Ја води една од најуспешните компании во земјава, но Алкалоид е и шеста фармацевтска индустрија во Југоисточна Европа. Компанијата вработува 1.860 луѓе во базата во Скопје и 570 во подружниците надвор од Македонија. Живко Мукаетов, генералниот директор на Алкалоид во интервју за Економија и бизнис зборува за предизвиците во ова пандемиско време, но и за стилот на континуираниот раст кој го обезбедува во компанијата. Моментно Алкалоид пласира производи во 40 земји во светот. Сега и во Велика Британија, пазар, којшто како што вели Мукаетов е особено прибирлив и со голема конкуренција. Тамошните пласмани сега изнесуваат близу 5 милиони евра. Но каква е политиката на државата и дали им треба на овие компании и дополнителна поддршка?

Посветеноста на континуираниот раст и развој и одржувањето чекор со најновите достигнувања во сферата на фармацијата беа главните причини поради кои во изминативе 20 години Алкалоид вложи преку 200 милиони евра во производствени капацитети, опрема, лаборатории, технологија, софтвер, кадар и слично. Инвестициите во истражување и развој се неопходен предуслов за градење на модерно и конкурентно производно портфолио кое придонесе за глобално позиционирање на брендот Алкалоид.Во 2018 година, Алкалоид доби помош од државава врз база на договорот за доделување на финансиска поддршка за пораст на инвестициите и приходите. Со оваа програма, домашните инвеститори за прв пат беа испочитувани како и странските, а за нас како компанија поддршката од овој тип претставува дополнителен стимул за вложувањата во Македонија од кои бенефит ќе имаат обете страни: Алкалоид, во насока на зголемување и осовременување на капацитетите, но и Владата во насока на нови вработувања и посилна економија зашто во секоја здрава економија треба да постои синергија меѓу владата и стопанството. Од друга страна, пак, хендикепирани сме во однос на меѓународната конкуренција во поглед на поддршката на иновациите и развојно-истражувачките активности. Во оваа насока сметам дека државава што побрзо треба да ја активира поддршката на иновации и за големите компании затоа што тие не само што имаат капацитети, вештини и знаење за иновативен развој туку со себе носат и голем број на помали домашни кооперанти, вели Муакетов.

Алкалоид поседува маркетиншка мрежа од 20 канцеларии распоредени во 14 земји во светот, која покрива пазар од преку 200 милиони жители. Компанијата важи за еден од најголемите плаќачи на данок во државава, со платени даноци кон државава во 2020 година во износ од над 18,25 милиони евра и во моментов има активни 1.130 домашни доставувачи. Муакетов вели дека Алкалоид има континуиран раст во изминативе 16 години. Во 2019 година забележан е раст на продажбите од 13 отсто и нето-добивка од 18 проценти споредено со 2018 година, а во 2020 година истите параметри биле со 9 отсто раст на продажби и 15 проценти кај нето-добивката. Додава дека уште на почетокот на здравствената криза, ги намалиле цените на 158 производи кои се клучни за потрошувачите во услови на пандемија и покрај енормното покачување на цените на суровините.

Во услови кога сите светски економии се борат за ублажување на ефектите од здравствената криза, ретки се компаниите кои може да помогнат во вакви тешки времиња. Алкалоид беше прва македонска компанија која донираше износ од 200 000 евра на посебната наменска донаторска сметка на македонското Министерството за здравство формирана за целите на справување со здравствената криза.
По разни основи, Алкалоид АД, Алкалоид КОНС и Фондацијата „Трајче Мукаетов“ донираа дополнителен износ од преку 1 милион евра, од кои 125 000 евра беа наменети за донации во земјите од регионот. На листата на приматели на донациите заведени се голем број на здравствени и образовни установи, институции, здруженија и бројни поединци, додава Муакетов.

Според показателите, во 2020 година 35 проценти од вкупните консолидирани продажби на Алкалоид се реализирани на домашниот пазар, а 65 проценти беа пласмани на странските пазари од кои - 33 отсто на пазарите во Југоисточна Европа, 20 проценти во Западна Европа, 10 отсто во Русија и ЗНД и 2 отсто во останати земји.

Најголеми растови беа регистрирани на пазарите во Чешка, Албанија, Грузија, Унгарија, Ерменија, Бугарија, Романија, Србија итн. Особено сме горди на првите пласмани на наши фармацевтски производи на пазарот во Канада. Ако пред 5 години соодносот на домашните и извозните пласмани беше 40 отсто, односно 60 процент, во изминативе 3 години тој сооднос оди повеќе во полза на извозот. И во 2020 година извозните пласмани го задржаа својот континуитет и покрај отежнатата комуникација со постоечките и потенцијалните партнери, вели Мукаетов. 

Било каков вид на работа, без разлика дали е на далечина или во канцеларија, со скратено работно време или со полно работно време може да игра важна улога во одредувањето на тоа како ќе се одвива секојдневниот живот и како тоа влијае на менталното и физичкото здравје. Кога се нарушуваат рамнотежата и неопходните паузи, продуктивноста на работата може да се намали, а исто така и перцепцијата на луѓето за нивната контрола и напредок. Овие негативни реперкусии може да се претворат во целосна несреќа, што пак продолжува да влијае на вкупниот резултат на работа.

Балансот е најважен 

Работејќи попаметно, а не подолго, е важно во борбата против исцрпеноста што доведува до помалку продуктивна шема на работа. Истражувањата покажаа дека прекумерната работа и нејзините негативни несакани ефекти и последици можат да доведат до разни здравствени проблеми, вклучувајќи депресија, дијабетес и срцеви заболувања. Во некои случаи, ограничувањето на работното време може да ја зголеми продуктивноста, според студиите. Балансирањето на работата со одморот е првиот чекор во здраво ментално чистење затоа што наместо да служи како еднократна активност, тој го активира тековниот начин на потрага по себе. Влуијателен чекор кој може да го преземат сите е поставувањето граници во работата во продуктивните часови за максимален резултат, наместо секоја задача да се влече и одзема време дури и од паузите од работа. 

Пренасочувања и паузи, истражување на природата и изведување на некои видови физички активности се начини на кои луѓето можат да го одморат умот за да се подготват за друг продуктивен работен час или ден. Социјалните медиуми и другите форми на електроника можеби не нудат многу одмор како што за некои е седењето во парк, па затоа неопходен чекор е да се дознае што му треба на секој вработен поединечно за да ги наполни батериите и да добие енергија.

Стимлуација на продуктивноста е важна и за работата од далечина

За работата од далечина, одржувањето на оваа рамнотежа е исто толку важно за среќата и продуктивноста. Според студија направена во ноември 2020 година за ефектите на менталното здравје при работа од дома, понудата на организациска поддршка на вработените е еден од начините на кои работодавците можат да кажат дека ги задоволуваат потребите на луѓето. Овие потреби честопати се протегаат на долг рок, што влијае на целокупната благосостојба на вработените. Во студијата, кај испитаниците е забележано стрес, депресија, замор и напрегање меѓу другите чувства. Организациската поддршка, поддршката на колегите и социјалната поврзаност беа меѓу оние елементи што влијаеја на здравствените резултати. Корелацијата покажува дека колку повеќе поддршка има, толку повеќе негативни последици може да се избегнат. Кога овие последици се спречуваат, има поголема шанса за задоволство на работа и успех, а помалку шанси за намалена продуктивност и несреќа.

Да се ​​биде внимателен со задачата што се реализира и фокусот да се се насочи кон сегашниот момент, исто така може да послужи како моќен метод за ментално чистење. На овој начин, луѓето би ги исчистиле своите мисли од расеаност. Луѓето кои се дел од  работната сила понекогаш немаат емпатија за себе. Тие работат додека не се преморат или работат ангажирани во неколку задачи одеднаш. Ставањето на умот во оваа хаотична состојба може да ја растури секоја понатамошна шанса за организација или успех, па затоа е вредно да се биде конкретен за тоа како да започнете и да го продолжите денот - за секоја задача, интеракција или мисла.

Веб-магазинот Victoria Milan спроведе анкета над повеќе од 5.000 луѓе за да види колкава е веројатноста за изневерување на партнерот во зависност од професијата.

Во самиот врв се наоѓаат банкарите и вработените во берзите, додека веднаш зад нив се вработените во авиоиндустријата како пилотите и стјуардесите. На трето место се медицинските сестри и лекарите.

Анкетите покажуваат дека две од три неверни жени, своите вонбрачни сексуални активности ги спроведуваат на работа, иако голем дел од нив не препорачуваат мешање на работата и задоволството.

Сепак, работното место е локација за најлесно запознавање, со најмногу заедничко време и место каде изневерувањето лесно може да се сокрие.

Оние што не препорачуваат љубовна афера на работното место посочуваат на еден многу голем проблем - со љубовникот ќе мора да се соочувате секој ден, без оглед на тоа дали аферата била успешна или не.

Мал дел од нив сметаат дека гласините за тајна врска можат да предизвикаат проблеми, додека само 10 проценти сметаат дека неверството може да ја загрози кариерата.

Десет професии со најголем број на афери:

1. Финансии (банкари, брокери, аналитичари)
2. Пилоти и стјуардеси
3. Здравство (лекари и медицински сестри)
4. Водечки позиции (директори, менаџери)
5. Спортисти (атлетичари, спортски или фитнес инструктори)
6. Уметност (музичари, модели, актери)
7. Пејачи, диџеи, танчерки
8. Правници (адвокати, судии, обвинители)
9. Комуникации (новинари, односи со јавност)
10. Други сектори

После 27 години брак, Бил и Мелинда Гејтс ѝ соопштија на јавноста дека се разведуваат. Не е позната точната причина за оваа одлука, според изворите разводот најверојатно ќе помине мирно, а парот нема направено предбрачен договор и веројатно ќе го делат богатството на половина. Сепак, тие ќе продолжат да соработуваат за нивната заедничка фондација.

На нивните Твитер профили, 64-годишниот Бил Гејтс и 56-годишната Мелинда изјавија дека се разведуваат. Тие не ја открија точната причина за нивниот развод, но наводно во барањето за развод го опишале нивниот брак како „скршен“.

-После многу размислување и многу работа на нашата врска, донесовме одлука да му ставиме крај на нашиот брак. Изминаиве 27 години одгледавме три неверојатни деца и изградивме фондација која работи низ целиот свет за да им овозможи на луѓето да водат здрави и продуктивни животи. Ќе продолжиме да ги делиме нашите верувања за таа мисија и ќе ја продолжиме заедничката работа во фондацијата, но сметаме дека не можеме да созреваме како пар во следната фаза од нашите животи. Бараме простор и приватност за нашето семејство како што почнуваме да го живееме овој нов живот, пишува во нивните објави.

Не е познато кога точно парот поднел барање за развод, а немаат потпишано ни предбрачен договор. Според изворите, Мелинда не барала никаква финансиска поддршка од Бил, кој денес е четвртиот најбогат човек во светот и најверојатно разводот ќе помине мирно, без судење.

Сепак, тие имале направено некаков договор во случај да се разделат, кој е фокусиран на нивните деца и според кој, наводно, нивните деца нема да наследат ништо. Всушност, за парот е познато дека ги учи децата на скромност уште од најрана возраст и ги мотивира самите да си го пронајдат патот во животот.

Исто така, во овој договор било наведено и како ќе го поделат заедничкиот имот, но не се познати детали, освен претпоставки дека ќе го делат богатството од околу 130 милијарди долари на половина.

Бил и Мелинда се дел од The Giving Pledge – организација што ја сочинуваат најбогатите луѓе во светот кои се заколнале дека најмалку половина од нивното богатство ќе оди во добротворни цели.

Во 2000 година тие заедно ја основаа фондацијата Бил и Мелинда Гејтс – моментално највлијателната приватна фондација преку која имаат донирано речиси 50 милијарди долари. Само за пандемијата, преку фондацијата тие донираа 1,75 милијарди долари и се фокусираа на развојот и дистрибуцијата на вакцини ширум светот.

Фондацијата генерално им помага на луѓето од некои од најсиромашните држави во светот со инвестиции за намалување на ширењето на маларија и ХИВ/СИДА, како и со инвестиции за изградба на системи за канализација во местата каде што нема. Според објавата на Твитер, тие ќе ја продолжат заедничката соработка во фондацијата.

Бил и Мелинда се запознаа во 1987 година, кога Мелинда работеше во Microsoft. Мелинда откри и како изгледала целата ситуација во нејзината автобриографија од 2019-та:

„Доцнев на работа и на сите маси имаше луѓе освен на една. На таа маса имаше две столчиња едно до друго, па јас седнав на едното. Неколку минути подоцна пристигна и Бил, па седна на другото“.

Набрзо тие почнаа врска, а една година подоцна, Бил почнал да размислува за брак, па дури направил и листа од предности и недостатоци од стапувањето во брак.

„Се грижевме многу еден за друг и имаше само две можности: или ќе раскинеме, или ќе стапиме во брак“, изјави милијардерот во интервју за документарец за неговиот живот.

Тие сфатиле дека бракот е вистинската одлука за нив, па се венчаа на еден хавајски остров во 1994 година. Две години подоцна го добија првото дете – ќерката Џенифер. Подоцна парот доби уште две деца, ќерката Фиби и синот Рори.

Бил и Мелинда добро ја чуваат приватноста на нивните деца, а никогаш не откриваат детали ни за нивниот заеднички живот. Сепак, пред две години Мелинда откри дека неретко на Бил му е тешко да направи рамнотежа помеѓу работата и семејството.

„Веќе сме во периоди од нашите животи каде јас и Бил можеме да се смееме за повеќе нешта. А, верувајте ми дека имаше денови кога ни беше толку тешко во бракот, што се прашував дали можам да продолжам понатаму“, изјави таа.

Бил од друга страна, речиси и да нема споделено ништо во врска со бракот и во интервјуата обично зборува за професионалниот живот и филантропијата.