Популацијата на Хрватска значително се намалува, има се помалку родени, а повеќе умрени, се подоцна се стапува во брак и никогаш немало повеќе отселени од Хрватска, се некои од алармантните податоци, кои во анализа на демографските трендови повторно ги издвои Државниот завод за статистика (ДЗС) по објавувањето на конечните податоци за 2017 година.

Ако се разгледуваат податоците за проценки на населението, евидентен е трендот на опаѓање на бројот на жители во Хрватска. Во споредба со 2008 година, кога, според проценка на населението на крајот на годината имало 4,3 милиони, во последните десет години, односно до крајот на 2017 година, тој број е намален за дури 204,3 илјади луѓе и изнесува 4,1 милион жители .

Од осамостојувањето на Хрватска до денес, трендовите и во миграциите се променија. Од 2011 година, кога е сменета методологијата за следење на надворешната миграција забележан е пораст и на отселеното и на доселеното население. Важно е да се нагласи дека истражувањето за надворешната миграција на населението на РХ се темели на податоци кои се прибираат во Министерството за внатрешни работи. Од влезот на Хрватска во ЕУ бројката на доселени варира меѓу 10,4 илјади во 2013. и 15,6 илјади во 2017 година.

Но, кога се анализираат податоците за бројот на отселени жители на Република Хрватска, порастот е уште поизразен. Иако бројката се зголеми во периодот од 2011 до 2013 година, зголемен раст е регистриран по пристапот на Хрватска во ЕУ. На тоа сигурно имале влијание отворените граници, односно. Принципот на ЕУ за слободно движење на работниците, со што се отвори можноста за вработување во други земји-членки на ЕУ. Така, во 2014 година се регистрирани отселени 20,9 илјади луѓе, што е за 36,7 отсто повеќе отколку во 2013 година.

Минатата година, 47.000 луѓе се отселиле надвор од Хрватска
Во средината на 2015 година, повеќето земји од ЕУ го укинаа двегодишниот период ограничување за работниците од Хрватска, што се одрази на податоците за исселување, бидејќи во таа година се отселија речиси 10.000 луѓе повеќе. Во 2016 година бројот на отселени, исто така, продолжи да расте, а во 2017 година имаше рекорден број на отселено население на Хрватска, односно 47,4 илјади.

Билансот на миграција на хрватското население со странство е негативен во целиот набљудуван период од 2011 година, а во 2017 година изнесуваше 31.799. Во наведениот период, најголем дел од хрватското население се отселило во Германија, и така остана и во текот на 2017 година Во 2016 година, највисока стапка на емиграција (отселени на 1000 жители) имале Пожешко-славонската жупанија (17.2) и Вуковарско-сремската (16,7 ), а најмалку Крапинско-загорската жупанија (4.9). 

Билјана Крстиќ која има 47 години во родниот град Ниш не можела да најде работа затоа што работодавците сметале дека е стара, но во Словачка успеала, пишува bizlife. 

Таму се покажала како добар работник, и добила понуда трајно да остане и да работи. 

Таа се вработила во градот Нитра, благодарение на тоа што во Словачка е потребна работна сила. Крстиќ се вработила во фабрика за телевизори. 

Оваа жена вели дека е најважно да се избере сериозна агенција, затоа што има и агенции кои ги измамуваат работниците така што им земаат пари. 

„Не е лесно да се стои на нозе и да се работи по 12 часа, но месечно заработував по пристојни 800 до 850 евра, и тоа е плата за која во Србија можам само да сонувам. Во Ниш мајсторите ги плаќаат 30 евра, а надвор работат на сонце и дожд“ - додава Крстиќ. 

Kога одлучила да замине надвор, најважно за неа било да има легален договор за работа затоа што во Србија имала искуство да работи на „црно“, па дури и да не биде исплатена. 

„Секој не може да издржи напор. Се станува во 4  и во 5 часот наутро, мора да се биде пред хотел од каде ве земе автобус и ве вози до фабриката“ - вели Крстиќ. 

Смета дека со работата во Словачка ќе го „фати последниот воз“ за да добие пензија. Се распрашала и вели дека со 5 години работа во оваа земја може да земе пензија од 200 евра. 

Средува документи за синот и за сопругот, но не за да останат во Словачка, туку да заработат доволно за пристоен живот во Србија и да отворат некој бизнис. 

Градот Скопје се вклучува во програмата за општинско-корисна работа со која ќе бидат ангажирани 20 невработени лица со скратено работно време во рамки на проектот „Социо-образовни придобивки преку поддршка на ранливите категории граѓани на територија на Град Скопје“.

Десет невработени лица ќе бидат ангажирани на скратено работно време во период од девет месеци како образовни асистенти на лица со посебни образовни потреби во девет средни училишта во Град Скопје, а по пет ќе бидат ангажирани како персонални асистенти на лица со  телесна попреченост и негователи на стари и изнемоштени лица.

Работниот ангажман е 20 часа неделни и лицата за тоа ќе добиваат месечен надомест од девет илјади денари. Тие во рамки на проектот ќе имаат и платена обука. Рокот за аплицирање е до 14 август.

Корисниците на услугите од проектот, како што информираа не денешниот брифинг во Град Скопје, веќе се селектирни и добиена е согласност за нивно учество.

Целта на проектот е унапредување на социјалните услуги на територија на градот Скопје, со акцент на социјално ранливите категории на граѓани и нивните секојдневни потреби. Дополнително, за работно ангажираните лица преку стручното оспособување и практичното искуство во рамки на проектот, ќе се овозможи нивно полесно вклучување на пазарот на труд.

Проектот е во организација на Град Скопје, Агенцијата за вработување и Програмата за развој на Обединетите нации. Партнери во проектот се и здружението за поддршка и развој Хуманост и сојузот на лица со телесен инвалидитет Мобилност од Скопје.

Околу 360 родители кои имаат дете првоодделенец поднеле барање за еднократна парична помош во висина од 3.500 денари што ја доделува општина Аеродром.

Од општина Аеродром информираат дека првпат годинава доделуваат по 3.500 денари за секое прваче и оти за оваа цел имаат издвоено околу три милиони денари од сопствениот Буџет. 

Родителите информациите во врска со поднесувањето на барањето за еднократната парична помош можат да ги најдат на интернет-страницата на општина Аеродром, на линкот http://aerodrom.gov.mk/dokumenti/formulari. Од таму може да се симне и формуларот или да се подигне во Одделението за образование во општина Аеродром, на вториот кат. Барањата можат да се поднесуваат до 31 август, годинава. 

Уплатата на средствата е планирано да почне при крајот на месецот, односно по 20 август, така што родителите ќе ги имаат на располагање средствата на самиот старт на учебната година, соопшти општина Аеродром. 

Граѓаните за овој проект беа информирани уште пред неколку месеци, преку медиумите и училиштата. Во општина Аеродром годинава има 816 првоодделенци.