Здравото човечко тело понекогаш буди повеќе од искрена восхит. За нас во АЛКАЛОИД, постојана инспирација и стремеж е да го заштитиме и да го зачуваме овој скапоцен подарок на природата. Веќе 8 децении со неуморна страст создаваме производи кои се синоним за врвен квалитет. Постојано инвестираме во нашиот сон за поздрав живот на секој поединец
затоа што веруваме дека
ЗДРАВЈЕТО Е ПРЕД СÈ...
Доколку имате желба да бидете дел од тимот креативци и да ги остварите своите амбиции, доколку имате визија за својот личен успех, желба да покажете дека сте единствени, доколку сте посветени, лојални, креативни, насочени кон постигнување резултати и доколку размислувате долгорочно, а сè со цел заеднички да придонесеме за растот и за развојот на една од најуспешните компании во регионот, со внимание проследете го овој оглас.
А Л К А Л О И Д А Д С К О П Ј Е
го објавува следното слободно работно место:
1. ПЦ Фармација – Продажби – Фармација – регион Македонија
1.1. Стручно комерцијален претставник – 2 (две)
Потребни квалификации и вештини
- ВСС – Фармација.
- Одлични комуникациски и презентациски вештини.
- Активно користење англиски јазик (читање, пишување, говорење).
- Мобилност, студиозност, посветеност, трпеливост, ориентираност кон детали.
- Желба за учење и за надградба.
- Ентузијазам, педантен и професионален однос, лојалност и дискреција.
- Задолжително поседување возачка дозвола од Б-категорија и активно возење.
Цел и одговорност на работното место
- Секојдневно посетување на партнерите и комуникација со нив, со цел остварување и унапредување на планираните продажби во регион Скопје и во други градови по потреба.
- Спроведување маркетинг-активности.
- Учество на стручни собири и на конгреси.
- Анализа на продажби.
- Следење на активностите, известување за нив и подготвување извештаи.
- Одржување на базата на податоци.
- Интерна комуникација со продуктни менаџери и екстерна комуникација со соработници (фармацевти) во соодветниот регион.
- Постојано подобрување и континуирана иновативност во секојдневните работни активности, со цел зголемување на индивидуалните и на компаниските остварени резултати и грижа за угледот на компанијата.
Работниот однос за позицијата се заснова на определено време од 3 (три) месеци, со можност за продолжување на договорот.
Дневното работно време на оваа позиција е 8 часа, со почеток од 7:30 до 15:30 часот. Неделното работно време е од понеделник до петок.
Предвидената основна нето-плата за позицијата е од 15.400,00 МКД до 26.565,00 МКД, во зависност од работното искуство на кандидатот.
Писмото за мотивација, кратката биографија, копијата од уверението за завршеното потребно образование, копијата од сертификати и од дипломи да се достават на следната електронска пошта:
[најави се за да го видиш е-маилот]
со назнака: „За оглас – Стручно комерцијален претставник“.
При изборот на најповолен кандидат ќе биде спроведен процес на селекција, проследен со тестирања и со интервјуа.
Само кандидатите кои ќе достават комплетна документација и кои ги исполнуваат бараните услови наведени во огласот ќе бидат вклучени во процесот на селекција и ќе бидат соодветно известувани за неговиот тек.
Огласот трае 5 (пет) работни дена од денот на неговото објавување.
Изборот на најдобрите кандидати ќе биде извршен во рок од 45, 90 или од 120 дена од завршување на рокот за пријавување, а во зависност од бројот на пријавените кандидати, согласно со членот 23 од Законот за работни односи.