Словенија воведува строги мерки во пресрет на почетокот на учебната година, затоа што бројот на заболени од коронавирусот расте. 

Вработените во училиштата ако не сакаат да се тестираат на коронавирусот ќе добијат отказ. Министерството за образование испрати писмо во кое информира дека вработените можат да добијат отказ ако одбијат да се тестираат.  Оние што прележале, имунизираните и тестираните треба да направат ПЦР тест, а тие што не се вакцинирани или кои не заболеле ќе мора секоја недела да се тестираат. 

„Неоправданото тестирање ќе се смета за кршење на обврските од работниот однос, што значи дека вработените ќе добијат предупредување пред отказ или ќе се покрене постапка за отказ, а истото ќе важи и за вработените кои ќе одбијат да носат заштитна маска“, стои во писмото. 

Доколку ученикот не носи маска не смее да му биде забранет влез во училница, но за прекршувањето ќе мора да бидат известени родителите и случајот да биде предаден на инспекцијата.  За изминатите 24 часа во Словенија се регистрриани 508 новозаболени, 98 пациенти се хоспитализирани, од кои 19 се на интензивна нега. Во целиот регион бројките на инфицирани растат. 

Младите мора да бидат задоволни од грижата на државата кон нив и од можностите кои им ги обезбедува за остварување на личните и професионални цели. Само на тој начин ќе бидат доволно мотивирани да останат во сопствената земјата и да го реализираат својот потенцијал, што ќе значи и придонес кон севкупниот општествено економски развој. И мислам дека сликата постепено ја менуваме, со тоа што младите во последните неколку години интензивно се вклучуваат во креирањето на политиките кои ги засегаат, а со кои точно се одговара на сите нивни потреби. Така и субвенционираниот студентски оброк, воведените нови стипендии и зголемените износи на постојните се резултат на нивни барања.  

Ова го истакна министерката за образование и наука за време на денешната средба со претставниците на студентските собранија и парламент на најголемата и најстара високообразовна установа во државата, Универзитетот „Св. Кирил и Методиј“ во Скопје, на која се разговараше за тековните политики и идни планови на МОН и Владата за унапредување на студентскиот стандард.   Царовска рече дека субвенционираниот студентски оброк е системско решение уредено со закон, со кое на младите значително им се олеснува животот за време на студирањето, затоа што, според проценките на МОН, на околу 40.000 студенти им следува правото да добијат по 2400 денари за 9 месеци во годината, што ќе можат да ги користат за купување здрави оброци.

Со оваа мерка, младите имаат една грижа од финансиска природа помалку за време на студирањето и ќе можат повеќе да се посветат на суштината на процесот на едукација“, рече Царовска потсетувајќи дека аплицирањето е во тек и дека рокот за пријавување за тековните студенти е од 1 до 31 август 2021 година, додека за кандидатите кои ќе се стекнат со статус на студенти во академската 2021/2022 година и кои не го запишале летниот семестар, рокот за пријавување е од 1 до 31 октомври 2021 година.   „Процесот е дигитализиран, односно пријавувањето се спроведува електронски преку порталот www.e-uslugi.mon.gov.mk и многу едноставно, со прикачување на само два документи – пријава и изјава за точност на податоци и се наведуваат податоци за лична трансакциска сметка, додаде Царовска.

Министерката потсети дека наскоро ќе следува и аплицирање за остварување на правото на студентска стипендија, а годинава МОН и Владата одлучија политиката на стипендирање значително да ја променат, за да се обезбеди што поголема поддршка на поголем број млади кои студираат на додипломски, постдипломски и докторски студии во државата.  

Годинава значително ги зголемивме износите на постојните стипендии. Сега сите се во висина од 6050 денари месечно и тоа за некои категории значи зголемување за над 80% од износот кој се исплаќаше досега. Непроменети останаа само стипендиите за студенти запишани на студии по математика, хемија и физика кои и натаму ќе добиваат по 18.000 денари месечно, рече Царовска.  Таа информираше дека за прв пат се воведени и стипендии за трет циклус на студии за одредени дефицитарни струки, за што се предвидени 15 стипендии од по 18.000 денари за 12 месеци во годината, а по цела една деценија, повторно достапни се и стипендиите за постдипломски студии во државата, за што е предвидено да се доделат 50 стипендии од по 9.000 денари за 9 месеци во годината.

Разузнавачи од Царинската управа спречиле 48 лица со решение за изолација да ја напуштат земјата преку скопскиот и охридскиот аеродором со помош на Државниот санитарен и здравствен инспекторат и граничната полиција.

Одделенито за разузнавање во склоп на Секторот за Контрола и истраги при Царинската управа во соработка со Царинските службеници од ЦИ Аеродром, ДСЗИ, Граничкната полиција и аеродромскиот оператор ТАВ, во периодот од мај 2021 до денес, има евидентирано и задржано 48 лица кои се обиделе да ја напуштат земјата преку Аеродром Скопје, а воедно се евидентирани на списокот на ДСЗИ како лица инфицирани со вирус Ковид 19 со активно решение за изолација, соопшти Царина.Оваа проверка на патници пријавени за авионски сообраќај се врши по одлука на Владата на и продолжува да се врши на двата аеродроми во Скопје и Охрид по пат на вкрстување на листите на патници со списокот на ДСЗИ на кои им е издадено решение за изолација поради инфекција со вирусот Ковид 19.

За оваа цел се користи системот РАВИО кој автоматски ги селектира и идентификува овие лица. По идентификација на лицата, истите се предаваат на безбедносните служби на Аеродромите кои постапуваат понатаму според нивните овластувања, додаваат од управата.

Небитно е дали некои од попишувачите се вакциниран или не. Имаме јасни и прецизни КОВИД-протоколи кои мора и ќе се почитуваат. Тоа е наша обврска, но и гарантираме дека протоколите максимално ќе се почитуваат. Ќе сносиме одговорност ако тоа не се случи, рече денеска директорот на Државниот завод за статистика, Апостол Симовски.

Симовски на прес-конференција во Владата се заблагодари за владината препорака да се стават на располагање времено вработените во државните институции, но изрази надеж и очекување дека нема да има потреба од нивно ангажирање зашто има, рече, доволен број попишувачи.

Според директорот, пописот е обврска на секој граѓанин, а не доброволна активност. Методологијата на попишувањето, пак, нема да се менува, подвлече, и покрај лошата епидемиолопка слика во државата.

Мислам дека им е јасно на сите дека не можеме сега и воопшто немаме намера да размислуваме во таа насока да ја менуваме методологијата. Донесена е според закон, објавена е во Службен весник и одобрена од Евростат, така што менување на методологијата не доаѓа предвид. Во однос на какво било одбивање за попишување, има закон кој е многу прецизен. Ова е задолжителна активност, обврска на сите. Ова не е доброволна активност, потенцира Симовски.

Во однос на попишувачите, повтори дека очќекува д аима доволне број кандидати.

По тестирањето ќе знаеме колку попишувачи имаме на располагање и тогаш ќе можеме да кажеме дали ќе ни биде потребен дополнителен кадара. Но, очекуваме да имаме секаде доволен број кандидати кои ќе ги избираме согласно конкурсот што денеска завршува. Утре ќе имаме конкретни информации, колку аплицирале за кои пописни реони, а задутре ќе знаеме и точно колку од нив ја поминале селекцијата. Можноста да ги добиеме на располагање времено анагажирание лица во државните и институциите на локалната самоуправа е за да се интервенира по потреба, таму каде ќе нема вентуално доволно кадар – раазлични јазици при попишување и слично. Но, се надевам и очекуваме дека тоа нема да се случи, истакна директорот.

Евнтуално ангажираните, објасни директорот, ќе бидат платени само за работата што ќе ја извршуваат, како и секој друг учесник во пописот.