Ново поскапување на бензинот и дизелот, но колкава би била цената без давачките кон државата?

Малопродажната цена на бензините од понеделник на полноќ се зголеми за 1 денар, додека пак на дизелот за половина денар во согласност со последната одлука на Регулаторната комисија за енергетика.

Според новата одлука донесена на 09.07.2018, новата цена на Еуросупер БС-95 изнесува 72 денари, на Еуросупер БС-98 изнесува 74 денари. Еуродизелот се продава по 64 денари за литар, а Екстра лесното масло за домаќинство по 52,50 денари за литар.

Пораст бележи и цената на мазутот и таа изнесува 34,711 денари за килограм.

Просечната цена на суровата нафта на светскиот пазар во изминатите 14 дена изнесуваше 75,88 долари за барел и е повисока за 2,78 проценти, а курсот на денарот во однос на доларот изнесуваше 52,60 денари и е за 0,21 процент понизок.

Литар безоловен бензин и дизел за само 39 денари – толку би чинело горивото на бензинските пумпи ако од малопродажната цена се одбие делот кој оди за државата во форма на разни давачки, даноци и акцизи и остане само производствената цена и трговската маржа.

Нафтените деривати се користени од голем дел од населението и стопанството на директен или индиректен начин па токму затоа и претставуваат одличен извор на полнење на државната каса.

Во Република Македонија цената на нафтените деривати не се одредува на пазарот туку неа ја одредува Регулаторната комисија за енергетика на секои две недели. Како два главни фактори кои влијаат на цената се движењето на девизниот курс на доларот во однос на македонскиот денар и цената на суровата нафта на светските берзи.

Основа за формирање на цената што ја плаќаме кога точиме гориво на бензинска пумпа, е рафинериската цена, која се одредува според методологијата пропишана со Анекс Д од Договорот за купопродажба на акции и за концесија на Рафинерија АД „Окта“ Скопје, потпишан меѓу Владата на Република Македонија и акционерското друштво „ЕЛ.П.Е.Т. – Балканики” како стратешки инвеститор, кое е во сопственост на грчки „Хеленик петролеум“.

Биткоин останува најдобар избор за инвеститорите, бидејќи криптовалутата „се користи функционално“ од луѓето во светот.

Тоа го посочи Барт Смит, шеф на Дигитални средства од компанијата од „Wall Street“ – „Susquehanna International Group“, за „CNBC“.

Ако сакате да поседувате средства што реално можете да ги користите денес и луѓето ги користат функционално, тогаш ова е биткоинот, вели Смит.

Применливоста на биткоинот е валидна и денес, а тоа е валута на Интернетот, додава тој.

Биткоинот е најголемата виртуелна валута по пазарна капитализација на пазарот, на кој постојат уште илјадници криптовалути.

Според зборовите на Смит, она што му дава предност на биткоинот кон сите други дигитални средства, е неговата активна употреба од страна на корисниците.

Во минатата година, кога трговијата со биткоин фјучерси се појави, луѓето се возбудени многу во врска со биткоинот, вели Смит.

Тие беа возбудени за сите други дигитални средства. Одеднаш сите овие мали криптовалути околу кои луѓето се возбудлија, се надминаа себеси, вели експертот.

Ако погледнете на други апликации (на криптовалутите), како најпаметните договори, мислам дека луѓето почнуваат да сфаќаат дека овие работи се многу сложени и нема да станат достапни наскоро воопшто, вели Смит.

Според него, многу луѓе кои работа во странска земја, испраќаат пари до друга точка во различна држава – ситуација која е доста погодна за биткоинот.

Тие го користат „Western Union“, традиционалните банки. Ова е бавно и скапо. Исто така, постојат луѓе кои можат да ве спречат да ги испраќате овие пари, без разлика дали се добри или лоши. Со биткоинот можам да испраќам пари. Брзо е. Ефикасно е. И искрено, никој не може да ме запре да го направам, вели тој.

Во времето на подготовка на материјалот, биткоинот се тргуваше за 6.338 американски долари, според „CoinMarketCap“.

Во јуни, цената на криптовалутата падна под 6.000 долари за прв пат за 8 месеци.

Бикоинот достигна највисока цена на крајот од минатата година кога се тргуваше за речиси 20.000 долари.

Вашиот шеф ве повикал вас и останатите вработени на разговор со цел да го кажете своето мислење и да ги споделите идеите за подобрувањето на компaнијата во која работите? Имате креативнo решение, ама не знаете како да постапите? Се плашите да не бидете осудени, а не знаете ниту дали вашите колеги се согласуваат со вас? Прочитајте ги следните совети...

1. Не избрзувајте

Не говорете ништо се додека немате што конкретно да кажете. Слушајте го прво говорникот и оценете како реагираат другите. Не избрзувајте.

2. Внимателно слушајте

Слушајте прво што имаат другите да кажат. Особено слушајте ги последните реченици на соговорниците. Повеќе лица ќе ги сумираат своите мисли и во последната реченица ќе ја кажат суштината.

3. Верувајте во своите идеи

Не плашете се дека вашите идеи не се вредни. Обично тоа што прво ќе ви падне на памет е најдоброто решение.

4. Задоволете се себеси

Креативноста е задоволување на вашата сопствена љубопитност и овозможување на ваши лични решенија за секој проблем кој се наоѓа на патот. Ако го зборувате она што вие сметате дека другите сакаат да го слушнат се ограничувате себеси.

5. Секоја идеја е добра

Секоја идеја третирајте ја како добра. Дајте и на вашата идеја шанса. Бидете прецизни и точни кога говорите, и бидете што пократки во нејзиното претставување.

6. Претставете ја вашата идеја како исказ, не како прашање

Кажете го токму тоа што го мислите. Нагласувајте ги зборовите таму каде што е потребно.

7. Бидете отворени и за туѓите идеи

Ова е најважно. Мора да бидете отворени и за туѓите идеи, иако мислите дека вашата е подобра, сепак мнозинството ќе одучи за тоа, бидете фер и поддржете ја и туѓата идеја.

Ако се одлучите да летувате во Германија, Австрија, Турција, Хрватска, Словенија, Србија, Црна Гора, Бугарија, Босна и Херцеговина, Чешка, Холандија, Луксембург, Белгија, Франција, Италија, Словачка и Албанија добро е да ја знаете оваа информација.

За да добиете здравстевно лекување во овие земји единствен услов е да имате двојазичен образец за здравствено осигурување издаден од подрачните на ФЗОМ. Доколку го имате овој документ за непоходни здравствени услуги ќе бидете третирани како и осигурениците на земјаата во која престојувате.

Се што треба да направат нашите осигуреници е пред патувањето во странство да се јават во подрачните служби каде ја поднесуваат пријавата за задолжително здравствено осигурување и пополнуваат барање за двојазичен образец кој важи и за студиски престој, привремено стручно усовршување или школување.

За да го добијат образецот, граѓаните мора да достават потврда од матичен лекар дека се здрави, а за жените и од гинеколог. Потоа треба да добијат мислење од лекарската комисија во Фондот, процедура која според надлежните може да биде завршена во еден ден.