Еврото може да исчезне за десет години доколку не се направат значајни економски реформи, вели Еманул Макрон, популарниот поранешен француски министер за економија.

Вистината која мораат сите да ја прифатат е дека еврото е нецелосна валута и дека не може да трае без големи реформи - изјави Макрон кој на претстојните избори во Франција ќе настапи како независен кандидат.

Говорејќи за фијаското на единствената европска валута, тој изјави дека проблемот е во тоа што еврото не успеало во Европа да добие „полн меѓународен суверенитет и не се води според правилата, кои на пример важат кај доларот“ вели тој и додава дека е очигледа различноста на државите членки.

Според неговото мислење Германија и Франција се две сили кои се во состојба да ја променат оваа ситуација. Тој смета дека Франција мора да го реформира својот пазар на труд и задолжителниот систем со цел да го заживее економскиот раст. Кога станува збор за Германија, Маркон вели дека токму поради мааните на еврото, таа во моментов има корист на сметка на слабите членки.

Недостатоците на еврото и прилегаат на Германија - наведе тој укажувајќи на тоа дека работите мораат да се менуваат.

Како заговорник за европските интеграции, Макрон го спомена и недостатокот на доверба меѓу Франција и Германија, која, како што вели, ги кочи реформите на еврозоната.

„Постои дел од одговорноста која го сноси Франција и доколку бидам избран ќе ја преземам таа одговорност“.

Осум луѓе на планетата имаат богатство, еднакво на она што го поседуваат половина од најсиромашните на планетата или 3,6 милијарди луѓе.

Ситуацијата е „цинична" и „ги изострува нееднаквостите", покажа истражувањето на британската невладина организација Оксфам. 

Цинично е таквото богатство да е во рацете на толку ограничено малцинство, откако е познато дека секој десетти човек во светот преживува со помалку од 2 долари на ден - вели портпаролката на Оксфам за Франција, Мано Обри. 

Извештајот насловен „Економија во служба на 99-те проценти", открива како големите компании и најбогатите луѓе во светот ги зајакнуваат уште повеќе нееднаквостите, вешто избегнувајќи ги даноците, намалувајќи ги платите и зголемувајќи ги максимално приходите на акционерите. 

Според Оксфам со ова темпо првиот супермилијардер во светот може да се очекува да надмине трилион долари во наредните 25 години. За да  ја потроши оваа сума, тој би требало да троши по 1 милион долари на ден во тек на 2738 години, пресметале експертите на Оксфам.

KARIERA.mk од денес можете да ја следите и на јавната група за разговори и размена на огласи за работа, пракси, стипендии и обуки.

Групата се наоѓа под името kariera.mk, или на линкот http://viber.com/kariera.mk 

Со германскиот пасош в џеб е најлесно да се тргне на патување низ светот. Патните исправи на германските државјани се најдоа на врвот на листата која ја изработи консултативната фирма „Хенли енд Партнерс“. Компанија секоја година прави попис на држави со чии патни исправи може да се посетат најмногу држави, а притоа да не мора да се извади виза.

Германија е трета година по ред на врвот, а македонскиот пасош се најде на 45 место.

Од вкупно 198 земји во светот, македонските државјани можат да патуват во 64 земји без виза, и тоа поголемиот број во шенген зона, а за 134 земји е потребна виза за патување на МК државјанин - велат од Министерството за надворешни работи.

На веб-страната на МНР стои дека постои можност за одбивање на влез во Шенген зоната поради одредени причини. Од министерството ни одговорија дека причините за одбивање влез во Шенген се важност на пасош подолго од 6 месеци од престојот, доказ за целта на патување и доволно финансиски средства. Овој безвизен режим се однесува на престој не подолг од 90 дена. Доколку престојот е подолг од 90 дена, потребно е државјаните на Македонија да аплицираат за долгорочна виза или за дозвола за престој.

На листата на „Хенли енд Партнер“ втора е Шведска со една држава помалку од Германија, а третото место го делат Финска, Франција, Италија, Шпанија и Велика Британија со 175 држави.

Патната исправа на македонските државјани лани била на 46 место, а преклани на 36 место кога и сме ја имале нависоката позиција на рангирањето. Во 2013-та година пак, сме биле на 38 место.

Дел од регионалните земји пак се на повисока позиција од нас. Така, Хрватска е рангирана на 24 место и со нивниот пасош може да се патува во 149 земји без визи. Босна и Херцеговина е на 52 место, Србија на 43 место, а Словенија на 12-то место. Бугарија пак е на 21 место, Албанија на 53 место, а Грција на 7 место.

Првите места ја докажуваат моќта на европските патни исправи. На четврто место се Белгија, Данска, Холандија и Соединетите Американски Држави. На петто место се Австрија, Јапонија и Сингапур. Ирска е рангирана на шесто место, заедно со Канада, Јужна Кореја, Луксембург, Норвешка, Португалија и Швајцарија.