Дигитални сертификати или „ковид пасоши“ што треба да бидат доказ дека некое лице нема корона и може слободно да се движи, во некои форми веќе се ставени во употреба во некои земји.

Европскиот парламент (ЕП) усвои позиција на преговори за предлогот за сертификат со кој се потврдува правото на слободно движење во Европа за време на пандемија. Сепак, тој е прилично збунувачки, бидејќи иако пратениците се согласија дека нема да се користи како патен документ, тие исто така се согласија дека тоа ќе обезбеди олеснување за патувањата и дека „носителите на сертификати на ЕУ не треба да бидат предмет на дополнителни ограничувања за патувања, како како карантин., самоизолација или тестирање“.

По гласањето на пленарна седница, Хуан Фернандо Лопез Агилар, претседател на Комитетот за граѓански слободи и известувач, рече: „Треба да го воспоставиме сертификатот ЕУ Ковид-19 за да ја вратиме довербата на луѓето во Шенген, додека продолжуваме да се бориме со пандемијата. Земјите-членки мора да го координираат својот одговор на безбеден начин и да обезбедат слободно движење на граѓаните во рамките на ЕУ. Вакцините и тестовите мора да бидат достапни и бесплатни за сите граѓани. Земјите-членки не треба да воведуваат дополнителни ограничувања откако сертификатот ќе стапи на сила“, рече Агилар.

Во меѓувреме, некои земји веќе ги воведоа своите сертификати и ги користат за разни намени.

Од почетокот на оваа недела, во Италија веќе постои дигитален „ковиден-пасош“, односно документ со податоци за тоа дали некое лице го поминало ковид 19, дали е вакцинирано или е негативно на коронавирусот.

На сопствениците на овие „зелени пасоши“ им е дозволено слободно да се движат низ целата земја, пренесува Дојче веле.

Немаше голема дебата бидејќи италијанскиот Устав експлицитно дозволува ограничувања на слободата на движење од здравствени причини.

Австриската влада исто така одлучи да не ја чека ЕУ, но донесе одлука за воведување на јасен пасош од 19 мај и ќе го спроведе во три фази.

Првата фаза од воведувањето на овој електронски документ, што треба да овозможи поголеми слободи за време на пандемијата, ќе биде едноставен доказ за вакцинација, негативен тест или закрепнување од короната.

Околу две до три недели подоцна, тој ќе биде национално применет со QR код, по што се чека европско решение, пренесува Танјуг.

Ова го објави австрискиот канцелар Себастијан Курц. Сепак, неговата објава првенствено се однесува на електронски документ што ќе им овозможи на луѓето кои биле вакцинирани, прележани или тестирани да посетуваат настани, гастрономија и хотели во Австрија.

Во втората фаза, владата сака доказите за вакцинација, корона и негативен тест да бидат поврзани со QR-код, кој би следел на почетокот на јуни, така што оттогаш навистина можеме да зборуваме за австрискиот ковид пасош.

Откако ЕУ ќе постигне договор за европската верзија на тој пасош, што ќе го регулира туризмот во текот на летото, Австрија ќе го прилагоди своето решение на заедничкото, рече канцеларот.

Данска го лансираше својот систем за ковид  пасоши на почетокот на април, што ќе помогне повторно да се отворат многу деловни активности за клиенти.

„Коронапас“ е достапен преку безбедна апликација или во форма на хартија за луѓе кои биле целосно вакцинирани, имале позитивни тестови за ковид-19 две до 12 недели порано или биле негативни во текот на претходните 72 часа.

Во моментов им овозможува на луѓето пристап до одредени услуги - вклучително и фризери, козметички салони и автошколи - со цел постепено повторно отворање на економијата до крајот на мај.

Франција е исто така на пат да создаде своја апликација што може да се користи како дигитален сертификат.

Владата во Париз ја ажурираше официјалната апликација за короната TousAntiCovid за да може да се „вметне“ статусот поврзан со вакцината, односно резултатите од тестовите за корона. Досега е можно само следење на контактите.

Во Франција во моментов нема дискусија за „наградување“ на вакцинираните лица, а претседателот Емануел Макрон редовно нагласува дека употребата на апликацијата и вакцинациите се доброволни и ќе останат такви.

Велика Британија, сега веќе поранешна членка на ЕУ, има план, како и Франција, да ја смени постојната примена на Националниот здравствен систем (NHS) за луѓето да можат да додадат на тоа дали примиле вакцина за корона.

Земјата понатаму планира да користи такви докази дека луѓето ја примиле вакцината заради меѓународни патувања, изјави британскиот министер за транспорт, Грант Шапс.

„Тоа ќе биде апликација за NHS што луѓето ја користат кога сакаат да закажат состанок со NHS. Мора да ја примите вакцината или да направите тест за да можете да го покажете ова. На меѓународно ниво, работам со партнери ширум светот за системот да биде меѓународно признат“, рече Шапс, пренесува Ројтерс.

Тој за „Скај њуз“ изјави дека ќе претседава со состанокот на Г7 следната недела, на кој ќе се соберат министрите за транспорт и на кој подетално ќе се разговара за планот.

Извор Блиц.рс

Двоцифрен раст на добивката, консолидирани продажби од 3,27 милијарди денари, 58 нови вработувања во земјата и со инвестиции од над 178 милиони денари. Вака одработе една од најдобрите македонски компании во првите три месеци годинава. Алкалоид ги објави кварталните резултати. Остварената добивка по трошоци изнесува над 5,6 милиони евра!

Според податоците од билансот на успех, единечната добивка пред финансиските трошоци, даноците и пред амортизацијата (ЕБИТДА), која изнесува 514.698.816 денари, бележи зголемување од околу 12 отсто, додека единечната нето-добивка изнесува 283.499.233 денари и е зголемена за 11 проценти.

Консолидираната добивка пред финансиските трошоци, даноците и пред амортизацијата (ЕБИТДА) достигна 606.551.018 денари и бележи раст од 12 проценти, додека консолидираната нето-добивка во износ од 346.686.179 денари е зголемена за 10 отсто

Според единечниот биланс на успех, во периодот од јануари до март 2021 година, продажбите достигнуваат 2.406.134.466 денари, што е за 4 отсто помалку во споредба со истиот период од минатата година. Вкупните консолидирани продажби, пак, се 3.273.226.394  денари, што е за 3 отсто помалку во споредба со истиот период од минатата година.

Продажби според региони

Консолидираните продажби остварени на домашен пазар се зголемени за 14 отсто. Вкупниот консолидиран извоз на компанијата е намален за 9 проценти. Од вкупните консолидирани продажби, 33 отсто се остварени на домашен пазар, додека 67 проценти се остварени на странските пазари. Гледано според региони, во земјите од Југоисточна Европа се остварени 34 проценти, во земјите од Западна Европа (ЕУ и ЕФТА) се остварени 22 отсто, во Русија и во другите земји од ЗНД се остварени 10 проценти, а на другите пазари се остварени 1 отсто од вкупните консолидирани продажби.

Минималното намалување на продажбите во првиот квартал од 2021 година во споредба со истиот период од 2020 година се должи на подигнувањето на безбедносното ниво на залихи на лекови кај голем број наши клиенти и тоа, пред сѐ, на извозните пазари, што беше реализирано во март 2020, предизвикано од почетокот на КОВИД-19 пандемијата.

Продажби според групи производи

Гледано според групи производи, во структурата на вкупните консолидирани продажби најголемо учество заземаат производите од сегментот фармација, и тоа 88 отсто. Од нив поголем удел имаат препаратите ОТЦ со удел од 21 отсто, антибиотиците со 19 проценти, кардиолошките препарати со 15 отсто, невролошките препарати заземаат 14 проценти од вкупните консолидирани продажби итн. Сегментот хемија, козметика и билкарство учествува со 12 отсто во вкупните консолидирани продажби, поточно хемијата учествува со 3 отсто, козметиката со 7 отсто, а билкарството учествува со 2 отсто.

Инвестиции

Вкупните инвестиции во основни средства, во периодот јануари-март 2021 година, изнесуваат 178.821.567 денари.

Вработени

Во периодот јануари-март 2021 година во „Алкалоид“ се реализирани 58 нови вработувања во Р.С.Македонија. Со одлука на Управниот одбор на „Алкалоид“ АД Скопје, во март 2021 година е одобрен и исплатен регрес за користење годишен одмор за вработените во компанијата во висина од 100 отсто од просечната исплатена нето-плата од работник во претходните три месеци во Р.С.Македонија. Исплатениот надомест од вработен е во износ од 31.167 денари бруто, односно 28.050 денари нето. Групацијата „Алкалоид“ брои 2.430 вработени, од кои 1.860 се во базата во Скопје, а 570 се вработени во подружниците во странство.

Податоци за акциите

Акциите на АЛКАЛОИД АД Скопје котираат на официјалниот пазар на „Македонска берза за хартии од вредност“ од 2002 година и важат за едни од најтргуваните и најликвидните акции на берзата. Цената на акцијата во периодот јануари-март 2021 година се движеше од 13.300,00 денари до 14.530,00 денари или просечно 13.917,00 денари за една акција, што претставува раст од 14,9 отсто во споредба со просечната цена во истиот период од 2020 година. Пазарната капитализација на компанијата на 31.03.2021 изнесуваше 20,5 милијарди денари.

Бизнис-план за 2021 година

Бизнис-планот за 2021 година, донесен со одлука на Управниот одбор на АЛКАЛОИД АД Скопје, на Седницата одржана на 29.12.2020 година, предвидува инвестирање на околу 12 отсто од консолидираните приходи од продажбите во материјални и во нематеријални средства, раст од 7 отсто на консолидираните продажби во однос на 2020 година, како и раст од 7 проценти на консолидираниот профит пред оданочување во однос на 2020 година. Остварените резултати во првиот квартал од 2021 година ги надминуваат зацртаните плански цели.

Бизнис-планот за 2021 година е базиран на очекувањата, проекциите и на можностите на тековните и на новите пазари и производи, достапни за компанијата во моментот на изготвување на планот. Околностите и настаните во 2021 година, а со тоа и остварените резултати, може да варираат од прикажаните во Бизнис-планот.

Очекувања за претстојниот период

Во изминатиот период друштвото се соочи со голем број интерни и екстерни предизвици и новонастанати ризици, генерирани од пандемијата на КОВИД-19. Презедовме голем број мерки во досегашниот период, со цел неутрализирање на сите негативни ефекти, без притоа да се загрози здравјето на вработените и успешното работење на друштвото. Во претстојниот период, врвен приоритет и понатаму останува грижата за здравјето на вработените, како и одржувањето на тековната ликвидност и на финансиската стабилност.

Администрацијата за храна и лекови денеска објави дека ќе предложи забрана за цигари со вкус на ментол во САД, што би претставувало огромен удар за идната продажба на тутун, објави cnbc. 

Ментолот е последниот дозволен вкус за цигарите. Според ФДА, ментол цигарите биле непропорционално користени од младите, луѓето со различна боја и заедниците со ниски примања. 

„Со овие активности, ФДА ќе помогне значително да се намали иницијативата кај младите, да се зголемат шансите за прекин на пушењето кај сегашните пушачи и да се надминат разликите во здравствената состојба што ги имаат заедниците, и луѓето со ниски примања“, велат од ФДА. 

Оваа одлука е одговор на петицијата на граѓаните поднесена во 2013 година. Судот наложи да има одговор од агенцијата. 

За овој предлог ќе бидат потребни години за да се донесе заклучок бидејќи треба да има доволно докази од обете страни, што може да биде тешко.

Грција ја отвора границата со Македонија на 14 мај, потврди министерот за здравство Венко Филипче.

Патувањето во соседната земја ќе биде условено со сертификат за примена доза или негативен ПЦР-тест, а се преговара и за прифаќање на резултатите од брзи антигенски тестови.

Вчера, разговарав со грчкиот министер за туризам, Харис Теохарис, кој потврди дека границата се отвора на 14 мај, а за тоа ќе добиеме и официјално известување. Условот е граѓаните што ќе патуваат да имаат или сертификат за примена доза или негативен ПЦР-тест не постар од 72 часа. Она што се размислува сега, за некои земји, не само за Грција, е да може да се патува и врз основа на брз антигенски тест. За тоа ќе нѐ известат во следниот период, рече денеска Филипче.

Македонците кои дозата ја примија во Србија ќе може да патуваат со документот за примена доза издаден од српските здравствени власти. Министерот вели дека тој документ се признава оти го има истиот код што го имаат и сертификатите за примена доза што ги издаваат нашите здравствени власти.

Во Србија се имунизираа околу 15.000 Македонци. Голем дел од нив ја примија дозата на „Астра зенека“, од која втората доза е за три месеци. Тие сѐ уште чекаат одговори од здравствените власти како да постапат за втората дози оти кај нас таа е забранета за лица под 60 години поради згрутчувањето на крвта поврзано со самото примање.

За нив, Македонија и Србија се во преговори и за локацијата каде што ќе може да ја примат втората доза.

Србија извести дека веќе им резервирала втори дози на сите имунизирани кај нив, но предложи, доколку се утврди дека така е полесно, овие дози да ѝ ги отстапи на Македонија за граѓаните да може дома да ја примат втората доза.