Скопскиот градоначалник Петре Шилегов ја стопирал изградбата на новиот Луна парк. Како што јавува порталoт „СДК.МК“, новата градска администрација планира проектот да го даде под концесија на приватен партнер, којшто би требало да го изгради и да стопанисува со него.

Ваквата идеја на градоначалникот Шилегов би ги заштедила планираните финансиски средства од градскиот буџет, но во изминативе години се покажа како неуспешна.

Претходниот градоначалник Коце Трајановски во неколку наврати распишуваше повици за пронаоѓање на приватен концесионер, но ниту во еден случај не го пронајде. Првиот тендер беше распишан во 2011 година, а последниот обид заврши без успех на почетокот од 2014 година.

По најновата одлука на градоначалникот Шилегов, останува нејасно што ќе се случува со двата склучени договора за реализација на новиот забавен парк во Скопје.

Претходното раководство на Град Скопје уплати над 2,1 милион евра за набавка на седум реквизити од идниот Луна парк.

Фирмите „Боминг“ и „Ивама Траде“ уште лани ги обезбедија планираните реквизити од првата фаза. Воедно, компанијата „Жикол“ од Струмица беше избрана за изведувач на градежниот дел од Луна паркот.

Во изминатиов период целосно се заврши изградбата на подземната инфраструктура, но и на еден од предвидените објекти во рамки на забавниот парк. За вториот договор беа издвоени над 1,6 милиони евра.

Проектот за изградба на новиот Луна парк во Скопје започна да се реализира минатата година. Оваа содржина од Градскиот парк е планирано да се простира на површина од 40.000 метри квадратни.

За овој проект беше предвидено да се издвојат околу 6,5 милиони евра. На просторот е зацртано да се постават 26 реквизити за возење и забава, меѓу кои и два адреналински, шест семејни и 18 детски реквизити.

Воведување доплата за ненавремено осигурени возила предлага Националното биро за осиурување на РМ, со цел да се реши проблемот со големиот број неосигурени, односно нерегистрирани возила.

Проблемот со неосигурени возила е присутен повеќе од 20 години. Иако во 2011 година со учество на повеќе субјекти е донесена Оперативна програма за намалување на бројот на неосигурани возила за пет проценти секоја година се уште ова прашање не губи од својата актуелност и има потреба од негово разрешување со преземање на бројни системски мерки – наведуваат од Националното биро за осигурување.

Податоците со кои располага Националното биро за осигурување покажуваат дека во 2017 година во однос на 2016 година не се обновени 13,8 отсто од полисите или вкупно 81.176 возила се нерегистрирани.

На овој број неосигурени возила секако треба да се додаде и бројот на возила што не се наоѓаат во евиденцијата на осигурани возила во Централниот систем, а не се осигурани повеќе години – посочуваат од бирото и додаваат дека целокупната состојба со неосигурани возила има високи негативни ефекти.

Статистичките анализи на националното биро покажуваат дека во просек годишно од страна на Гарантниот фонд се исплаќаат преку 2.000.000 евра за штети предизвикани од неосигурани и непознати возила и се резервираат штети преку 3.500.000 евра. За изминатите 10 години од страна на Гарантниот фонд се исплатени преку 25.000.000 евра.

Осигурнителната индустрија повеќе години ги опсервира овие проблеми и констатира дека со укинување на законската одредба да секој сопственик на моторно визило кој до истек на важноста на регистрацијата не го регистрира и осигура возилото, не ги враќа регистарските таблички не е обврзан да извади нови регистарски регистарски таблички при повторна регистрација на возилта. на овој начин драстично се зголеми бројот на неосигурени возила со одлагање на времето на осигурување и регистрација – оценуваат од Националното биро.

Според нив проблемот се очекува да се надмине со системски мерки, а посочуваат дека како аргумент дека не се во прашње немањето финансиски средства за регистрирање на возилата се и податоците од анализата што покажуваат дека возила со поголема вредност се нерегистрирани. Нерегистрирани се и земјоделски возила за кои осигурувње на годишно ниво е околу 700 денари.

Бирото иницијатива за измени и дополнување на Тарифата на премии за осигурување на сопственици на моторните возила од одговорност за штети предизвикани на трети лица од 2006 година, како што наведуваат оттаму, има доставено до Министерството за финанси и Комисијата за осигурување од автомобилска одговорност на Владатa на РМ во декември 2017 година.

Граѓанин на Аргентина го сменил полот  за да може да се пензионира 5 години порано , објавија локалните медиуми, цитиран од АФП.

59-годишниот даночен службеник, Серџо, стана Серџа по пат на документи за да може да се пензионира на возраст од 60 години како жена наместо на 65 години како маж . Законот во државата дозволува такво нешто.

Според локален сајт 59-годишниот разведен маж кој живее според семејни принципи со млада жена, ја злоупотребил регулативата , бидејќи тој закон  е за травестити кои сакаат да го сменат полот по граѓанска состојба, без да се подложуваат на операција за промена на полот.

Канада донесе одлука во официјалните формулари да ги замени термините „мајка“ и „татко“ со „родители“ и најави исфрлување на термините „господин“ или „госпоѓа“ од официјалната коресподенција.

Канадската Влада донесе одлука да стави неутрален род во сите свои обрасци. Министерството за семејство образложи дека досегашните формулари не биле прилагодени на сегашните околности.

Одлуката е донесена откако хомосексуална двојка во Нова Шкотска сакале да извадат картичка за социјално осигурување за нивното дете и требало да одредат кој е таткото, а кој мајката.

Во иднина, во Канада во формуларите ќе се внесуваат само имињата на родителите.

Во телефонските разговори, вработените во државните институции на почетокот на разговорот ќе мораат да ја прашаат личноста како да и се обраќаат, а употребата на „госпоѓа“ или „господин“ ќе биде само на барање на странката.