Сите ние сакаме да бидеме среќни со нашите животи (лични или професионални), постојат и многу истражувања за тоа што не прави среќни, но прашањето е како да бидеме среќни на нашето работно место?

Секој од нас треба да дефинира што го прави среќен, да направи еден чекор нанапред со цел да дојде до посакуваната промена.

Можеме ли да бидеме среќни на работа, иако истата не ја сакаме?

Ниедна работа не е наменета да ве направи несреќни. Праксата покажува дека предмет на среќа, поконкретно позитивна психологија, е нешто кон што сите трагаме и сакаме да дознаеме што повеќе.

Еве неколку совети кои може да ги примените:

Изгради своја дефиниција за среќа и задоволство на работното место

Што за тебе значи да бидеш среќен? Што е работно задоволство? Да бидеш вреднуван? Постигнување?

Дали е приоритен клиентот да биде задоволен? Секој има различна дефиниција за среќа.

90% од твојата среќа на долг период не зависи од надворешниот свет, него од тоа како твојот мозок гледа на светот.

Ако ја промениме нашата формула за среќа, можеме да ја промениме и нашата реалност

Ако промениме како ја мериме среќата, може и да ја постигнеме

Повеќето од нас мислат дека работата ќе не направи среќни. Ако достигнеме унапредување, ако извршиме зададени задачи дека ќе бидеме среќни.

Меѓутоа ако постигнувањето на овие цели ги гледаме како мерка за среќа, осудени сме да не бидеме среќни. Зашто?

Затоа што достигнувањето на овие работи ја отстранува целта и среќата постанува се подалечна.

Дали вашето здравје е добро?

Многу психолошки експерти го поврзуваат здравјето со емоционалната благодет,велат дека што подобро е нашето генерално здравје, посреќни ќе бидеме.

Затоа одвоете малку време,за или после работното време за малку вежбање. Тоа ќе го намали стресот го зголемува фокусот и прави да се чувствуваме посреќни.

Фокусирај се на позитивни работи

Отсрани ги негативните мисли како..."тешко е да пронајдеш некого", "зашто не гледаат колку сум добар"...

Ако се фокусурате само на позитивното ќе ја отворите вратата за среќа и на работното место.

Не одговарај на телефон по првото звонење

Наместо да одговорите на првото звонење земете воздух и почекајте до третото звонење.
Со чекање до третото звонење оставате простор за акција што во спротивно би било само реакција.

Бидете најдобар

Во тоа што го правите. Најдете начин да дадете се од себе. Поставете си свои високи стандарди.

Да се биде најдобар не е натпреварување, тоа е да се препознате во вашите вештини и да се биде горд на вашите способности.

Искористете ги вашите вештини. Малите работи ќе ве направат среќни.

Среќате е субјективна, тоа што е добро за вас можеби не е исто и за другите

Затоа е многу важно да бидете свесни што е тоа што ве прави среќни на работното место.

Повеќето од оние кои се среќни на работното место уживаат во она што го работат.

Ниеден ден не е ист како претходниот

Во секоја прилика гледајте на секој ден како нов ден,на секоја комуникација, секој настан.

Вие сте посилни од улогата и работата што ја имате. Вие одлучувате како ќе се чувствувате.

Правете го тоа што ве прави среќни

Правејќи го она во што уживате,ќе направи да се чувствувате дека денот е под ваша контрола.

Фокусирање на негативните работи не води кон добро,само ќе направи да се чувствувате несреќни.

Студентите од Факултетот за електротехника и информациски технологии при Универзитетот „Св. Кирил и Методиј“ ја организираат четвртата студентска конференција за енергетска ефикасност и одржлив развој (СКЕЕОР).

На конференцијата, којa ќе биде отворена денеска во амфитеатарот на ФЕИТ, ќе се обратат деканот на ФЕИТ Димитар Ташковски, Мирјана Садиковиќ, претседател на СКЕЕОР и Маргарита Гиновска, координатор на Организацискиот одбор на СКЕЕОР.

Денеска и официјално е лансиран KARIERA.mk - новиот македонски сервис за поврзување на компаниите со кандидатите за вработување кој произлезе како резултат на заедничката соработка помеѓу тимови со над 10 годишно искуство во HR и IT индустријата.

KARIERA.mk ќе нуди преглед на актуелни огласи за работа во Македонија, достапни пракси, стипендии и останати можности за неформално образование со што цели да стане централно место кое ќе Ви помогне да напредувате во Вашиот професионален развој.

Исклучително сме горди што заедно со нашите партнери, некои од најголемите агенции за вработување во државава, обезбедивме сервис кој ќе им помогне на сите баратели на работа полесно да дојдат до посакуваното вработување а истовремено и што на компаниите им ја олеснуваме потрагата по соодветни профили за позициите за кои имаат потреба – вели Ѓорѓи Какашевски, еден од основачите на KARIERA.mk.

Секој кандидат ќе може да си креира свое професионално CV и со само еден клик на копчето “Аплицирај“ да се пријави како заинтересиран за определено работно место, пракса или стипендија.

Истовремено, KARIERA.mk ќе им овозможи на компаниите и агенциите за вработување да пребаруваат од достапната база на регистрирани апликанти и во согласност со нивниот профил да селектираат и понудат работа на оние кои се најсоодветни за определено работно место.

Огласите објавени на KARIERA.mk ќе бидат споделувани и преку Фејсбук страни кои вкупно имаат над 600.000 активни следбеници а ќе биде испраќан и таргетиран newsletter на преку 100.000 пријавени кандидати - што овој сервис несомнено го прави најголема македонса мрежа за вработување сочинета од преку 700.000 луѓе.

Швајцарците се најбогатите луѓе на светот, со просечно богатство од 561. 900 долари за возрасен, објави Credit Suisse“ во годишниот извештај за богатството со што го потврди првото место на оваа земја веќе 16-та година по ред.

Жителите на САД ги следат со богатство вредно 344.700 долари, a следат Британците кои поседуваат просечно 288.800 долари, наведува во својот извештај најголемата швајцарска банка од Женева. Со падот на фунтата по одлуката на В. Британија за напуштање на ЕУ избришани се вкупно 1,5 милијарди долари од вкупното британско богатсво, потврди „Credit Suisse“.

Прв пат по глобалната финансиска криза од 2008-ма, глобалното просечно богатство по лице стагнираше во 2016-та на 52.800 долари.

Во извештајот исто така се наведува дека прв пат по 2008-ма, оваа година пораснал уделот на непаричниот имот, како дел од богатството на некое домаќинство.

Растот на цената на недвижностите е додаден во приватното богатство во неколку земји, вклучувајќи ја и Германија.

Групата на супербогати луѓе, кои поседуваат најмалку 50 милиони долари, порасна со 4.100 поединци на вкупно 140.900 во текот на минатата година, поттикнат од порастот во азиските земји.

Се проценува дека 33 милиони луѓе во светот имаат помеѓу милион и 50 милиони долари. Богатите Американци сочинуваат 45 проценти од таа група, а Европејците 30 отсто.

На оние од земјите од азиско-пацифичкиот регион, вклучувајќи ги Индија и Кина, отпаѓа 18 посто од богатите. Со 1.6 милиони милионери, комунистичка Кина е дома на пет проценти од нив.

Во клубот на супербогатите, оние кои поседуваат 50 и повеќе милиони, има 140.900 луѓе. Во Кина има 11.000, најмногу по САД каде живеат 70.400, a Германија е трета со 6.100 супербогати.

Најсиромашните 20 отсто од светската популација, оние кои заработуваат до 248 долари., се проценуваат на милијарда. Меѓу нив е 44 посто од т.н. нето должници кои поседуваат помалку 2628 долари.

Речиси една третина од најсиромашните живеат во азиските и африканските држави. Индија е на врвот на оваа листа со 246 милиони луѓе, а следат Кина со 72 милиони и Нигерија со 35 милиони луѓе.

Mеѓу останатите земји кои најмногу придонесуваат во таа сиромашна категорија се Русија со 28 милиони, Украина со 25 милиони и САД со 21 милиони меѓу најсиромашните луѓе во светот.