Градоначалникот на Град Скопје Петре Шилегов, на неговата ФБ страна го најави БРТ проектот за воведување на нов сообраќаен систем, кој ви го прикажуваме во целост.

Постои разлика кога правите нешто за себе и кога правите нешто за сите.

Нашата заложба зад БРТ проектот е да воведеме нов сообраќаен систем од кој сите наши сограѓани ќе имаат секојдневна корист, почнувајќи од времето кое ќе го заштедат патувајќи, до позитивниот ефект кој овие две линии ќе го имаат за намалување на загадувањето во градот.

Но, најважно од сѐ - со овој проект сакаме да покажеме колку многу може да се постигне доколку имате желба и решителност да постапувате исправно и за доброто на сите околу вас. Само за споредба, целиот БРТ проект за кој веруваме дека ќе направи вистинска разлика за Скопје и сите негови жители, чини само една десетина од таканаречениот проект Скопје 2014.

Во Црна Гора и Македонија лани се работело најмногу. Ова го покажува истражувањето на европската статистичка служба, Евростат. Тоа значи дека работниците во овие две земји најмногу време поминувале на работа. Но, колку сработувале додека престојувале на работните места е сосем друго прашање. Според експертите, должината на работното време и продуктивноста не секогаш одат заедно.

Синдикалците велат дека не 8, туку во земјава се работи и многу повеќе, а проблем е што тоа не се плаќа. Доколку се подобрат условите за работа, а се зголемат и платите работниците ќе бидат и посреќни и попродуктивни.

Експертите на иста линија. Велат дека е време да се најде начин работното време да не биде толку круто ограничено. Подоготовките за измени во ЗРО се во тек и ова треба да биде земено превид.

Според истражувањето на Евростат, лани во Црна Гора работната недела траела 44 часа. Во Македонија 39,5. Првата петорка најработни нации се балкански земји. Германците пак, на пример, работеле 34 часа неделно.

Витни Волф Херд е ново лице во клубот на милијардерите. Таа е основач на апликацијата за запознавање „Бамбл“. Нејзиното богатство значително се зголеми кога излезе во јавноста во февруари, по што цените на акциите на нејзината компанија нагло се зголемија.

Со тоа станала најмладата жена на светот која заработила своја милијарда, односно – не наследила и не добила пари по развод, пренесува Би-Би-Си.

Таа посочува дека тајната на успешните директори е дека тие не се сфаќаат премногу сериозно.

Тој ја нагласува важноста од наоѓање рамнотежа помеѓу работата и приватниот живот. „Клучно е да се најде време за семејството, дури и ако тоа значи дека треба да земете слободно попладне“, рече таа.

Патем, пред да ја започне апликацијата „Бамбл“, Волф Херд беше дел од основачкиот тим на „Тиндер“, но ја напушти компанијата по несогласувања со другите директори.

Набргу по заминувањето, таа поднесе тужба за сексуално вознемирување, што беше одбиено од компанијата што управува со Тиндер, но тие секако платија повеќе од милион долари за да постигнат решение.

Како резултат на целата постапка, таа вели дека се соочила со ужасни навреди на Интернет, поради што го избришала својот профил на Твитер. „Сакам Интернетот да стане поубаво и пољубезно место“, рече таа во една прилика.

Имено, на оваа платформа, само жените можат да започнат разговор. Се чини како едноставна идеја, но има голема разлика бидејќи жените честопати се бомбардирани со несакани пораки од додворувачите.

Еден од економски најзначајните трендови во последните неколку децении е појавата на глобална средна класа. Сепак пандемијата направи пресврт и ги намали очекувањата дека оваа група потрошувачи ќе продолжи да расте.

За прв пат од 90-тите години на минатиот век, глобалната средна класа се намали минатата година, според Центарот за истражување “Pew Research”. Околу 150 милиони луѓе – број еднаков на населението во Велика Британија и Германија – се срушија на социо-економското скалило во 2020 година, со најголем пад во Јужна Азија и субсахарска Африка.

Дефинирањето на параметрите на оваа глобална средна класа е одамна контроверзно. „Pew Research“, кој ја истражуваше оваа тема повеќе од една деценија, ги означува „луѓето со среден приход“ како оние кои заработуваат од 10,01 до 20 американски долари на ден, користејќи податоци што ги балансираат разликите во куповната моќ меѓу земјите.

Во анализата има посебен опсег – приход од „горно-среден“, кој се однесува на заработка помеѓу 20,01 до 50 долари на ден. Други, како што е институцијата Брукингс, се одлучија за посеопфатна дефиниција од 10 до 100 долари на ден.

Вкупно, кога зборуваме за средната класа, всушност зборуваме за 2,5 милијарди луѓе или третина од светската популација. Забележливо е дека средната класа „изгуби“ токму во земјите кои сè уште се борат да го зајакнат својот економски статус, иако во многу азиски земји, исто така, младите имаат сè поголем проблем.

Генерацијата Z, на пример, има голем проблем со долговите, што беше особено влошеноод сегашната криза. Во својот последен извештај на Светските економски изгледи, објавен на 6 април, Меѓународниот монетарен фонд (ММФ) предвидува дека глобалната економија во 2024 година ќе биде за 3% помала отколку што би било ако немаше пандемија.

Се наведува дека ова главно се должи на тоа што владите на земјите во развој имаат помалку простор за закрепнување, за разлика од САД или Европа. На пример, Индија ќе заврши со БДП понизок за 5,2% во 2021 година отколку што ќе беше ако немаше криза. За Индонезија, таа бројка е 9,2 проценти, а за САД само 1,6 проценти.