Само Албанија имала пониска минимална плата од Македонија во јануари. Според податците за првиот месец од оваа година кои ги објави ЕУРОСТАТ, Македонија и Албанија се единствени земји во Европа кои имаат минималец помал од 250 евра.

Но, за разлика од земјава каде потрошувачката кошничка за едно просечно семесјтво изнесува над 500 евра, трошоците за живот во Албанија за еден месец се за околу сто евра пониски.

Вицепремиерот Анѓушев вели дека платите ќе растат. Според пеоркециите на Владата, годинава минималецоп треба да стигне до 14.000 денари.

За познавачите на состојбите на пазарот на труд пак од вкупно над 750.000 вработени во змејава, над 130.000 живеат од минималец. За познавачите на состојбите на пзарот на труд, состојбата со платите во земјава е алармантна.

Највисок минималец во јануари во Европа имале работници во Луксембург, над 2000 евра, а просечните месечни трошоци во оваа земја се пониски од 1750 евра.

Ќе се укине ли роамингот меѓу земјите од Западен Балкан во 2021 година? Ресорните министри од овие држави со нови преговори за надминување на меѓусебните политички разликите со цел постигнување договор за поевтини цени за роаминг услуги.

Очекувањата се договорот да се потпише веќе на следниот дигитален самит, што во април ќе се одржи во Белград. Тоа би значело постепено намалување на цените за роаминг и конечно негово целосно укинување за две години.

Денеска заедно со моите колеги министри од земјите од Западен Балкан, како и колегата од Грција, продолжуваме да разговараме за намалување на цените за роаминг и идеата за воспоставување на регионален тренинг центар за сајбер безбедност овде, кој што ќе биде лоциран во научно-технолошкиот парк, вели Дамјан Манчевски, министер за информатичко општество и администрација.

Од Европската комисија се оптимисти дека регионот ќе постигне договор.

Многу веќе е сторено, но техничката работа е комплицирана.... Верувам дека сме способни да го спроведеме ова за време на дигиталниот самит во Белград во април. Тоа би било нешто многу конкретно за нашите граѓани и фирмите. Тие ќе увидат дека дигитализацијата не е само за во иднина, туку за нашата сегашност, вели Марија Габриел, еврокомесарка за дигитална економија и општество.

За реализација на дигиталната агенда за државите од Западен Балкан одделени се 30 милиони евра.

Фондот за пензиско-инвалидско осигурување се откажа од планот за 17 нови вработувања по распишувањето на претседателските избори.

Директорот Шаип Зенели донесе решение за запирање на постапката за селекција на кандидати за вработување на опредлеено време. Со тоа огласот објавен на 8 февруари повеќе не е во важност. 

Во меќувреме отпочна постапка за подготовка на нов акт на систематизација, поради што може да се појават неусогласености помеѓу работните места за чие пополнување е објавен јавен оглас и новосистематизираните места - гласи образложението на ПИОМ.

Претходно, голем број на јавни институции објавија огласи за бројни вработувања на определено и неопредено време со оправдување дека тоа се прави поради тоа што долго време не ќе имаат можност за тоа во екот на изборите.

Во просек, македонските домаќинства за задоволување на потребите годишно имаат на располагање по околу шест илјади евра, или месечно по 500 евра.

Но, најсиромашните 20 проценти годишно располагаат со три пати помалку пари од овој просек кој е земен од сите во државата, или со само 2.000 евра. Тоа значи дека треба да јадат, да платат сметки, да се облечат, да ја одржуваат личната хигиена и хигиената во домот, да се лекуваат, да патуваат, да се школуваат… со само 173 евра месечно, или со околу 10,5 илјади денари.

Наспроти нив, најбогатите 20 проценти од домаќинствата во една година во просек имаат за трошење околу 11 илјади евра, или месечно по 907 евра, односно по околу 56.000 денари.

Статистичките пресметки покажуваат дека од вкупниот приход со кој располагаат сите македонски домаќинства, само 5,6 проценти припаѓаат на најсиромашните една петтина жители на државата, а дури околу 40 проценти трошат една петтина од граѓаните кои се во групата најбогати.

Истражувањето на ДЗС открива дека најмногу сиромашни во државата има меѓу невработените од кои дури 38,7 проценти ги мачи беспарица. Најмалку сиромашни има меѓу пензионерите – 7,7 проценти. Од беда страдаат и вработени. Од нив проблеми со обезбедување основна егзистенција имаат девет проценти. Многу сиромашни, или 32,1 процент, има меѓу неактивните лица.

Загрижува тоа што ваквите состојби не се подобруваат, туку напротив, се влошуваат, за што доказ е растечкиот тренд на сиромаштијата.

– Стапката на сиромашни лица, пресметана според препораките на Евростат, во 2015 година изнесуваше 21.5 проценти, во 2016 година 21.9 проценти, додека во 2017 година 22,2 проценти од лицата живеат под прагот на сиромаштија, наведено е во неодамна објавената публикацијата на ДЗС “Анкета за приходи и услови за живеење, 2017 година”.

Во раст е и бројот на сиромашните мерено и според тоа како се задоволуваат потребите. Барем четири од девет потреби во 2015 година не можеле да си задоволат 30,4 проценти од граѓаните, во 2016 процентот се намалил на 30, за во 2017 година опфатот на лицата кои не се во состојба да задоволат голем дел од егзистенцијалните потреби да се зголеми на 31,1 процент.

За сиромашни се сметаат лицата кои живеат сами со годишен приход од 90.129 денари, додека пак прагот на сиромаштија за четиричлено домаќинство кое по дефиниција е составено од двајца возрасни и две деца под 14 години е поставен на годишен приход од 189.270 денари. По тие критериуми, на крајот на 2017 година во нашата држава живееле 460,3 илјади сиромашни лица.