Првата недела на претседателот на САД Доналд Трамп многу нагло донесе нервоза кај инвеститорите и бројни светски берзи забележаа пад на тргувањето со хартии од вредност, особено по привремената забрана за прием на бегалци од неколку муслимански земји. 

Затоа инвестициските фондови се свртеа кон најбезбедниот механизам, а тоа е златото чија цена надминува 1200 долари за унца на берзите. 

Повеќе финансиски куќи од САД и Европа на своите клиенти им препорачуваат сега да купуваат злато со цел да почекаат да видат како ќе се развива политичката ситуација во САД со новата администрација на САД, потоа транзицијата во ЕУ со Брегзит, како и стабилизирањето на Сирија во заеднички напори на Трамп и Путин. 

Прогнозите се дека до крајот на годината унца злато на светските берзи ќе надмине и 1500 долари што засега е одлична мамка за инвеститорите.  

Тоа го наруши позитивниот тренд на денот на инугурацијата кога финансискиот центар Вол Стрит забележа мал раст на тргувањата, но потоа со повеќе одлуки на Трамп, избивањето на протести во САД, како и нерешавањето на заканата од тероризам на Блискиот исток предизвика нова паника. 

Skopje City Mall поради огромен интерес ја продолжува кампањата на Замрзнати цени и во наредниот период. Закупците во нашиот најголем трговски центар ќе продолжат со специјалните попусти, последни за оваа сезона и тоа се додека имаат залиха.

Периодот кој помина бевме сведоци на голем интерес од страна на посетителите во Скопје Сити Мол кои купуваа по “Замрзнати цени“. За таа цел од закупците добивме барање за продолжување на акцијата и тоа се додека имаат производи на залиха – објаснуваат од Skopje City Mall.

Продолжувањето на акцијата „Замрзнати цени“ е последна шанса во која ќе можат да се купат производи од зимските колекции по екстремно ниски цени.

Сузан Мур, авторка и личен водич работела во мала компанија пред да почне да работи во голема интернационална компанија и да остварува приходи од 500.000 долари годишно. 

Во текот на долги години, таа научила како треба да барате поголема плата, да го цените својот труд и да преговарате. 

Сè што ви зборувале за успехот не е вистина 

Учи, дипломирај, најди работа, работи прекувремено и ќе заработиш. За неа ова е заблуда. Вели дека најуспешните луѓе со идеи придонесуваат за компаниите. 

Најважно е да барате

Никој нема да ви даде поголема плата, ако не побарате. Немојте да мислите дека шефот сам ќе се сети дека вие сте слабо платени или дека сакате покачување. 

Создадете врски пред да морате тоа да го направите 

Суштината не е во тоа да поделите визит карти, туку да им помагате на луѓето. Да се поврзете со нив. Вашата мрежа директно е поврзаната со мрежата на заработка. Немојте да мислите дека компанијата ви е лојална, затоа што не е, и ќе ве отпушти штом нема да го испорачувате она што го бараат. 

Вработувањето нови луѓе е пекол

Работејќи при регрутирање на нови луѓе, Мур видела дека новите вработувања имаат многу висока цена. Потребни се од 3 до 12 месеци за да новиот кандидат се обучи и биде ефикасен како стариот работник. 

Во текот на наредната недела, Скопје заедно со уште 220 градови од 40 држави ќе биде дел од „Европската стартап недела 2017“- можност за промоција и поддршка на македонската стартап заедница. Главна цел е промовирање на претприемништвото и можностите кои се на распологање на сите оние кои имаат желба да започнат сопствен бизнис. Дел од настанот ќе бидат успешни претприемачи, иноватори, компании, институции и организации кои се клучни за поддршка на новите стартап бизниси. Оваа година во Скопје како ко-организатори се јавуваат: Бојана Трајковска, Виктор Дано, Анета Палевска, Илија Вучков, Игор Маџов, Јулиа Мицевска, Зоран Настески и Елена Јовевска.

„Европската недела на стартапи“ ќе започне на 6-ти фебруари, а ќе трае до 10ти фебруари, на повеќе локации во Скопје и со неколку ко-организатори.

Настанот е со поддршка од ЕУ, збогатен со секојдневни работилници и предавања, а завршната конференција ќе се одржи на 10.02 во ЕУ инфо центарот со почеток во 12:00, каде што ќе бидат присутни и членови на Европската делегација.

Мотото на организаторите оваа година е- „Стартапи од цела Македонија, обединете се“!

Повеќе инфо на :

https://www.facebook.com/events/703494233157614/