Постојат многу упатства што ќе ве советуваат што да облечете на интервју кои се дефинитивно добра почетна точка. Исто така, направени се многу истражувања за психологијата на боите за да се открие како луѓето ги перцепираат, но сепак, искуствата се многу субјективни. Луѓето имаат лични асоцијации со одредени бои и вие треба да го носите она што ве прави да се чувствувате моќно, но сепак, треба да внимавате што ќе облечете за да не ја изгубите можноста за вработување само затоа што сте оставиле лош прв впечаток. Поради тоа, погледнете каков впечаток оставаат следните бои.

Сината боја асоцира на работа

Не можете да погрешите ако облечете сина боја и според повеќето рабодотавци, сината е најдобрата боја за интервју за работа. Оваа боја остава впечаток на самодоверба и на компетентност и е боја што ја сакаат повеќето луѓе ширум светот.

Црвената боја води кон романса

Црвената боја е храбра, впечатлива и на многумина им стои одлично. Таа е исто така моќна боја, а многумина ја поврзуваат со опасност и со романтика, па не е добро да ја носите кога сте во потрага по работа. Црвената боја навистина ќе ве истакне, но не на начин каков што сакате вие.

Сивата и црната ви помагаат да се вклопите

Дали некогаш се чувствувате како да сте под радар? Облечете се во сива, суптилна и елегантна, но сепак не толку впечатлива боја. Истото важи и за црната – од една страна, таа се поврзува со авторитет и со софистицираност, но од друга страна, може да се смета за безбедна боја при облекување. Но, ако целата комбинација ви е во црна боја, тоа може да укажува на страв од излегување од комфорната зона. Ако некаде треба да настапите сами, црната боја е добар избор за балансирање и за постигнување авторитет. Но, ако сакате да се истакнете меѓу другите, размислете за похрабра боја.

Зелената е креативна

Зелената боја ги смирува сетилата и дава чувство на удобност. Оваа боја психолошки се поврзува со „повторното раѓање“ и со креативноста. Ако сакате специфична нијанса на зелена боја што може да има особено позитивно психолошко влијание, тогаш одберете тиркизна боја, комбинација на сина и зелена, која покажува стабилност и авторитет.

Розовата покажува позитивност

Кога сте во друштво, носењето розова боја ќе го ублажи вашиот изглед и ќе ви ја подобри комуникацијата, а комбинирањето розова боја со некоја потемна и похрабра боја ќе ве направи попристапни. Оваа боја е добар избор ако сакате да оставите позитивен впечаток. Но, ако сакате да оставите силен впечаток, треба да изберете некоја потемна и поизразена боја.

Со жолтата боја бидете вимателни

Кога станува збор за жолтата боја, пристапете ѝ со претпазливост. Од една страна, жолтата боја е позитивна и забавна и ве прави да изгледате разиграно, но, од друга страна, разиграноста можеби не е она што се обидувате да го постигнете во работната средина. Жолтата боја не им се допаѓа на многумина, но тие што ја сакаат, реагираат многу позитивно на неа.

Белата означува организираност

Ако сте сигурни дека сте вид човек што спаѓа во оваа категорија, облечете бело на интервјуто за работа. Нема подобар начин да им покажете на другите дека сè што правите е сериозно.

Додека 31% од мажите сметаат дека се посигурни возачи, тоа за себе го тврдат 25% од жените зад воланот, а ова го покажува најновото истражување направено од страна на Hyundai.

Производителот на Кореја на автомобили, направи анкета во Велика Британија во која учествувале 2.000 возачи за да може да се дознае повеќе за нивните навики и стиловите на возење.

Истражувањето потврди постоење на пет основни карактеристики на стиловите за возење:

1. Самоуверен возач 28%

2. Чесен и пресметлив 24%

3. Смирен 19%

4. Нервозен 7%

5. Агресивен 7%

Интересно е дека жените за себе почесто изјавувале дека се нервозни зад управувачот. Еве што уште учесниците во анкетата изјавиле за своите навики во возењето, а вие сами пресудете дели биле искрени:

92% од испитаниците рекле дека никога не свиреле кон други возачи во сообраќајот.

42% од возачите велат дека успоруваат и даваат предност на автобус при вклучување во лентата.

37% од испитаниците секогаш се заблагодаруваат на друг возач на позитивен гест.

20% од возачите признале дека забрзуваат кога на семафорот ќе се вклучи жолтото светло, за да можат да минат пред да се вклучи црвеното.

Извор : 24auto.mk

„Не знам како да го кажам ова без да звучи арогантно - никој не може да ми каже што да правам. Mе предложи претседателот на Соединетите држави, но тој не може да ме смени, освен ако не го прекршам законот. Ако за време на мојот мандат дојде нов претседател, можеби ќе побараат од мене да се откажам од позицијата, но јас не морам да го сторам тоа. Функцијата е целосно независна од претседателот и Конгресот. Но, во исто време, имам огромни ограничувања за тоа што можам а што не смеам да правам “, вели Јелена Меквилиамс, претседателка на американската сојузна корпорација за осигурување на депозити, ФДИК, назначена лично од претседателот на Соединетите држави на таа функција, пренесува српски курир.

Таа додава дека тоа значи дека банкарите не смеат да и платат ниту кафе ниту пијалок. Секоја година тој треба да напише извештај каде има сметка, од која банка позајмила, каде штеди.

"Не смеам да имам никакви акции во ниедна компанија чија работа ја контролирам . Ова не значи дека немам шеф, па никој да не знае што правам. Напротив, сите знаат што правам, јавноста има пристап до мојот распоред. Јас сведочам пред Конгресот најмалку двапати годишно. Пред две недели сведочев четири часа пред Долниот дом и два часа пред Сенатот “, вели таа.

За неа гласале и републиканците за кои своевремено работела, но и демократите. Заклетва положила во јуни минатата година.

Таа моментално е највисоко позиционирана Србинка во американската сојузна администрација, но вели дека „веројатно ќе дојде некоја Србинка и на повисока функција“.

„Србија има извонредни, талентирани луѓе, универзитети од светска класа. Јас ги завршив студиите за постдипломски студии во Беркли, но сепак одговорно тврдам дека генијалците оделе во гимназијата за математика во Белград. Единствениот начин да ја претставам Србија во Америка е да бидам најдобар Американец. Да се борам, да дојдам до самиот врв и луѓето преку мене да ја видат нашата земја. Зборувам со акцент, и сите ме прашуваат од каде сум“, истакнала Меквилиамс за Новости.

Таа додава дека Белград е нејзин град и дека дошла на покана на српската агенција за осигурување на депозити, која ја слави својата 30-годишнина.

„Сакам да покажам дека Америка го поддржува она што го прави оваа агенција. Бидејќи, важно е да се заштитат луѓето. Татко ми изгуби пари во 90-тите години кога банките се затворија и тоа беше судбината на многу луѓе во оваа област. Мора да има заштита преку осигурување. „Ова е проблем за целото општество. За мене е чест да бидам тука и да понудам помош за да се спречи повторно да се случи кризата во 1990-тите“ , рекла таа.

Како претставник на САД, таа се грижи да забележи напредок во Србија, а како личност со српско потекло, неопходно и е „нејзината земја да се развива“.

„Затоа треба да ги спроведете реформите за ваша корист, затоа што на Србија и треба ова. И, дали ЕУ сака или не нешто, треба да биде ирелевантно за вас“, заклучува Меквилиамс  .

Според белградските медиуми, Јелена Меквилиамс  дошла во Белград за да помогне во реализацијата на планот од 10 милијарди американски долари за Балканот. Имено, Меквилиамс , родена како Јелена Обрениќ, ќе го подготви теренот за нови американски инвестиции за време на престојот во Србија.

„Јелена е харизматичен политичар, кој се занимава со финансии во огромната американска администрација. Таа на сите позиции дошла во текот на својата завидна кариера само преку напорна работа и посветеност, па Трамп го призна ова и ја предложи во 2018 година на функцијата", рекол извор близок до медиумот, и додал дека Меквилиамс е една од клучните фигури во економскиот пакет и дека нејзината предност е тоа што е влече корени од регионот и добро ги разбира проблемите на српскиот народ, и што е најважно, дека претседателот има несомнена доверба во неа , бидејќи ја води една од најважните финансиски институции во САД.

СДСМ како одговорна социјал-демократска партија во континуитет докажува дека вистински се грижи за сите граѓани. Преку одговорни економски мерки и политики обезбедува повеќе пари во секое семејство.

Во таа насока е и мерката за субвенционирање на придонесите за здравствено и социјално осигурување, наменета за сите оние работодавачи кои ќе им ги зголемат платите на своите вработени.

СДСМ преку  Владата која ја предводи, донесе Закон за субвенционирање придонеси за сите оние кои платите на своите вработени ќе им ги зголемат од 600 до 6.000 денари.

За оваа мерка, субвенции од државата досега побарале вкупно 8.000 фирми, а повисоки плати ќе добиваат околу 45.000 вработени.

При тоа, важно е да се напомене дека правото за субвенции на придонесите поради технички причини се уште не го оствариле околу 1.300 работодавачи за 47.000 вработени.

Со нивното решавање, вкупната бројка на работници кои ќе добиваат поголеми плати изнесува 92.000.

58 милиони денари е сумата која ќе биде наменета за субвенционирање на придонесите за месеците октомври и ноември, која фирмите треба да ја добијат за да може да исплатат поголеми плати.

Ова е само една од мерките за економски развој, која има за цел и задржување на вработените во земјата, но и сузбивање на сивата економија односно намалување на трендот на примање плата на рака.

Економскиот раст кој е производ на мерките и политиките на СДСМ, се гледа и преку отворањето на нови 59.000 работни места и намалување на невработеноста на историски најниски 17,1%.

Отворање на нови работни места, порастот на минималната плата, порастот на просечната плата, зголемувањето на платите во јавниот сектор, порастот на извозот и индустриското производство, зголемени странски инвестиции и отворање на нови фабрики се реалност и потврда на успешноста на оваа Влада.

СДСМ продолжува со реализација на мерките кои обезбедуваат економски раст и развој повеќе пари кај граѓаните, подобар животен стандард за сите.