Започнува  обврската за носење на зимска опрема

Зимата ни е пред прагот, па токму затоа и возачите треба да ги подготват своите возила за безбедно движење во зимски услови. Од 15 ноември, почнува да важи обврската за задолжително носење зимска опрема во возилата, која ќе трае сѐ до 15 март наредната година. Согласно тоа, Републичкиот совет за безбедност на сообраќајот на патиштата со потсетување и со апел до возачите  да ги почитуваат законските прописи и да обезбедат соодветна зимска опрема со цел безбедно и непречено патување при зимски услови на патиштата.

Под зимска опрема за моторни возила со најголема дозволена маса која не надминува 3.500 kg, се подразбира, зимски пневматици на сите тркала со минимална длабочина на шарите на слојот што гази од четири милиметри (4 mm) или пневматици со летен профил на сите тркала со длабочина на шарите на слојот што гази минимум од четири милиметри (4 mm) и синџири за снег со адекватна големина за погонските тркала или други соодветни помагала.

Зимска опрема за моторни возила со погон на четири тркала (4 х 4), подразбира, зимски пневматици на сите тркала со минимална длабочина на шарите на слојот што гази, од шест милиметри (6 mm) или пневматици со летен профил на сите тркала со длабочина на шарите на слојот што гази, од најмалку четири милиметри (4 mm).  Синџири за снег потребно е да поседува секое возило со пневматици со летен профил, и притоа, во случај кога возилото е во постојан погон, синџири за снег треба да има најмалку за задната осовина, а во случај на преклоплив погон, синџири за снег треба да има најмалку на постојано вклучената осовина.

Зимска опрема за моторни возила со најголема дозволена маса која надминува 3.500 kg, подразбира: зимски пневматици на погонските тркала со минимална длабочината на шарите на слојот што гази, по обем и широчина од шест милиметри (6mm) или пневматици со летен профил на сите тркала со длабочина на шарите на слојот што гази, по обем и широчина, со минимум од четири милиметри (4 mm) и синџири за снег со адекватна големина за погонските тркала или други соодветни помагала;

Автобуси и товарни моторни возила кои поради технички причини не можат да постават синџири за снег на погонските тркала, потребно е да имаат зимски пневматици на погонските тркала и прирачен алат - лопата.

Зимски пневматици се оние пневматици кои на својата бочна страна имаат ознака:  „MS“, „M+S“, „M&S“ и знак на снегулка на стилизирана планина со три врва.

Со цел појасно толкување на  Правилникот за користење на дополнителна опрема во возилата, РСБСП потенцира дека во случај кога се користат зимски пневматици не постои обврска за поседување на синџири за снег.  Исто така  особено важно е тоа што обврската за користење на зимска опрема се однесува за сите возила кои учествуваат во сообраќај на пат независно дали е тоа во населено или надвор од населено место. Комбинацијата, односно истовремена употреба на зимски и летни гуми е исклучително опасна бидејки го нарушува процесот на управување на возилото, а  посебно ја нарушува траекторијата на движење и запирање на возилото.

Согласно Законот за безбедност на сообраќајот на патиштата полициски службеник ќе нареди на возач да го прекине натамошното движење на возилото, ако не постапи според сообраќајниот знак за задолжително носење и употреба на зимска опрема. Исто така, полициски службеник може да нареди на возач да го прекине натамошното движење и тогаш кога не постои сообраќаен знак за задолжително носење на зимска опрема, ако зимските услови на патот не овозможуваат непречено и безбедно одвивање на сообраќајот, односно полицискиот службеник може да му нареди на возач задолжително да ја постави на возилото зимската опрема.

Важно е да се истакне и  дека перцепцијата за зимските гуми  дека  се гуми наменети за снег, е погрешна.  Зимските гуми се погодни и безбедни за сите температури под 7 степени целзусови.  Во услови на ниски температури летните гуми стврднуваат, добиваат карактеристика на пластика и го губат контактот со подлогата,  додека зимските гуми се изготвени од таков материјал кој и во услови на ниски температури е мек и обезбедува стабилен контакт со подлогата и стабилно управување и запирање на возилото. Покрај тоа,  зимските гуми имаат таков дизајн ( шара) која овозможува полесно  истиснување на водата и снегот, а со тоа се овозможува и поголема стабилност и контрола во процесот на управување и запирање на возилото.

РСБСП со препорака: Користењето на соодветна зимска опрема во голема мера придонесува за  безбедно одвивање на сообраќајот  при зимски услови на патиштата. Согласно тоа, секој возач  треба да користи соодветна зимска опрема  пред се заради лична заштита, безбедно одвивање на сообраќајот и безбедно пристигнување на посакуваната дестинација.

Министерката за труд и социјална политика, Мила Царовска, денеска објави дека следната година просечната пензија во Македонија ќе изнесува 15.500 денари.

Оваа пресметка следува откако вчера премиерот Зоран Заев најавувајќи го државниот буџет за 2020 потврди дека пензиите ќе пораснат од 700 до 730 денари за следната година. Со индексацијата ќе има дополнителни 120 до 130 денари, или вкупно меѓу 850 и 900 денари.

Порастот на пензиите одкако сме дојдени на власт ќе изнесува 1.746 денари до следната година. Мора да кажеме дека ова покачување не е некое ад-хок покачување кое што нема други економски показатели кои што покажуваат дека пензиите треба да растат, рече Царовска на прес-конференцијата.

Во 2019 просекот бил 14.598, додека во 2018 изнесувал 13.754 денари.

Данило Бадњар, попознат како Чода, се снимаше додека посетувал неколку места во Белград и на жителите им давал пари за месечните сметки. Поделил околу 90.000 динари, а на крајот од видеото заплакува од среќа, бидејќи имал можност да направи такво нешто.

„Мојот пријател, кој е камерман и јас посетивме неколку куќи во Крњаќ, а потоа прошетавме до Котеж. На секоја врата на која затропавме, луѓето ни отворија. Беа срдечни и се заблагодарија“ - рече Данило за Инфромер и продолжи:

„Следниот дел го посетивме блокот 23 во Нов Белград. Скоро никој не сакаше да земе пари. Очигледно беше дека станарите на кои наидов беа финансиски постабилни од оние на другите места. Сепак, кажаа парите да ги дадам на оние на кои им се најпотребни“ - заклучува Чода.

Јутјуберот го напуштил средното училиште за да биде гејмер, но подоцна го завршил вонредно. Заработката која ја остварува од клуповите му носи профит.

„Искрено, повеќе се заработува од спонзори отколку од прегледи. Милион прегледи од Србија носат околу 100 долари, што не е многу“ - искрен беше Данило.

- Непланирање на иден развој

Една од најчестите грешки кои ги прават компаниите при изборот на деловен - канцелариски простор е непланирање на можностите за иден развој и потребата за дополнителен простор во иднина. Работиме на динамичен пазар, со брзи промени во трендовите каде флексибилноста на просторот се наметнува како стандардно барање од кое во голема мера ќе зависи и успешноста на една компанија.

Една од клучните работи при изборот на канцелариски простор е соодветно и колку што е возможно да се предвиди идниот развој и согласно на тоа да се избере простор кој ќе биде флексибилен и кој најдобро ќе може да одговори на сите промени и потреби на компанијата.  

-  Цена на закуп – фактор број 1 при изборот

Избор на деловен - канцелариски простор базиран само на висината на цена на закуп е пракса кај голем број на компании. Несогледување на таканаречените скриени трошоци (трошоци за одржување, идни поправки итн.) придонесува планираните трошоци во голема мера да отстапуваат од реалните по изборот и вселувањето во деловниот простор.

Локацијата, квалитетот на просторот и деловната зграда, патната инфраструктура и достапноста се само дел од факторите кои заедно со цената и вкупните трошоци треба да се земат в предвид во процесот на избор на канцелариски простор.

-  Дизајн на просторот

Флексибилност на работниот простор и уредување кои овозможуваат оптимални услови за работа можат да ја зголемат продуктивноста и креативноста на вработените. Светските трендови покажуваат дека сè повеќе компании ставаат акцент на грижата за своите вработени, квалитетот на просторот и условите за работа. Уредувањето на канцеларискиот простор од страна на стручни лица во областа, а во линија со специфичните потреби на компанијата ќе придонесе за поголема ефикасност, позадоволни вработени и поуспешен бизнис.

- Водење на комплетниот процес на избор во рамките на компанијата

Процесот на изнаоѓање на вистински деловен – канцелариски простор е многу повеќе од само едноставен избор на простор. Секој чекор од процесот изискува специфично знаење и искуство од одредена дејност - брокери, консултанти, правници, архитекти, инженери. Професионален пристап и тим од стручни лица од областа на недвижностите ќе овозможат да се изнајде најдобриот простор кој во целост ќе ги задоволи сите потреби на компанијата.

За крај

Деловниот простор во кој секојдневно ги извршувате работните обврски влијае директно како  на вработените така и на вашите клиенти, а со тоа и на целокупниот ваш бизнис и успех. Оттука, изборот на идеален деловен-канцелариски простор е комплексен процес каде многу фактори треба да се земат в предвид. Со помош и ангажирање на стручни и искусни специјализирани компании за недвижен имот како ФМС, ќе добиете професионална услуга и вистинско решение за сите ваши потреби за канцелариски простор.