Финска, земјата која важи за најсреќната во светот, се соочува со демографска криза поради стареење на популацијата.

Финска е прогласена за најсреќна земја во 2021 година, и на оваа листа е веќе четири години. Позната е по добриот животен стардард и нискиот криминал.

Во моментов четири од десет лица се над 65 години, а земјата има 5,5 милиони жители. Се проценува дека 2030 година 50 отсто од населението ќе биде над 65 години, и нема да може да работи.

„Сега е познато дека ни требаат работници кои ќе помогнат да се покријат трошоците за генерацијата која старее“, изјави Саку Тихверчинен.

Единствен хендикеп за странските работници се тешкиот јазик и лошото време кое владее во оваа северна земја.

Концерт со повеќе групи и ди-џеи од регионот ќе се одржи на 1 јули во Отешево за да се одбележи укинувањето на роамингот на Западен Балкан, соопшти Регионалниот совет за соработка (РСС).

На концертот „All-Western Balkans Jam”, што ќе се одржи со поддршка на Владата на Северна Македонија, ќе настапат S.A.R.S., UZUN BABA OG! – SEKTOR 909, URAN B, HELEM NEJSE, DJ SARDI и WHO SEE (С.А.Р.С. од Србија, „Узун Баба ОГ-Сектор 909″ од Северна Македонија, „Урбан Б” од Косово, „Хелем Нејсе” од Босна и Херцеговина, „Ди џеј Сарти” од Албанија и „Ху Си” од Црна Гора).

Ова е историски успех за Западен Балкан до кој дојде како резултат на преговори што траеа речиси една година, а кои беа олеснувани од Советот за регионална соработка и Европската унија, по што претставниците на владите на сите шест економии на Западен Балкан во април 2019 година потпишаа спогодба со која се согласија, прво постепено да ги намалат цените на роамингот, за потоа, тие да бидат укинати од 1 јули 2021 година. И од 1 јули, подготвени да започнат интензивно да работат на нула тарифи за роаминг помеѓу земјите од Западен Балкан и ЕУ, се наведува во соопштението на РСС.

Концертот ќе се одржи на плажата „Лејк вју” во Отешево со почеток од 19 часот, а ќе може да се следи и на Јутјуб каналот на РСС, кој е организатор на концертот.

Инаку, граѓаните треба да знаат дека за само неколку дена, односно веќе од први јули, цените за мобилните разговори, но и за роамингот во Србија, Црна Гора, Албанија, Косово и БиХ, паѓаат на нула денари, односно таму ќе се зборува по цени исти како дома. Кога ќе се патува во странство, граѓаните кога ќе стигнат на граница, не треба да се грижат ни дали го исклучиле 4Г интернетот, бидејќи и роамингот односно интернет ќе се користи по исти цени како да сте дома. Останува грѓаните да се грижат единствено дали им е доволно полна батеријата. Токму со ова мото „Само наполни ја батеријата - роамингот е бесплатен“, на први јули во Отешево ќе се одржи концертот во Отешево. 

Британскиот министер за здравство Мет Хенкок поднесе оставка откако со улична камера беше снимен како се бакнува со помошничката, прекршувајќи ги сопствените правила за социјално дистанцирање, како и брачниот завет.

Ханкок ја објави својата оставка во саботата, повторно извинувајќи се за прекршувањето на правилата за социјално дистанцирање и на своето семејство што мора да „поминуваат низ ова“.

На луѓето што жртвуваа толку многу во оваа пандемија им должиме да бидеме искрени кога ќе ги изневериме, како што направив јас со прекршувањето на правилата“, се вели во изјавата на Ханкок.

Еден ден пред тоа Сан објави фотографии од снимка од видеонадзор, на кои се гледа како Хенкок ја прегрнува и ја бакнува соработничката Џина Коладанџело, мажена лобистка што минатата година тој ја унапредил на платена позиција.

Наскоро по писмената изјава, Ханкок објави видеопорака на Твитер:

Ние што ги создаваме овие правила мора да се придржуваме до нив и затоа јас морам да дадам оставка“, рече тој.

Како ноќна работа според Законот за работни односи се смета работењето во ноќно време и тоа во периодот  меѓу 22,00 часот и 6,00 часот наредниот ден. 

Работодавачот, кој користи редовно работници за ноќна работа е должен да ја извести инспекцијата на трудот. Од аспект на заштитата при работа, работата ноќе претставува тежок и неповолен услов за работа, и затоа тој претставува посебен услов за работа и како таков треба да биде утврден во договорот за вработување.

Работникот има посебни права кога работи ноќно време:

Работникот кој работи ноќе барем три часа од својата редовна дневна работна обврска, односно работникот кој одработува ноќе третина од полното работно време од својата годишна работна обврска, има право на посебна заштита за ноќна работа.
Ако на работник заради ноќна работа според мислење на лекарската комисија заради таквото работење би можела да му се влоши здравствената состојба, работодавачот е должен да го ангажира на соодветна работа дење.
Работодавачот, на негов трошок е должен на работниците кои работат ноќно време да им обезбеди:

1) подолг одмор;

2) соодветна храна;

3) стручно раководство на работниот, односно производниот процес и

4) лекарски прегледи, пред нивно ангажирање во ноќна работа и во редовни временски периоди утврдени со закон.

• Ако работата се врши во смени, работодавачот е должен да обезбеди периодично менување на работниците.
• Работодавачот не смее да го распореди на ноќна работа работникот на кој нема да му обезбеди услови за превоз до и од работа.
• Работното време на работникот кој работи ноќе на работно место, каде што постојат поголеми опасности од повреди или здравствени оштетувања, не смее да трае повеќе од осум часа дневно.

Посебна заштита

Во контекст на правата на заштита при работата, работата ноќе се јавува и како услов за утврдување на правото на посебна заштита на одредени категории работници во текот на работата, пред се жените работници, повозрасните работници и работниците под 18 годишна возраст.

Работничка од областа на индустријата и градежништвото не може да се распореди на работа ноќе ако работата во тоа време би оневозможила да оствари одмор од најмалку седум часа во времето меѓу 22,00 часот и 5,00 часот наредниот ден. Ова не се однесува на работничка која има посебни овластувања и одговорности или која врши работи на здравствена, социјална и друга заштита на работници.

• Работникот кој сé уште не наполнил 18 години возраст не смее да работи ноќе меѓу 22,00 часот и 6,00 часот наредниот ден. По исклучок може да се одреди работникот кој сé уште не наполнил 18 години возраст да работи ноќе во случај на виша сила, кога таквата работа трае определено време и мора веднаш да биде извршена, а полнолетните работници не се на располагање.
• На повозрасниот работник(од 57 години жени и 59 години мажи) работодавачот без согласност на работникот не смее да му одреди прекувремена или ноќна работа.

Казна

Глоба во износ од 2.000 до 3.000 евра во денарска противвредност ќе му се изрече за прекршок на работодавач – правно лице, ако ноќната работа ја организира спротивно на Законот за работни односи, односно не го извести инспекторот за воведување на ноќна работа;

Битен елемент во однос на погоре наведените права е да работникот претходно поднесе барање до работодавецот во врска со било кое право кога работникот работи ноќе. Доколку и во тој случај не се исполни правото се пристапува кон тужбено барање.