За компанијата: СТАР-СТАР Скопје е граѓанска, невладина и неполитичка организација која ги застапува интересите на маргинализираните заедници во здравствениот, социјалниот и правниот систем во државата, со апсолутен фокус...
повеќе за компанијата »(преземи го огласот како PDF)
СТАР-СТАР објавува конкурс за вработување на административно-финансиски менаџер/ка во Скопје.
СТАР-СТАР е граѓанска, невладина и неполитичка организација која ги застапува интересите на маргинализираните заедници во здравствениот, социјалниот и правниот систем во државата, со апсолутен фокус на сексуалните работници во Македонија. За потребите во менаџирањето и управувањето со административните и финансиски ресурси на организацијата, Ве покануваме да аплицирате за позицијата:
АДМИНИСТРАТИВНО – ФИНАНСИСКИ МЕНАЏЕР/КА СКОПЈЕ
Работното време е 40 часа во работната недела (пон-пет).
Основна месечна НЕТО плата во износ од 35.000 денари по основ на договор за дело и/или редовно вработување со можност за брз раст според покажани резулати и утврдено организациско скалило на плати.
Опис на ангажман:
Административно – финансискиот менаџер/ка управува со административното и финансиско работење на седиштето на организацијата во Скопје и регионалната канцеларија во Гостивар, вклучувајќи:
Административно работење:
- координација на административното работење во седиштето на организацијата;
- управување со деловодната и книговодствена евиденција на организацијата (архива) согласно утврдените политики и воспоставени организациски стандарди;
- изготвување на документи (договори, записници од извршни органи на организацијата, записници од комисии, тендерски постапки и останато);
- спроведување набавки за потребите на организацијата по принципот на транспаретно и економски најисплатливо набавување;
- логистичка организација на патувања, семинари, конференции и други настани за вработени и членови на организацијата;
- управување со квартални, полугодишни и годишни пописи на инфраструктурните ресурси на организацијата;
- исполнување други административни задачи поврзани со административното работење на организацијата согласно воспоставените внатре-организациски политики и регулативи.
Финансиско работење:
- координација на финансиското работење во седиштето на организацијата;
- водење на тековни финансиски состојби на проектите на организацијата;
- управување со банкарските сметки во сопственост на организацијата;
- управување со готовинско и безготовинско финансиско работење вклучувајки подготовка и исплата на банкарски налози и благајничката каса на организацијата;
- подготовка на периодични и завршни проектни финансиски извештаи;
- изработка на годишен финансиски извештај на организацијата;
- годишно буџетско планирање, организациско и проектно;
- финансиска комуникација со државни институции, домашни и странски фондации со кои организацијата соработува;
- точна, професионална и навремена евиденција на промените настанати во материјалното и финансиско работење на организацијата;
- комуникација со сметководителот на организацијата;
- исполнување други финансиски задачи поврзани со финансиското работење на организацијата согласно воспоставените внатре-организациски политики и регулативи.
Кандидат(к)ите треба да ги исполнуваат следните услови:
- завршено високо образование;
- најмалку тригодишно искуство со канцелариско и административно работење;
- најмалку тригодишно искуство со финансиско менаџирање на проекти;
- одлични вештини на информатичка технологија и работа со Excel;
- одлично владеење на македонски и англиски јазик (вербална и пишана комуникација);
- насоченост кон навремено извршување на работните задачи;
- подготвеност да ги започнат работните обврски од описот на ангажманот од 01.11.2020 и претходна задолжителна седум дневна обука и постепено превземање на обврските.
За предност ќе се смета:
- искуство или познавање на процедури за имплементација на проекти финансирани од меѓународни EU и UN агенции;
- сензибилизираност и искуство во работа со маргинализирани заедници (сексуални работници, ЛГБТ, корисници на дроги, луѓе што живеат со ХИВ итн.);
- обезбедена потврда/ препорака од претходен работодавач за работно искуство во областа на административното и финансиско работење кај работодавачот.
Начин на аплицирање:
Најдоцна до 15 октомври 2020 година (16 часот) заинтересираните кандидат(к)и треба да достават:
- потврда за завршено образование;
- потврда за познавање на англиски јазик (сертификат, диплома или друга потврда);
- професионална биографија на македонски јазик;
- писмо за мотивација на македонски јазик.
Документите со назнака Конкурс за административно-финансиски менаџер/ка Ве молиме доставете ги најдоцна до 15.10.2020 година до 16 часот на следнава електронска адреса: [најави се за да го видиш е-маилот]
Кандидатите кои најдобро одговараат на критерумите на повикот, ќе бидат повикани на интервју по завршување на конкурсот. Во зависност од изборот, организацијата го задржува правото да спроведе тестирање на искуството и знаењето на кандидатите.