Новосоздадените мали и средни компании во Македонија мака мачат да преживеат. Најголеми проблеми со кои се соочуваат се правната регулатива, како и недостигот на квалификуван кадар и на квалитетни извори на капитал, покажува анализата на професорот Вељанд Рамадани. Статистиката покажува дека бројот на фирмите со помалку од 10 вработени, во последните пет години, е намален за речиси 7.000. Според Рамадани, владините мерки за поддршка на овие претпријатија не обезбедуваат одржливост на подолг временски рок.

Податоците велат дека најголем број од новоформираните фирми, околу 20 – 25 отсто згаснуваат уште во првата година. Домашните стопанственици велат дека некако не ги чувствуваат сите мерки кои доаѓаат од владината програма и постојано бараат мерки кои се опипливи и кои може да придонесат да се подобри нивната конкурентска предност на домашниот и на странските пазари.

Рамадани предлага низа мерки за подобрување на состојбите, кои пред се` се однесуваат на зголемување на праксата во високото образование, како и на изнаоѓање алтернативни начини за финансирање на новосоздадените бизниси.

И анализите на стопанските комори покажуваат дека тешкиот пристап до пари и неликвидноста се најголемата болка на малите и средните претпријатија. На малите и средните претпријатија секогаш им бил најголем предизвикот да опстанат на пазарот. Најпрво, приливот на свеж капитал односно можноста да се добијат средства е она што е најкритично во текот на нивното работење и нормално да можат да ги сервисираат обврските за да опстојат и да ги задржат оние вработувања кои ги имаат генерирано.

Малите и средните претпријатија учествуваат со 55 отсто во бруто домашниот производ на државата.

Професори од универзитетот Харвард составија листа од најчестите 10 замки за старт ап компаниите, кои апсолутно можат да се применат и на македонскиот пазар.

Прв совет од нив е ако сакате да започнете своја компанија, треба да изберете сектор кој не бара големи трошоци за развој на производи, како на пример веб страница или мобилнаапликација, а останатите нивни препораки прочитајте ги во продолжение…

1. Акумилирајте средства пред самиот почеток на проектот.Планирајте намалување на ризикот на работата. Тоа вклучува проценка колку пари ќе ви требаат за финансирање на проектот доколку не почне да се остварува одредениот поврат на инвестициите. Самофинансирањето е секогаш најсигурниот пристат за старт ап компаниите, но добро може да дојде и помошта од некои фондови или институции.

2. Задржетеја вашата работа додека не почнете да заработувате од старт- ап проектот. Обично основачите на старт ап компании на своите проекти работат за време на викендите или навечер, а зачувувањето на постојаното вработување им овозможува преживување за време на првите, критични години од работата.

3. Побарајте помош од пријателите или роднините. Ако се одлучите на самофинансирање, паричната помош од роднините и пријателите е најчест извор на средства за старт ап проекти во раната фаза од развојот. Инвеститорите се обично внимателни и тешко се вклучуваат во раните фази од работата, додека сеуште постои многу несигурност.

4. Користите „crowd funding“. Ова е еден од најпопуларните начини за воспоставување на финансиски рамки за нови компании, а тоа го овозможуваат интернет страниците како Kickstarter. Таму може да го претставите својот проект, а ако е тој перспективен, може да добиете понуди од разни инвеститори, мали и големи, кои ќе ви помогнат да го преживеете почетокот на развојот на компанијата.

5. Пријавете се на натпреварување за стипендии и награди. Многу Влади ги кофинансираат истражувањата и развојот на модерните технологии. Иако ваквите натпревари, или пријава за користење средства од разни владини фондови бараат многу време и труд, на крај доколку сте успешни тоа може да се исплати.

Претседателот на Владата за спроведување на изборите Емил Димитриев и владина делегација денеска се во главниот град Латвија, Рига, каде присуствуваа на петтиот состанок на Шефовите на Влади на земјите од средна и источна Европа и Кина.

Овој Самит се одржува веќе петта година по ред и неговата основна цел е унапредување на мултилатералната соработка на земјите учеснички, како и унапредување на билатералната соработка на секоја од земјите учеснички со Народната република Кина.

Една од охрабрувачките пораки од Самитот на кинескиот премиер е Кина да инвестира во земјите од регионот.

Екипа на ТВ Нова известува директно од Рига.

Главните берзански индекси во САД во петокот забележаа пад, што е нивно најдолго паѓање од 1980 година, благодарејќи на неизвесноста на претседателските избори во вторник и покрај позитивниот тренд на економските показатели.

ндексот Dow Jones се намали за 0,24 отсто, на 17.888 поени, индексот Nasdaq падна исто така за 0,24 проценти, на 5.046 поени, додека индексот S&P 500 се лизна за 0,17 отсто, на 2.085 индексни поени, и тоа е деветти ден со ред како тоне.

Американскиот претседателски избори ќе се одржат на 8-ми ноември, а на четири дена до нив продолжува да паѓа довербата во фаворитката Хилари Клинтон. Така, во анкетата на The Los Angeles Times кандидатот на Републиканската партија Доналд Трамп ја има поддршката од 47,5 отсто испитаници, а неговата противкандидатка од Демократската партија – Клинтон, ја поддржале 42,5 отсто. Сепак, повеќето други национални анкети покажуваат дека поранешната државна секретарка има минимална предност пред њујоршкиот магнат.

Пазарите, имено, ја преферираат Клинтон, бидејќи сметаат оти победата на Трамп ќе предизвика несигурност по прашањата за внатрешната, надворешната и економските политики.

Стапката на невработеноста во САД паднала во октомври на 4,9 отсто од септемвриските 5 проценти, а бројот на работните места во неземјоделските сектори на економијата се зголемил за 161.000, што е помалку отколку што очекуваа аналитичарите.

Трговскиот дефицит на САД во септември се намалил за 4 милијарди долари, или за 10 отсто во споредба со ревидираниот показател во август, и изнесувал 36,4 милијарди долари, додека аналитичарите очекуваа намалување на овој показател до 38,5 милијарди долари.

„Извештајот за вработувањата го потврди тековниот тренд, и тој е позитивен. Слабоста, за којашто сме сведоци последните неколку седмици, делумно се должи на одржувањето на изборите, што продолжува да ги вознемирува вложувачите, како и корекциите на високите рејтинзи и просечните приходи на компаниите“, вели за агенцијата MarketWatch Марис Ог, директор во „Tower Bridge Advisors“.