Македонци за бугарско државјанство плаќале до 1.000, а косовските граѓани по 3.000 евра. 

Повеќе од 100 посредници работеле со „кандидати за Бугари“ и помагале во собирањето документи и на обезбедување адреса.

Ова го открива БТВ во рамките на скандалот со издавање на документ забугарско „потекло“ на лица кои немаат врска соБугарија и поради ки се уапсени 20 лица.

Во Државната агенција за Бугарите во странство ( ДАБЧ) била практика на т..н. „експресна нарачака“за странци, а со таа предност во измамата ќерувале муслимани.

Така, лица од Косово можеле да добијат бугарски документ за износ од 3000 до 5000 евра.

Лице кое ги знаело шемите за БТВ зборува за Корупциската шема во Агенцијата за Бугари во странство, поради која беше уапсен шефот на Агенцијата за Бугари во странство и уште 19 лица.

Најлесен начин да се стане Бугарин било да се отвори фирма и да назначат 10 вработени, вели неиенуваниот извор за БТВ. Врз основа на оваа комерцијална активност, тој добивал статус на постојан престој.

Вториот начин е кога лице, странски државјанин – од земја надвор од ЕУ, си вади сертификат за присуство на трговско претставништво во Бугарија.

Во денешно време тешко е да најдете работа како нормален човек. Ресторанот Revija bar & food кој се наоѓа во Лептокарија пушти оглас за работа во кои се поттикнува да се пријават лица со Даунов синдорм и попреченост.

„Ги охрабруваме лицата со Даунов синдром и попреченост и да се јават на нашиот оглас! Трудот, желбата и волјата за работа не познаваат разлики. Нашиот тим има потреба од амбициозна личност, а насмевката, желба за работа и позитивна енергија се нашите критериуми“, се вели во огласот на „Revija bar & food“!

Стопанската комора за информатички и комуникациски технологии МАСИТ е за подобри услови за работа на бизнис заедницата, а посебно ИКТ секторот и повторно бара одлагање на даночните реформи. МАСИТ е против прогресивниот данок и предупредува дека најавената даночна реформа може да доведе до сериозни проблеми при функционирањето и унапредувањето на ИКТ секторот во Република Македонија.

Предложената даночна политика нема да оди во линија на подобрување на социјалната  еднаквост, туку ќе оди во насока на целосно намалување на продуктивноста, вработливоста, и развојот на квалификации, смета МАСИТ. Со оваа даночна реформа се врши пенализација на деловите од населението кои напорно работат кон напредување и повисоки приходи, а се наградуваат оние кои не се трудат и со тоа директно се создава намалување на продуктивноста.  Со предложените мерки се врши дестимулирање на развојот на висококвалификуваните кадри – зголемувањето на данокот на личен доход најмногу ќе ги погоди оние кои вложувале во сопствениот професионален развој и ќе испрати порака дека квалификуваноста е неисплатлива, со што ќе се отстрани стимулот за развој на способности и квалификации.

Наместо фискален ефект, ќе се добие ефектот на даночна непослушност и ќе биде главен двигател на сивата економија. МАСИТ смета дека ќе следи период на зголемување на даночното затајување – нискиот степен на задоволство кај обврзниците за начинот на кој прибраните средства се користат, ќе донесе до зголемувањето на даноците ќе доведе до изнаоѓање дополнителни и креативни начини за даночна евазија. Директно поврзано, по овој основ на дополнителните средства кои ќе се инјектираат во буџетот, јазот меѓу богатите и сиромашните нема да се нивелира, туку ќе се продлабочи.

МАСИТ смета дека првенствено и во насока на соодветна и ефективна даночна реализација, треба да се подобри начинот на собирањето на даноците, со цел целосно искоренување на сивата економија, или барем нејзино сведување на минимум. Со таа контрола на примањата по основ даноци, ќе се затвори прашањето за постоењето на сиромаштијата во голем степен. Конкретно, со истата мерка за собирање на данокот од сите даночни обврзници, од кои нема даночна реализација, ќе се постави нормален систем во државата и токму тогаш ќе се воведе рамноправен третман кон сите економски оператори.

МАСИТ постојано предупредува на појавата “одлив на мозоци” и “одлив на капитал и намалени инвестиции ”- брзото и ненајавено, однапред не анализирано даночно решение кое претставува сериозна измена во финансиската легислатива во државата и те како го комплицира работењето на компаниите во приватниот сектор поради неможноста да се планираат трошоците и ќе доведе до несигурност и кај домашните компании и кај странските инвеститори.

Воведувањето на прогресивен данок директно ги таргетира висококвалификуваните и професионални ИКТ кадри кои веќе се дефицитарни во Македонија. Тоа ќе доведе до одлив на квалификуваните кадри во земји со поповолна даночна клима и подобра социоекономска ситуација. Ова пак претставува директен удар за иновативните “смарт” индустрии кои генерираат најголеми приходи и додадена вредност и се двигатели на економијата – иновативните и брзорастечки компании, особено во ИКТ секторот.

МАСИТ смета за да се донесе соодветно решение на вака комплицирана и деликатна тема, претходно требаше да се направат сите напори од страна на државата да се слушне ставот на бизнис заедницата и да се најде соодветно решение, да се земат позитивните примери од другите земји во развој со потпомагање на ИКТ секторот и воопшто бизнис индустријата.

МАСИТ веќе е дел од тимот на Стопански комори кои изработија анализа за ефектите од политиката на рамни даноци во Република Македонија, како и ефектите од политиката на даночната реформа. Согласно истото, МАСИТ смета дека во овој момент е најважно да се одложат најавените даночни реформи за воведување на прогресивно оданочување, за најмалку 5 години. Дополнително, МАСИТ, во соработка со АмЧам и Македонија2025 ги стави своите најрелевантни кадри за даночни реформи на располагање пред надлежните институции, со цел истите институциите да имаат директен инпут за потенцијалните негативни ефекти кои би настанале од воведување на ад хок прогресивно оданочување.

МАСИТ повикува на дијалог помеѓу бизнис заедницата и институциите, со цел избегнување на економските неповолни ефекти кои можат да се нанесат на бизнис заедницата, доколку настане превид на сите фактори кои можат да настанат како домино ефект од предложените измени. 

Интерактивно видео кое го објаснува функционирањето на прогресивниот данок. Ова е актуелна тема деновиве со која се предвидува дополнително оданочување на лицата кои имаат над 90.000 денари месечни приходи.