Во 2019-та ќе имаме 7 продолжени викенди поради државни празници, односно 9 продолжени викенди заедно со верските празници кои ги празнуваат христијанските верници.

Првото патување може да го планирате за „Божиќ“.  Тогаш имаме продолжен викенд од три споени денови.

Вториот продолжен викенд е за „Велигден“ кога заедно со викендот имаме четири неработени денови .  Овој продолжен викенд  е последниот викенд во април.   Петок е неработен само за православните верници, а понеделник за сите граѓани на Македонија.

Денот на словенските просветители „Кирил и Методиј“ е 24 мај и тој се празнува пред викенд со што го добиваме третиот продолжен викенд.

„Разан Бајрам“ следната година се празнува на 4 јуни – вторник.

Следниот, петти продолжен викенд е за верскиот празник „Духови“ кои следната година година според верскиот календар се празнува на 14 јуни – петок.  Овој ден е неработен само за православните верници во Македонија.

Државниот празник „Илинден“ следната година се паѓа во петок. Тоа е шестиот продолжен викенд за 2019 година.

„Денот на независност на Македонија  - 8 септември“  следната година се паѓа во недела со што преместува за понеделник (9 септември) и тоа е седмиот продолжен викенд во годината.

„Денот не револуционерното востание“  се празнува на 11 октомври и истиот следната година се паѓа во петок со што граѓаните го добиваат осмиот продолжен викенд.

Деветиот продолжен викенд  е Денот на словенски писател и просветител, Климент Охридски. Овој државен празник се паѓа на 8 декември (недела) и истиот се преместува за понеделник. Со тоа се добива деветиот продолжен викенд.

Wizz Air, најбрзорастечката авиокомпанија во Европа и водечка нискобуџетна компанија во Централна и Источна Европа, љубезно ги потсетува сите патници кои патуваат со авиокомпанијата дека по 1 ноември 2018 година нејзината нова и транспарентна багажна политика за цел олеснување на патувањето за патниците и намалување на одложувањата поврзани со багажот за сите летови на Wizz Air, ќе стапи на сила за една недела.

Од 1 ноември секој патник има право да понесе една бесплатна рачна торба (40x30x20 cm) во кабината, додека оние патници кои купуваат WIZZ Priority ќе имаат можност да носат мал куфер (55x40x23 cm) исто така во кабината. Врз основа на повратните информации од купувачите и менувањето на патните правци, Wizz Air воведе куфер со тежина од 10 килограми за check-in за поудобно патувачко искуство со цени почнувајќи од околу 7 евра.

Новата политика на авиокомпанијата за јасен и фер багаж е политика на избор за нашите патници, бидејќи им овозможува на клиентите на WIZZ да одберат помеѓу повеќе од 50 варијации на багаж за носење во кабина и за check-in врз основа на нивните индивидуални преференции.

Ние ги охрабруваме нашите патници да се спакуваат паметно и да купат WIZZ Priority, кој вклучува торба за во кабина (40x30x20 см), мал куфер (55x40x23 cm) за во кабина, приоритетен check-in и приоритетен влез во авионот почнувајќи од 5 евра.

Резервациите без WIZZ Priority направени пред 10 октомври за периодот на патување по 1 ноември 2018 година ќе бидат надградени со бесплатен 10кг check-in куфер, додека резервациите со check-in багаж ќе бидат надградени со WIZZ Priority.

Wizz Air верува дека овој транспарентен и јасен пристап кон багажната политика ќе придонесе за поудобно и побрзо влегување во авион и подобро искуство на клиентите. Со поголема сигурност дека торбата може да се вклопи во кабината и нов, поширок избор на големина и тежина на оптоварување на багаж, патниците сега имаат неверојатен асортиман на комбинации од кој што можат да одберат.

Јохан Ајдаген, главен маркетинг директор на Wizz Air, додаде: "Останува уште една недела додека не стапи на сила нашата нова, транспарентна и фер багажна политика. Таа нуди најширок избор на багаж за нашите патници, притоа овозможувајќи бесплатна торба за во кабина за секој патник. Почнувајќи од 1-ви ноември, процесот на влез во авион ќе го направиме полесен, а со тоа и поудобен, континуирано нудејќи најниски можни цени низ нашата широка мрежа од 143 дестинации во 44 земји. "

Изградбата на објектот, кој официјално се вика Антенски систем за контрола и мониторинг на радиофреквенции на територија на Република Македонија, одложен е за повеќе од две години, односно рокот се помести до крајот на 2020 година.

Објектот е од армирано бетонско јадро со висина од 112 метри, во кое се сместени вертикалните комуникации, скалите и двата лифта. На висина од 57,76 метри е поставена конзолна платформа со површина од 200 квадрати, на која треба да се поставува телекомуникациската опрема.Последната платформа ќе биде изградена на височина од 85,12 метри, од која последните 2 метра од површината се предвидени да ротираат околу оската на јадрото. Идејата е во објектот да се изгради ротирачки ресторан како и административни простории за Агенцијата за електронски комуникации (АЕК) и за МВР.

Веќе спроведени се тестирањата во однос на влијанието на ветерот, како и испитувања за статиката на објектот во случај на земјотреси. ИЗИИС има спроведено тестирања според сите стандарди и на моделот на објектот, но и на самите челични конструкции кои веќе се наоѓаат на врвот на Водно.

Објектот ќе има и придружни содржини во приземјето: помошни простории, електроблок за непрекинато напојување, резервоари за техничка вода, како и простор за контрола и мониторинг на објектот. Над приземните содржини ќе има голема тераса.

Kамен-темелникот на телекомуникациската кула беше поставен на 10 октомври 2013 година.Вакви објекти, постојат во повеќе градови во Западна и Централна Европа и во нашето соседство како, на пример, Софија, Белград, Загреб, Подгорица и други.

Кулата ќе ја достигне крајната височина од 155 метри и ќе биде највисокиот објект од овој вид во Македонија.

Министерството за труд и социјална политика работи на реформи на постигнување оддржливост на пензискиот систем, но нема да има зголемување на старосната граница за одење во пензија, велат од таму за МИА:

Иако неодамна имаше информации дека бизнис-заедницата ќе бара зголемување на старосната граница за пензионирање, од Министерството за труд и социјална политика тврдат дека не размислуваат за таква мерка.

Министерството за труд и социјална политика не размислува да ја зголемува старосната граница за пензионирање и тоа нема да биде дел од пензиската реформа. Анализите за реформата се во тек и она што можеме да го кажеме во овој момент е дека реформата опфаќа пакет-мерки за стабилизирање на Фондот за пензиско и инвалидско осигурување, но ниту една од нив не се однесува на покачување на старосната граница за пензионирање, велат од Министерството.

За годинава е предвидено алоцирање дополнителни средства во Фондот за пензиско и инвалидско осигурување, со цел непречена исплата на пензиите и транзициските трошоци за вториот пензиски столб, обезбедување дополнителни средства во Фондот за здравствено осигурување со цел непречено остварување на правото на здравствена заштита и боледувања, како и дополнителни средства за Агенцијата за вработување на Република Македонија за исплата на надоместокот врз основа на невработеност.

Ако се погледнат податоците од Фондот за ПИОМ, на пример, во 2011 година изворни биле 61,5 отсто од приходите, во кои најголем дел отпаѓале на придонесите, а 35,7 отсто биле директна поддршка од буџетот.  Тогаш вкупните приходи биле приближно 44 милијарди денари. За разлика од тогаш, податоците на ПИОМ покажуваат дека во 2017 година, изворни приходи на Фондот биле 54,52 отсто, а тој се надополнува со 43,57 отсто средства од буџетот. Висината на приходите лани била 65 милијарди денари.

Споредените години, според податоците на Државниот завод за статистика, пак, покажуваат дека во 2011 година имало околу 642 илјади вработени лица, а во 2017 околу 730 илјади вработени. Податоците на ПИОМ покажуваат дека во 2011 година има 281 илјада корисници на пензии, а 2017 година 312.398 корисници на пензија.