Отворен повик за ангажман на Асистент за градење капацитет

Омниум коучинг и тренинг, како партнер на Општина Аеродром и Здружението за одржлив развој и заштита на животната средина „Гоу Грин“,  почнувајќи од 1 јануари 2022,  започнаа со спроведување на проектот  ,,Чист Аеродром – Нула цврст отпад во општина Аеродром“. „Чист Аеродром“ е ко-финансиран од страна на Делегацијата на Европската Унија во Скопје и Општина Аеродром. „Чист Аеродром“ ќе овозможи примарна селекција и отстранување на цврстиот отпад, подобрување со неговото управување како и промоција на рециклирањето, реупотребата, намалувањето на отпадот како и јакнење на свеста за зелените практики кај граѓаните и компаниите. Проектот се спроведува во временски период од 1 јануари 2022 до 31 декември 2024 година. За имплементација на овој Проект, Омниум коучинг и тренинг има потреба од мотивиран/а и професионалец/ка за позицијата:

Асистент за градење капацитет

Асистентот за градење капацитет ќе биде ангажиран на 50% од работно време за:

• Координација на активности за градење капацитет на Општина Аеродром за новиот модел за управување со цврст отпад во општина Аеродром;
• Поддршка на Општина Аеродром во ревидирање на систематизација и организациска структура со цел подобрување на управувањето со отпад;
• Комуникација со експерти, општини и јавни претпријатија од ЕУ и македонски општини за размена на знаење од управување со цврстиот отпад;
• Подготовка и доставување на наративни и финансиски планови и извештаи според потребите на Проектот, како и спроведување на проектните набавки;
• Организирање на форуми за јавно – приватно партнерство;
• Организирање на проектни состаноци, како и внатрешно набљудување и оценување на проектот, и советување на партнерите;
• Подготовка на информации за интернет страницата www.cleanairdrom.org.

Барано искуство:

• Минимум 3 години искуство во поддршка за јавни институции/приватен сектор/граѓански организации во делот на градење капацитет;
• Високо образование од областа на економија, менаџмент или други сродни области;
• Одлично и активно познавање на англискиот јазик (пишуван и говорен);
• Добро познавање на програмите MS Word, Excel, Power Point;
• Вештини за фасилитирање со различни сектори и групи;
• Одговорност, флексибилност,  како и можност за  работа во тим и самостојно.

Наведеното лице ќе го врши својот ангажман во период од 36 месеци (01.01.2022 г. до 31.12.2024 г.), со пола работно време (50%), преку договор на дело. Бруто месечниот надоместок изнесува (50% работно време) 30,845 денари.

Поднесување апликација

Рок за доставување на апликација за позицијата е 25 јануари 2022 година, до 16:00, на следнава електронска адреса [најави се за да го видиш е-маилот] со назнака: Апликација за Асистент за градење капацитет за „Чист Аеродром“.

Содржина на апликација

CV на англиски јазик, истакнувајќи ја експертизата поврзана со огласот