Групацијата ТИТАН повеќе од еден век успешно го продолжува својот раст, со особена почит кон поединецот, општеството и животната средина. Групацијата ТИТАН ги смета своите човечки ресурси за клучен фактор за одржлив развој. Ние се потпираме на вештините и залагањата на нашите луѓе од сите нивоа на хиерахијата. Наша цел е да ги привлечеме, развиваме и задржиме најдобрите професионалци, при што им овозможуваме креативен развој на кариера и ги наградуваме нивните разултати. На тој начин за Групацијата стекнуваме долготрајни вредности и конкурентска предност.
Цементарница УСЈЕ АД Скопје, Групација ТИТАН објавува оглас:
Платена практикантска работа за поттикнување на вработување и развој на млади таленти
Цементарница УСЈЕ, како компанија чија стратешка определба е поддршка на заедницата преку придонес кон развој во сите области, спроведува програма за практикантска работа за поттикнување на вработување и развој на млади таленти.
Цементарница УСЈЕ во склоп со Групацијата ТИТАН го потпиша Пактот за поддршка на младите на Европска Унија (Pact for Youth), за зајакнување на партнерството помеѓу компаниите и образованието, а во насока на зголемување на можностите за вработување на младите талентирани луѓе.
Како дел од Програмата, Цементарница УСЈЕ објавува оглас за ПЛАТЕНА ПРАКТИКАНТСКА РАБОТА во Службата за човечки ресурси.
Потребни квалификации:
- Кандидатите треба да бидат без работно искуство, дипломирани или во завршна година на студиите по општествени науки (економски, правен, менаџмент на бизнис администрација и слично).
- Одлично познавање на Microsoft Office апликациите и одлично познавање на англиски јазик се сметаат за предност.
- Посветеност, мотивираност, иницијативност
- Тимска работа и кооперативност
Кандидатите треба да ја приложат и следнава документација:
- Мотивациско писмо на англиски јазик
- Биографија (CV)
- Доказ за образование (уверение за дипломирање или за положени испити)
Огласот трае 7 (седум) дена од денот на објавувањето.
Ангажирањето во програмата за практикантска работа трае определено време до 3 месеци. Учесниците во програмата ќе добијат Потврда за обученост во соодветната област.
Аплицирањето се врши само на веб страната на Цементарница УСЈЕ АД Скопје http://usje.com.mk/, каде заинтересираните кандидати треба да ја пополнат електронската апликација за CV и да ги прикачат потребните документи.
Сите апликации ќе се сметаат строго доверливи. Контактирани ќе бидат само кандидатите избрани за интервју.