Почнува повратот на ДДВ. Граѓаните од денеска ќе треба да ги собираат фискалните сметки од производите кои ги купиле и услугите кои ги добиле, а за кои платиле најмногу 30.000 денари. Секоја сметка треба да се скенира на посебна апликација „МојДДВ“ која ќе треба да се инсталира на паметен мобилен телефон за да од сите после корисникот добие поврат на 15 отсто од платениот ДДВ. Ако евентуално некој нема таков телефон или не знае да инсталира и да користи вакви апликации, фискалните ќе може да ги носи во сите организациски единици на Управата за јавни приходи. Таму ќе има мобилни телефони на кои секој само ќе треба да се регистрира со своето корисничко име и со лозинка и да му се скенира сметката. На еден телефон ќе може да се читаат сметки и од повеќе профили.

„За граѓаните кои не се во можност сами да се регистрираат или немаат паметни телефони за да ја симнат апликацијата МојДДВ, УЈП ќе им излезе во пресрет. Сите Организациони единици на УЈП ќе бидат опремени со смарт телефони, баркод читачи и киоск преку кои граѓаните со поддршка на волонтери и службеници од УЈП ќе имаат можност да ги скенираат своите фискални сметки, не постари од 10 дена од денот на издавањето, велат од УЈП.

Инаку регистрацијата е задолжителна за сите граѓани. За да остварат поврат на ДДВ треба да се регистрирани или да се регистрираат на електронскиот систем на УЈП. Друг услов е да имаат најмалку 15 години, важечка лична карта или пасош, да имаат своја активна трансакциска сметка. Бројот на сметката ќе треба да го пријават на еден од чекорите по симнувањето на апликацијата.

За парите кои ќе се добијат како поврат на ДДВ граѓаните нема да плаќаат персонален данок, но тие пари, ќе може да се наплатуваат од извршители за стари долгови.

Првата исплата ќе биде во декември 2019 година директно на сметките на граѓаните, а потоа на секои три месеци, односно во февруари, мај, август и ноември. Од оваа услуга на граѓаните ќе им бидат вратени најмногу 50 милиони евра годишно, а лимитот за едно лице ќе изнесува 1.800 денари квартално или најмногу 28.800 денари годишно за едно четиричлено семејство.

Преку проектот „Мој данок, моја заштеда“ на граѓаните на граѓаните ќе им се вратат над 50 милиони евра од поврат на ДДВ.

ПОврат не с еврши за комунални сметки, а државата смет адека со тоа што ќе ги бараат сметките граѓаните ќе станат своевидни инспектори. Апликацијата ќе дозволува скенирање само на валидни фискални сметки, додека незаконските – компјутерски сметки не ги препознава.

Врз основа на регионалниот договор, потпишан од страна на земјите од Западен Балкан стапи на сила обврската за намалување на цените за роаминг за 27 отсто.

Почнувајќи од денеска па до 30 јуни 2021 година, се предвидува постепено намалување на цените на роаминг во неколку фази со цел на 1 јули за две години да биде целосно укинат роамингот меѓу земјите од Западен Балкан, односно корисниците за роаминг услуги да плаќаат под истите услови кои се применуваат во домашниот телефонски сообраќај.

Регионалниот договор за роаминг беше потпишан во април, на вториот Дигитален самит во Белград, меѓу земјите од Западен Балкан (Србија, Црна Гора, БиХ, Македонија, Албанија и Косово).

Регулаторната Комисија за енергетика секој понеделник врши прoмена на цените на горивата.

Овој понеделник како и секој во неделата, ја смени цената на горивата во Македонија.

Бензините и дизелот се за половина денар поскапи, според најновата одлука за која реши на седница Регулаторната комисија за енергетика, па така, Дизелот и ЕУРОСУПЕР БС 98 веќе се поскапи за половина денар и се точат на бензинските низ Македонија за 60.5 денари, дизелот и 69,5 денари за 98 октанскиот СУПЕР.

Цената на ЕУРОСУПЕР БС 95 е 67 денари по литар.

Останува да видиме дали веќе од вторник ќе возиме поскапи или поевтини горива.

По примерот на Франција, за која неодамна дознавме дека има сериозен проблем со електричните тротинети, македонските власти решија предвреме да реагираат и да интервенираат со законско решение за возењето електрични тротинети.

Причината за ова според властите е можноста за хаос на пешачките зони и тротоарите. Во Македонија бројот на електрични тротинети засега не е толкав за да претставува сериозна опасност или проблем во сообраќајот, но сепак од Министерство за внатрешни работи сметаат дека треба да реагираат.

Со оглед дека појавата, односно учеството на електричните тротинети во сообраќајот стана зачестена појава по сообраќајниците, а имајќи предвид дека овој вид на превозно средство не е регулирано во Законот за безбедност на сообраќајот на патиштата, Министерството за внатрешни работи подготвува законски измени и дополнување на Законот, а сè со една цела – нормативно регулирање и воспоставување стандарди за безбедност и за овој вид учесници во сообраќајот, велат од МВР.

Електричните тротинети и велосипеди се практични и еколошки. Проблемите со гужвите се поедноставни, а и паркирањето е помал проблем. Дополнително не може да се занемари и заштитената во споредба со автомобилите. Градските власти во Скопје оваа година беа толку воодушевени од ова превозно средство што ги заменија субвенциите за велосипеди со субвенции за електрични тротинети. Дополнително, веќе има најава дека оваа пракса ќе продолжи и на следниот повик за субвенционирање. Како овие следни тротинети ќе се одразат на сообраќајот ќе дознаеме веројатно наскоро.

Засега нема повеќе детали за законското решение, но ако судиме по сличните најави од Франција, веројатно може да очекуваме забрани за движење и ограничување на брзината. На пример градоначалничката на Париз најави дека ќе се обиде да донесе забрана за движење на електрични тротинети по тротоари и паркови. Брзината да биде ограничена на 20 km/h, а во пешачките зони на 8km/h.