Минималните плати во Европа се движат од 213 евра во Албанија до дури 2.142 евра во богатиот Луксембург, покажаа податоците на Евростат во јануари годинава.

Минималната плата е законски пропишана во повеќето земји-членки на Европската унија и некои други европски земји, меѓу кои и нашата. Во земји каде минималната плата не е законски пропишана, пресметката се прави според вообичаениот број работни часови месечно.

Најновите бројки покажуваат дека разликите во минималната плата во европските земји се многу големи.

Според Евростат, во осум европски земји минималната плата надминува илјада евра.

Луксембург со „минимум“ од 2.142 евра е следен од Ирска со минимална плата од 1.656 евра, Холандија 1.636, Велика Британија 1.599, Белгија 1.594, Германија 1.584, Франција 1.539 и Шпанија 1.050 евра.

Потоа, има 10 држави каде минималната плата е помеѓу 500 и 1.000 евра.

Имено, минималната плата во Словенија е 941 евра, во Малта 777, Грција 758, Португалија 741, Полска 611, Литванија 607, Естонија 584, Словачка 580, Чешка 575 и во Хрватска 546 евра.

На дното, со минимална плата помала од 500 евра се наоѓаат вкупно осум европски земји: Унгарија со 487 евра, Романија 466, Латвија 430, Србија 343, Црна Гора 331, Бугарија 312, С. Македонија 235 и Албанија со 213 евра.

Според Евростат, минималната плата во Луксембург, која е далеку највисока во Европа, е десет пати поголема отколку во Албанија.

Од земјите-членки на ЕУ, жителите на Бугарија, Романија и Латвија добиваат најниска минимална плата.

Од друга страна, Луксембург со години е на врвот на листата на европски земји со минимална плата. Во оваа мала земја со население од околу 602.000, минималната плата во 2015 година била 1.923 евра, а секоја година растела редовно, се додека минатата година за прв пат ја надмина магичната бројка од две илјади, поточно, достигнала 2.089 евра.

Интересен е и фактот дека минималната плата во Луксембург е зголемена за 219 евра во последните пет години, што е повисоко од сегашната минимална плата во Албанија од 213 евра.

Според информациите од ACEA (Европското здружение на производителите на автомобили) барањата за електричните возила пораснале за 81% во последните три месеци од 2019 година односно продадени се 156.805 автомобили.

Хибридните возила и понатаму го сочинуваат мнозинството на алтертивни возила во Европската унија и тоа е пораст за 69,2% во однос на идентичното тримесечие во 2018 година што исто така е големо поместување.

Уште пред новите стандардни за емисиите на штетни гасови, електричните автомобили стануваа сè попопуларни и попопуларни што доволно зборува за тоа што народот сака да вози, а како главна причина за дотогашната слаба продажба се наведува недостатокот на избор од страна на произведувачите. Покрај сите овие бројки се наведува дека се продадени 3,7% помалку дизел возила во Европската унија, но и дека се регистрирани 29,5% помалку дизел автомобили.

Франција, Германија, Романија, Шведска, Унгарија, Белгија и Словенија имале нешто позначаен број на купени дизел автомобили, но и понатаму судејќи според пазарот во Европската унија најзастапени се бензин верзиите.

Граѓаните и инвеститорите отсега ќе можат од дома да проверат дали низ нивна или друга локација за која се заинтересирани поминува инфраструктурен објект преку геопорталот што за таа намена го воспостави Агенцијата за катастар на недвижности.

На геопорталот може да се видат досега евидентираните оптички и бакарни кабли, кабли за пренос на електрична енергија, гасоводи, водоводи, канализации, трафостаници, базни станици, антени и други инфраструктурни објекти.

Во случај низ земјиште на граѓанин со решена сопственост да поминува каква било инфраструктура и за тоа има имотен лист може да побара надомест од операторот на таа инфраструктура.

Граѓаните имаат право да си ги решат имотноправните работи со имателите на овие инфраструктури по пат на службеност. Ќе треба да се договорат околу службеноста како имателот на таа инфраструктура ќе влегува во дворот на граѓанинот за да пристапи до инфраструктурата. Договарањето секогаш е доброволно, а во спротивно по судски пат.

Досега технички се евидентирани над 23 илјади километри водови од телекомуникации, електроенергетика и водовод и канализација и над 142 илјади точкасти објекти од типот на базни станици, трафостаници, антени. Тоа е направено врз основа на податоците за нивната геопросторна локација со која располагаат имателите.

Половина од граѓаните се на став дека во Македонија има полова дискриминација при вработување, а исто толку процент на граѓани се на ставот дека мажите и жените земаат иста плата за исто работно место. Вакви резултати дава најновото истражување на јавното мислење кое за Детектор го спроведе Институтот за политички истражувања Скопје.

 Според него, 49,5% од анкетираните се на став дека во земјава има родова дискриминација при вработување, додека високи 40,6 се убедени во спротивното. Младите во поголем процент сметаат дека родовата дискриминација при вработување е појава која постои во земјава. Таков став делат 64,9% од анкетираните кои се помлади од 30 години, додека само 28,1% од нив велат дека родова дискриминација при вработување нема.

Точно половина од анкетираните сметаат дека и мажите и жените за исто работно место земаат иста плата. 30,8% сметаат дека мажите се повеќе платени додека само 4,6 се на став дека жените земаат повеќе плата од мажите вработени на истото работно место.
Кога одговорите на анкетираните ќе се поделат според полот, бројките велат дека 57,8% мажи и 42,4% жени сметаат дека за исто работно место и мажите и жените земаат повеќе плата.
23,1% мажи и 38,4% жени сметаат дека мажите се повеќе платени додека само 5,6% мажи и 3,6% жени се на став дека жените земаат повеќе плата од мажите со кои работат на истото работно место.

Анкетата на Институтот за политички истражувања Скопје по нарачка на Детектор е спроведена во периодот од 28 до 31 јануари врз репрезентативен примерок од 1083 испитаници.