Еден од најдобрите начини за да станете подобар лидер е да ја погледнете вашата организација во ново светло. Одговарањето на прашањата кои следат во продолжение може да ви помогнат во тој процес. Ќе добиете појасна слика за целата ваша компанија, можеби ќе ги проментие сегашните цели, ќе се насочите на нови, ќе го погледнете бизнисот, потрошувачите, конкуренцијата со други очи. 

1.  Кои се трите нешта кои не задржуваат назад? 
2.  Ќе работам ли со нас ако јас сум потрошувач?
3.  Што пречи на бизнисот што ние не го сметаме?
4.  Што може да научиме од развојните старт-ап компании?
5.  Дали победуваме во „word-of-mouth“ борбата?
6.  Зошто сите овие одлични идеи собираат прашина на нашите полици?
7.  Зошто навистина губиме квалитетни потрошувачи? 
8.  Дали ги читаме извештаите кои ги бараме? 
9.  Кои активности денес, би имале најголемо влијание за десет години?
10.  Дали се држиме до ветеното?
11.  Дали сме сите фокусирани на нашите топ три приоритети?
12.  Дали учиме од нашите грешки?
13.  Дали правиме позитивна разлика во животите на луѓето?
14.  Колку навистина ја потценуваме конкуренцијата?
15.  Што ќе направевме поразлично ако почнавме да работиме денес? 
16.  Секогаш ли го казнуваме неетичкото однесување на работното место? 
17.  Кои се трите најголеми закани за нашиот бизнис?
18.  Што е она што треба да престанеме да го правиме? 
19.  Дали водиме или само менаџираме? 
20.  Дали им нудиме на луѓето нешто друго освен плата?

Разликата помеѓу просечните и одличните лидери е во постојаната евалуација на работата која постои кај лидерите кои се одлични во своето работење. Тие никогаш не престануваат да учат и да се запрашаат каде грешат, а каде не. Овие прашања може да ве поттикнат да размислувате како добар лидер и да дејствувате како таков. 

Дали некогаш сте поминале време со некој и сте добиле чувство како тој/таа да не е присутен? Вие можеби да сте биле присутни физички во просторијата, но не сте се поврзале. Особено во бизнис комуникацијата, ненамерно може да создадеме комуникациски бариери кои може да го отежнат понатамошниот развој на односите. Решението е во идентификување на бариерите и ефективна комуникација за да се елиминираат. 

Пречките во комуникацијата не ни се случуваат, тие се создадени од нас. Тоа значи дека како што сме способни да ги создадеме, така можеме и да ги рушиме. 

1. Жонглер - Некои луѓе се постојани мултитаскери. Тие работат толку многу нешта во исто време што никогаш не сте целосно сигурни дали делумно или воопшто ве слушнале. 

2. Зафатена пчела - Овие луѓе брзаат од една активност кон друга без време за губење. Ќе ви е потребна многу среќа да ги задржете нив за еден цивилизран разговор. 

3. Расеани - Спелувањето на зборот фокус е тешко за овие луѓе, исто како и фокусирањето на нештата. Тие гледаат во својот часовник, извикуваат инструкции или вршат телефонски повик додека се уште разговараат со вас. 

4. Сонувачи - Присутни физички, но со умот некаде во својот свет. Комуникацијата е особено тешка да се оствари овде.

5. Тврд орев - Освен разговорот, ништо повеќе не треба да очекувате дека овие луѓе ќе споделат со вас. Може да ги познавате со години, а ништо да не знаете за нив. 

6. Господари на работата - Комуницираат кога имаат потреба, не кога сакаат. 

7. Нетолерантни - Личните предрасуди се особено важни за овие луѓе кога одредени теми на разговор се дискутираат. Ако тие не се согласуваат со вашето мислење, тие може да ве наслушнуваат, но не навистина да ве слушаат. 

8. Играчи - Ви се јавуваат од нивната кола додека возат низ тунел или кога мрежата е доста лоша и се што вие слушате е секој четврт збор. Од вас се очекува да ги пополните празните места.

9. Егоисти - Некои луѓе се многу окупирани со зборувањето за себеси, што никогаш не им паѓа на памет дека можеби и вие имате нешто да кажете. Џорџ Бернард Шо еднаш рекол „Проблемот со неа е дека на неа и недостига моќта на разговорот, но е и моќта на зборувањето.“

Првиот чекор кон решавање на бариерите кои понекогаш и ние самите ги поставуваме, е да го осознаеме проблемот. Во бизнисот особено е важно секогаш да останете професионални, да не ве надвладеат емоциите. Како сопственици, идни претприемачи или вработени, да ги знаете неколкуте начини на неефективно комуницирање, бариерите кои самите ги правиме е важно за да пронајдете начини да ги спречите.

Работа на топло и ладно време, без здравствено осигурување, со ниски плати и работа на „црно“ - ова се проблемите со кои се соочуваат градежните работници. Еден од вработените во градежна компанија, Добре Петровски, вели дека добива плата од 10,000 денари која не му е доволна за да го преживее месецот. 

Независниот синдикат на градежните работници бара од Министерството за труд и социјална политика да формира посебна комисија за правата на градежните работници. 

Според овој синдикат, во Македонија има над 10,000 градежни работници. Во врска со кршењето на нивните права, тие бараат повеќе внимание и институционална поддршка. 

Извор: http://tv21.tv/mk/?p=154326\

KARIERA.mk го прославува својот прв роденден!

На 21ти ноември минатата година, на македонскиот пазар беше лансирана KARIERA.mk – македонски сајт каде компаниите може да ги огласуваат отворените работни позиции и каде работобарачите може да аплицираат на истите. Соработката помеѓу тимови со над 10 годишно искуство во HR и IT индустријата се покажа одлична и овозможи на над 1200 компании да ги најдат вистинските луѓе за нивните работни позиции!

Што постигнавме?

Дозволуваме бројките да зборуваат наместо нас:

• 5.500 објавени огласи со повеќе од 10.000 работни места
• 1.200 зачленети компании
• 48.100 корисници со нивни CV-a
• 40.000 дневни посети

Што добивате Вие?

• Објавување на огласи за работа, пракса, стипендија и обука
• Професионална услуга од тимот на KARIERA.mk
• Дополнителни совети за поуспешна потрага по соодветните таленти
• Споделување и промовирање на огласот преку голем број на канали: Facebook, LinkedIn, Twitter - KARIERA.mk се обидува на секој начин да дојде до вистинските кандидати
• Тартетиран newsletter до 110.000 луѓе
• Можност за компаниите да го градат нивниот бренд, можност за рекламирање, ПР текстови, видео интервјуа
• Бесплатни професионални совети на корисниците како да направат професионално CV

Кон што целиме?

Иако сме многу задоволни од досегашните резултати, целта на KARIERA.mk е уште повеќе да се развива. Во текот на наредната година, имаме намера да воведеме нови услуги, како и нови продукти, се со цел да излеземе во пресрет на потребите на нашите клиенти – компаниите.Покажаните резултати, успешната организација на HR самитот, како и планираните иновации кои секојдневно го зголемуваат нашиот кредибилитет, се доказ за квалитетот кој го поседуваме и мотивација за уште поефективно работење.

Продолжете да бидете дел од успехот на KARIERA.mk. Вие сте дел од тоа што сме денес ние.

Ви благодариме!

Тимот на KARIERA.mk