И оваа година ќе има субвенции за работниците со ниски примања. Со 15.000.000 денари ќе се субвенционираат работниците со ниски приходи за да одат на одмор. 

Ова денеска го најави министерот за економија, Крешник Бектеши.

Претходната година имавме над 12.000.000 денари определени за оваа програма заедно со ваучерите кои ги доделивме за домашен туризам, а оваа година согласно буџетот на Министерството  одлучивме да одиме со 15.000.000 денари за првиот дел на годината. До крајот на годината, ако се искористат сите пари ќе најдеме други можности и внатре во Министерството за економија, но и преку потенцијален ребаланс на Буџетот на државата да ги надополниме средствата доколку се реализираат 100 процентно, рече Бектеши.

Минатата година се искористени  70 отсто од парите за субвенции за годишен одмор и за  ваучери за домашен туризам. Со оваа мерка треба да му се помогне на туристичкиот сектор кој е во криза поради пандемијата  на коронавирусот. Целта е да им се помогне и на ранливите категории на граѓани. 

Скопје Ист гејт инвестира и во услови на пандемија, севкупната значајна инвестиција изнесува над 350 милиони евра и тоа е огромно вложување  за нашата земја, истакна премиерот Зоран Заев при увид на активностите за изградба на шопинг молот лоциран кај  поранешен Скопски саем.

Сите кои донеле одлука да се спротивстават на пандемијата со инвестиции, посочи, тоа ќе го валоризират со огромен успех.

Во комплексот покрај трговскиот центар се содржани десет станбени и пет деловни згради. Тоа, посочи Заев, значи отворање на голем број работни места, што е и наша  заложба да креираме поволен деловен амбиент за добро платени работни места и привлекување нови инвестиции, рече Заев. Очекува објектот да биде пуштен за десет месеци.

Го потенцираше значењето на градежништвото коешто развива 70 дејности и поддејности и економска гранка со силно учество во вкупниот БДП на државата и во создавање работни места кои се добро платени. Потенцираше дека стопанството во услови на пандемија е поддржано со редица мерки, донесени се пет пакети со економски мерки за задржување на ликвидноста и поддршката на сите сектори. Позитивен сигнал во  услови на пандемија, како што рече, е и постојаниот раст на просечната плата.

Како што информира Игор Давков, извршен директор на Ист Гејт Мол, за неколку месеци новиот шопинг мол ќе биде најатрактивна дестинација за посетителите од државава и од регионот. Трговскиот центар е во последна градежна фаза. Во готовата и затворена карабина како и завршените машински и електрични системски инсталации се почнати  занаетчиските активности  и останува да се доработи внатрешниот ентериер на молот, рече Давков, најавувајќи дека ќе донесат реномирани трговски марки.

Ист гејт мол има бруто развиена површина од 160 илјади метри квадратни, се простира на две нивоа над земја и располага со 57  илјади метри квадратни вкупна површина за изнајмување.

Појавата на влага на таванот и по ѕидовите е прв сигнал дека постои проблем со покривот односно со покривната хидроизолација, нејзина дотрајаност или некваклитетна изведба. За да се преземе било каква активност потребно е да се утврди фактичката состојба од стручно лице.

Проблемот со прокиснување на покривот најчесто се случува во постарите колективни станбени згради, бидејќи честопати станарите не успеваат да се договорат околу поделбата на трошоците за санирање на покривот.

Станарите треба заеднички да учествуваат во одржување на зградата во која живеат. Во спротивно доколку сопствениците на станови во зградата не можат да се договорат околу висината на сразмерните трошоци, поправката може да ја изврши еден станар на сметка на другите но висината на сразмерните трошоци ја одредува судот.

Кога има засилени дождови може да предизвикаат непријатности кај станарите коишто живеат во зграда во којашто покривот пропушта вода. Покривот е заеднички дел од зграда за колективно домување, па законските одредби од коишто произлегува заедничката обврска на сите станари, преку заедницата на сопственици или преку управителот е да го одржуваат покривот на зградата.

Согласно член 6 став 2 од Законот за домување “Заеднички градежни елементи во станбените згради и станбените објекти за посебни намени се темелите, носечките ѕидови и конструкциите, таваните, покривот, фасадата, оџаците, цевките за вентилација, светлосните прозорски стакла, отвори за лифтовите и други слични конструкции.“, согласно член 10 став 1 и 2 Управувањето со станбените згради меѓу другото подразбира и одржување и зачувување на заедничките делови на станбената зграда. Работите на управување може да ги врши управител или заедница на сопственици, од што произлегува дека обврската за заедничкото одржување на заедничките делови од зградата од станарите е пренесена на заедницата на сопственици или на управителот, па истите имаат обврска меѓу другото да се грижат и за одржување на покривот на зградата. Доколку дојде до настанување на штета од неисполнување на обврските за одржување и зачувување на заедничките делови на станбената зграда од страна на управителот или заедницата на сопственици, истите ќе мора да ја надоместат во соодветна постапка.

Тековното одржување на зградата е регулирано согласно Член 41 од Законот за домување. Доколку некои од станарите не плаќаат за одржување на зградата куќниот совет може да поднесе тужба за присилна наплата на тековното и инвестиционо одржување на зградата.

Вистинското влијание на контрамерките на коронавирусот врз економијата станува се појасно. Новите студии покаѓуваат дека оваа година глобалниот приход е веќе намален за 10,7%, што претставува загуба од околу 3,5 трилиони долари.

Пандемијата со коронавирусот и напорите да се запре нејзиното ширење го направија светот многу посиромашно место со намалување на милиони работни часови. Овие загуби за возврат го намалија приходот на глобалната работна сила за 10,7%, што е еквивалентно на 3,5 трилиони долари (2,9 трилиони евра), во споредба со првите три квартали од 2019 година. Ова се претвора во огромни 5,5% загуба од целиот бруто домашен производ на светот (БДП) .

Новата проценка на агенцијата на Обединетите нации претставува полоша економска слика од претходните проценки откако групата ја вкалкулира и новообјавената национална статистика. „Глобалните загуби на работни часови во првите девет месеци од 2020 година се значително поголеми отколку што се проценуваше во претходното издание“, призна МОТ во своето соопштение за печатот.

Жените, младите и оние кои работат во неформалниот сектор се особено погодени, бидејќи земјите се обидуваат да избегнат втор пандемски бран и повеќе блокади.

„Избледена иднина“

Со затворање на работните мести и забавување на побарувачката, во извештајот сега се проценуваат вкупните загуби во работни часови на 17,3% или околу 495 милиони еквивалентни работни места со полно работно време (врз основа на работна недела од 48 часа) за вториот квартал, во однос на последниот квартал на 2019 година. Нивната претходна проценка беше 14%. Земјите со пониски средни приходи забележаа најголем пад.

Загубите во работното време вклучуваат пократко работно време, вработување, но не работење, невработеност и неактивност. Иако постојат големи разлики низ целиот свет „во многу случаи, невработеноста претставува само мал дел од загубите во работните часови“, покажа извештајот.

За тековниот трет квартал истражувачите очекуваат загубите да бидат околу 12% што е еднакво на загуба на 345 милиони работни места.

За жал, тие исто така ги променија гледиштата на последниот дел од годината. „Ревидираните проекции за четвртиот квартал сугерираат бесперспективни изгледи за разлика од претходната проценка“, се истакнува во извештајот и сега се очекуваат загуби од околу 8,6% во четвртиот квартал од 2020 година во споредба со истиот период минатата година. Нивната претходна проценка беше само 4,9%.

Агенцијата побрза да посочи дека бројките не ги земаат предвид државните програми за поддршка на компаниите кои им помогнаа на милиони да бидат компензирани за затворањето на работните места за време на пандемијата. Тие заклучуваат дека без ниту еден фискален стимул, загубите во работните часови би можеле да достигнат дури 28%.

Безнадежни со минимална помош

Навистина, овие владини програми им помогнаа на луѓето ширум светот. Земјите со поголеми пакети за фискални стимулации забележаа помали загуби. Сепак, овие пакети се дистрибуирани нерамномерно и се повеќе концентрирани во богатите земји како Германија и нејзината сега веќе позната шема за краткорочно работење. Посиромашните и земјите во развој ги немаат паричните средства кои им се потребни за да продолжат да функционираат.

Згора на тоа, поголем процент од работниците кои работат во економии во развој или имаат неформално вработување се жени. Генерално, околу 60% од глобалните работници се со неформално вработување. За разлика од формално вработените, тие немаат придобивки како социјално осигурување или други мерки од јавниот сектор кои ги ублажуваат загубите на приходите.

На посиромашните земји им е потребна поголема поддршка преку меѓународни финансиски институции, раздолжување или помош за развој. Општо, потребна е поголема меѓународна солидарност.

Изгубена генерација?

Исто така, на младите им треба посебна грижа за да се избегне да станат изгубена генерација. Дури и пред пандемијата, тие беа во ранлива ситуација во светот на работата. Од почетокот на пандемијата работите се влошија уште повеќе.

За МОТ ова е особено загрижувачки проблем бидејќи претходните кризи покажаа „дека активирањето на неактивни луѓе е уште потешко отколку повторно да се вработуваат невработените“. Младите кои не можат да напредуваат на пазарот на трудот сега може да се соочат со долгорочни негативни последици.

Сепак, во овој момент кризата со корона вирусот е далеку од крајот. Сепак 90% од глобалните работници живеат во земји со некаков вид на затворање на работните места. Од нив, 32% се во земји со затворање на сите, освен основните работни места. Секое враќање во работата сè уште може да компромитира во процесот на “заздравување“.