На 4 септември 1998 година се роди компанијата Гугл чие име секогаш се поврзува со експлозивниот раст на популарноста на Интернетот и начинот на кој глобалната мрежа ги промени нашите животи.

По скромниот почеток во Стенфорд, компанијата стана еден од најголемите успеси на Интернет, но веќе се соочува со многу предизвици како што се зголемувањето на конкуренцијата, загриженоста за приватноста на корисниците и прекумерното потпирање на приходите од реклами.

Се започнува со случајна средба. Студентот од универзитетот во Мичиген Лари Пејџ одлучи да го посети Универзитетот Стенфорд за да провери дали ќе биде примен во престижната школа. Неговиот водич во кампусот на универзитетот е Сергеј Брин, кој во тоа време се обучува во одделот за компјутерски науки. Тие спорат и имаат различни мислења за речиси се, а една година подоцна, додека работат во студентскиот дом, создаваат пребарувач наречен „BackRub“, кој покажува резултати од Интернет сортирани по релевантност.

Потоа пребарувачот е преименуван во „Google“, збор кој доаѓа од терминот googol (математички број, еднаков на 1 со 100 нули). Наскоро Гугл го привлече вниманието на инвеститорите од Силиконската долина кои ја финансираа иницијативата, и така на 4 септември 1998 година, е родена компанијата Гугл.

Сергеј Брин и Лари Пејџ потоа се преселуваа во нивната прва канцеларија – гаражата на Сузан Вохџиски, која сега е извршен директор на Јутјуб. Инаку на почетокот на овој месец, Гугл постигна уште еден јубилеј – прелистувачот Хром наполни 10 години.

Се заштитуваат бремените жени и оние кои планираат да раѓаат. За отказ на бремена жена газдата ќе заработи казна од три илјади евра и обврска да ја врати на работа.

Многу често врз популацијата од женски род се врши дискриминација и од кандидатките се бараат одговори кои никаде не се запишани на хартија, ниту во објавениот конкурс, а се поврзани со нивната интима - дали се мажени, дали планираат да се мажат, дали имаат деца, дали планираат да раѓаат деца, од што директно зависи одлуката на работодавачот дали ќе го добијат работното место.

Се забранува работодавачите при вработувањето да бараат од кандидатите тест за бременост или потврда за таков тест при склучување на договор за вработување со жена, без оглед на видот на работното место.

Во направеното истражување на илјада испитанички, скоро 22 проценти изјавиле дека биле прашани од страна на работодавачот дали планираат да раѓаат.

Македонија се уште на црната листа по бројот на несреќи при работа.

Во 2017 година регистрирани се вкупно 134 лица и тоа најчесто на возраст од 25 до 34 години додека 30 работници го загубиле животот. За жал голем дел од работодавачите се уште сметаат дека  вложувањето во безбедноста и здравјето при работа е трошок додека кај  вработените пак постои страв дека ќе го изгубат  своето работно место доколку пријават.

Со измени во  законската регулатива  , особено со  построги казни  и инспекциски надзор се очекува поголема  безбедност на работниците.

Инаку од македонското здружение за заштита при работа со дополнителна едукација ,обуки и проекти се обидуваат да ја подобрат сликата и нагласуваат дека во обезбедувањето на безбедни работни услови потреба е вклученост од сите страни.

Во Македонија најмногу вработуваат малите фирми со три до девет работници, покажуваат најновите податоци на Државниот завод за статистика. Тие во вториот квартал од годинава огласиле 1.795 работни места.

Според ДЗС во тој период вкупно во државата имало 7.199 слободни работни места, а стапката на слободни работни места изнесувалала 1,44 проценти.

Највисока стапка на слободни работни места има секторот објекти за сместување и сервисни дејности со храна – 2,59 проценти или 585 слободни работни места, додека најмала е стапката во секторот снабдување со електрична енергија, гас, пареа и климатизација.

Во вториот квартал Пелагонискиот регион имал највисока стапка на слободни работни места и таа изнесувала 2,05 отсто. Истовремено, најмногу слободни работни места, вкупно 3.581, се евидентирани во Скопскиот регион.

Најголем број слободни работни места, односно 2.794, има во петтата група занимања – работници во услужни дејности и продажба.

Вчера напладне, пак, на сајтот на Агенцијата за вработување во реално време беа објавени огласи за пополнување на околу 7.500 работни места.

Повеќе од половината, или над 4.400 огласи објавиле скопските работодавци. По Скопје, најголем број работници се барани во Виница – 505. Во Крушево, пак нема потреба од ниту едно вработување. Близу три илјади работни места огласуваат трговските фирми, а во преработувачката индустрија вчера имаше понуда за нешто над 2.000 вработувања.

Секое петти од вчера објавените огласи е за хигиеничар. Според објавата на АВРМ, барани се вкупно 1.410 хигиеничари на станбен и деловен простор. Меѓу најбараните занимања се и продавачи, општи работници, возачи, магационери, готвачи, шивачи… а објавени се и 128 слободни работни места за програмери.