуваат за нешто поголемо. Ако се чувствуваат дека работат на задачи кои не се важни или дека нивната работа нема позитивно влијание, може да изгубат мотивација и да побараат нови предизвици каде што ќе најдат поголема смисла во својата работа.

7. Токсична работна култура

Работната култура игра клучна улога во задржувањето на добрите вработени. Ако во компанијата владее токсична култура, каде што преовладуваат непочитување, интриги, и постојан стрес, вработените брзо ќе ја изгубат мотивацијата и ќе се обидат да најдат работна средина каде што ќе се чувствуваат подобро.

8. Недоволна комуникација и транспарентност

Кога компаниите не комуницираат јасно со своите вработени или не споделуваат важни информации, тоа може да предизвика несигурност и недоверба. Вработените сакаат да бидат информирани за промените и одлуките кои влијаат на нивната работа, а недостатокот на транспарентност може да ги натера да ја напуштат компанијата.

9. Недоволна поддршка и ресурси

Добрите вработени сакаат да успеат во својата работа, но тоа не е можно ако немаат пристап до потребните ресурси и поддршка. Недостатокот на алатки, обука, или соодветен тим може да ги фрустрира и да доведе до тоа да бараат подобри услови во друга организација.

Компаниите кои сакаат да ги задржат своите најдобри вработени треба да ги препознаат овие фактори и да работат на создавање работна средина каде што вработените ќе се чувствуваат ценети, поддржани и мотивирани.

Екипа на астрономи користејќи ги телескопите Чандра и Хабл ја откри најблиската двојка супермасивни црни дупки досега, оддалечени околу 300 светлосни години. Овие црни дупки, иако невидливи, сјаат силно бидејќи гасот и прашината што ги апсорбираат се загреваат. Црните дупки се наоѓаат во центарот на судирачки галаксии наречени MCG-03-34-64.

Астрономите првично ги откриле црните дупки преку три зраци на светлина во сјајниот гас на галаксијата, забележани од Хабл, а потоа преку Чандра во X-зракова светлина идентификувале два моќни извори на X-зраци. Понатамошните истражувања откриле дека двојката супермасивни црни дупки ослободува и радиобранови.

Двете супермасивни црни дупки некогаш биле центри на нивните галаксии, а по нивното спојување, ќе се соединат за околу 100 милиони години, создавајќи гравитациски бранови. Овие бранови би можеле да бидат откриени од идната мисија LISA на Европската вселенска агенција.

Државниот зваод за статистика објави дека во јули годинава се издадени 374 одобренија за градење, што е за 33,6  проценти повеќе во однос на истиот месец од претходната година.

Најмногу оодбренија за градење се издадени во пелагонискиот регион, 89, по што следуваат Скопскиот и Југоисточниот со по 57,  Полошкиот, 55.

Според издадените одобренија за градење, предвидената вредност на објектите изнесува 7 119 331 000 денари, што е за 71,7  проценти повеќе во однос на истиот месец од претходната година. Од вкупниот број на издадени одобренија за градење, 207 (55,3  проценти) се наменети за објекти од високоградба, 75 (20,1 процент) за објекти од нискоградба и 92 (24,6  проценти) за објекти за реконструкција.

Од вкупно 374 објекти, на 200 (53,5  проценти) како инвеститори се јавуваат физички лица, а на 174 (46,5  проценти)  инвеститори се деловни субјекти. Во извештајниот период е предвидена изградба на 808 станови, со вкупна корисна површина од 66 044 м2.

Најголем број станови ќе се градат Пелагонискиот регион, 207, по што следуваат Југозападниот, 191, Скопскиот, 119, источниот 115, Полошкиот, 110, во Југоисточниот 49, а Североистолнот повторно е со најмалку,  односно пет.

Во Пелагонискиот регион ќе се градат 122 стана во Прилеп и 84 во Битола, а во главниот град, најголем број од становите се во Центар, 37, Карпош, 23, Гази Баба и Сопиште, со по 21, Аеродром пет.