Лето на екстремно високи, зиме на поларни температури. Надворешните услови и височините се огромен ризик фактор по животот и на градежните работници. Тие бараат бенифициран стаж.

Се откачи скелето и почина работник. Градежник го изгуби животот откако малтер падна  врз него. Многу често сме сведоци на  згаснувања на животи и несреќи со тешки последици кои се случуваат на градилиштата.  Последен случај е оној од пред околу една недела,кажаа од синдикатот, каде со повреди се здобиле 4-ца работници, за кои изразија жалење и апелираа да побараат совети и заштита од синдикатот кој би застанал ЗАД нивните барања.

Атанас Трајковски, инженер, претставник на независен синдикат на градежни работници : Ние на градилиште имаме прашина имаме, доаѓаме во допир со бетон арматура, тоа го вдишуваме, јас морам да сум со нив, јас можам да се сокријам, но тие не.

Бенефициран стаж за градежните работници,  минималната сатнина да изнесува 3 и пол евра од работен час, побара независниот синдикат. Градежништвото најзагрозена професија. Градежните работници работат во тешки услови. На големи висини по 10 до 12 часа дневно. Во летниот период на плус 40 целзјусови степени, а во зима и на снег и на магла.

Атанас Трајковски, инженер, претставник на независен синдикат на градежни работници :  Има и други барања, но да не должам многу јас би завршил, затоа што времето е ужасно и можете да замислите како му е на градежен работник...за лето, кога ќе дојде зима ќе дојдеме на снег.)

За маките и барањата на градежните работници е информирано надлежното министерство. Министерката Мила Царовска според Трајковски понудила детална анализа со помош на која ќе им се излезе во пресрет на работниците во градежниот сектор.

Извор - Канал5

Лоренс Ендик од Кенија, пред 20 години живеел на работ на сиромаштија и се борел со секојдневните проблеми на повеќето африкански земји, како што се гладта и недостигот на вода.

Но, сепак денес, тој благодарение на козите стекна вистинско богатство.

Во рамки на програмата „Фарм Африка“ тој добил некоколку кози и јариња за да почне со нивно одгледување, по што неговото богатство почна да се таложи. Така сега Ендик годишно заработува милиони кениски шилинзи, благдарение на одгледување на козите, објави „Дејли Нејшн“.

Тогаш добив кози само колку да преживееме, но денес заработувам прилично добро. Имам шест деца и благодарение на козите успеав сам да ги школувам и да купам неколку парцели земјиште. Сето тоа ми донесе навистина големо богатство, изјави Ендик за весникот.

Лани само за Божиќ успеал да продаде 75 кози и заработил повеќе од 1,5 милиони шилинзи, односно околу 15.000 долари, што е огромна сума за Кенија.

Како што изјави, тајната на успехот е во посветеност на работата што ја работи, а во неговиот случај и на константно учење, прилагодување на домашни животни и истажување на нивните потреби, со цел да бидат квалитетен производ на пазарот. Бидејќи тој се занимава и со земјоделство, козите од неговата фарма добиваат евтина храна од домашно производство, пради што се меѓу најценетите на пазарот во Кенија.

Четири месеци по најголемиот грабеж на банка во земјава Основното јавно обвинителство поднесе обвинение за 8 лица. Но, нема никаква информација каде завршија 2 400 000 швајцарски франци и 645 илјади евра. 

Првообвинет е Бобан Смилевски вработен во секторот за трезорско работење и депо. Тој се товари дека со умисла искористувајќи ја позицијата во банката во неколку наврати во периодот од 31 март до 10 април го празнел трезорот со стотици илјади евра, додека второ, трето и четврто обвинетите се обвинети дека му помагале да ги украде парите. 

За останатите 4-ца вработени на одговорни позиции во банката обвинителството оди со обвинителен предлог за несовесно работење во службата.

Грабежот се одвивал етапно во неколку дена, период во кој првообвинетиот тивко и во украсна кеса ги изнесувал парите. Полицијата за кражбата откри на 10 април по што го приведе вработениот во трезорот Бобан Смилевски. По 10-тина дена од МВР објавија дека инволвирани биле и братот на трезористот и уште една вработена на шалтер. 

Но, каде завршија парите и кому му ги предал Смилевски, засега останува мистерија.

Досега во истрагата судот определил забрана за финансиски транскации, а сега обвинителството бара и замрзнување на имот за еден од првите 4-ца обвинети. 

Од Обвинителството информираат дека за тројцата кои и до сега биле во притвор бара Судот да ја продолжи оваа мерка, а за еден обвинет да се продолжат мерките на претпазливост. 

За кривичното дело тешка кражба од за кое се гонат обвинетите во законот е определена затворска казна од 3 месеци до 10 години, за затајувањето предвидено е од 1 до 10 години, а за несовесно работење од 6 месеци до 3 години затвор. 

Овој случај од почетокот го следеа многу контроверзии и многу прашања се уште лебдат во воздух. МВР и Обвинителството по грабежот излегуваа со различни информации и суми на украдени пари, а од двете институции и од банката немаше никакви информации за време на истрагата.

НЛБ банка ја тресат афери

Само еден месец по грабежот, НЛБ банка повторно се најде во центарот на вниманието. Во мај годинава, Основното јавно обвинителство за гонење на организиран криминал и корупција оформи предмет против поранешен и актуелен директор на НЛБ Банка, поранешен министер, адвокат, нотар и други лица, како и едно лице државјанин на Република Словенија за сторени кривични дела – Злоупотреба на службена положба и овластување и Перење пари.

Според обвинителството постојат сомненија дека во периодот од 2006 до 2017 година тие основале фирми, подигале кредити и пренесувале пари во Словенија и во австриски фирми кои потоа биле инвестирање во основање нови фирми и се купувал имот во Битола.

Обвинителството за овој предмет се уште нема поднесено обвинение. 

Дали и како се поврзани грабежот и перењето пари и дали можеби зад случаите стојат исти луѓе, засега нема информации.

Во Грција се многу високи сообраќајните казни, особено доколку имате во крвта алкохол од преку 0,5 промили може да добиета казна од 75 до 625 евра. За прекорачување на брзината се добива казна од 40 до 750 евра, а за поминување на црвено би ве чинело 700 евра.

Годишните одмори не се само летувањето покрај море и уживање.Тие носат и голем број на обврски и подготовки пред да се замине на пат. Македонските граѓани и годинава Грција ја избраа како своја број еден дестинација да го поминат летниот одмор.

Во туристичките агенции по правило пред да го уплатите аражманот треба да ве потсетат дека треба да го проверите пасошот, бидејќи тој треба да ви важи најмалку три месеци кога ќе ја напуштите земјата.

Дел од препораките е да се фотокопираат сите документи, да се чуваат на посебно место во случај на нивно губење или крадење.

За внесување на куќните миленичиња потребно е да се има пасош, потврда за примени вакцини против беснило но не постари од 15 дена, но и сертификат од ветеринарниот лекар за нивната здравствена состојба.

Покрај македонската возачка дозвола потребно е да се има и меѓународна дозвола. Како што појаснуваат стручните лица по законските прописи на Грција доколку сте учесник во сообраќајна незгода, ако не поседувате меѓународна возачка дозвола тогаш се смета дека не сте имале право да управувате со возилото.

Тогаш ќе бидете принудени да платите казна иако не сте виновни, но и штетата на другиот учесник во незгодата. Треба да бидете информирани дека осигурителната куќа во тој случај не ги покрива трошоците.

Кога станува збор за почитување на сообрќајните прописи возачите треба да знаат дека дозволената брзина во населените места е 50км на час, а на регионалните патишта од 90 до 110км на час. Поголема безина од 120 до 130км на час е дозволена доколку возите по автопат. Дневна светла не е задолжително да се користат во оваа земја.

Според законсите прописи обавезно треба да се врзуваат појасите и на задните седишта.

Во Грција се многу високи сообраќајните казни, особено доколку имате во крвта алкохол од преку 0,5 промили може да добиета казна од 75 до 625 евра. За прекорачување на брзината се добива казна од 40 до 750 евра, а доколку не се врзат појасите казната ќе достигне и до 350 евра.

Казни од 100 евра ќе следуваат и доколку кога возите зборувате на мобилен телефон. На црвено светло никако не поминувајте бидејќи тоа би ве чинело 700 евра.

Што се однесува пак за детските седишта законските правилка велат вака: задолжително седиште за деца до 3 години, додека деца постари од 3 години, а пониски од 1,35 м на задно седиште треба да седат во детско седиште. Децата пак пто се постари од 12 години и повисоки од 1,35 можат и треба да користат ремени за возрасни.

Исто така потребно е да се има во возилото сет прва помош сет, задолжително и ПП апарат и триаголник. Рефлектирачки елек не е задолжителен, но се препорачува.

Во Хрватска нема врќе резервации за плажа

Југоносталгичарите и ова лето ќе заминат на одмор во Црна Гора или Хрватска. Цените на Црногорското приморје во зависност од градот се различни но сепак подостапни за македонскиот џеб, во однос на оние во Хрватска.

Туристичките работници информираат дека и покрај високите цени сепак аражманите за хрватското приморје и островите се доста барани.

Но она што е за годинава е интересно за туристите на некои далматински плажи веќе не е дозволено да се резервира место за сончање.

Така на плажите во Макарска е воведена забрана за „резервирање" места на плажите. Тоа значи дека веќе е минато да си обрзбедите место рано наутро.Тоа значи дека разни пешкири, реквизити за плажа и други слични работи кои се оставаат без надзор ќе се сметаат за напуштени и ќе бидат отстранети.Оваа популарна метода досега многу се практикуваше а некои туристи во доцни ноќни или рани утрински часови си обезбедуваа подобро место на плажа, за да уживаат во морето и сонцето.

Доколку во Хрватска патувате со соствен автомобил тогаш треба да ја почитувате и нивната дозолена брзина, бидејќи во населените места ограничувањето на брзината за автомобил и мотоцикли е 50 км на час,а на автопат ограничувањето за автомобил и мотоцикл од 130 км на час.

На останати патишта ограничување се од 90 до 110 км на час. Она што треба посебно да го знаат македонските туристи е што за време на возење во Хрватска е забранета употребата на мобилен телефон, односно дозволена е употреба на хандс фрее. Казна 500 куни ако се користи мобилен.

Исто така поважни телефонски броеви кои што треба да се знаат во оваа земја се: полиција 92 или 112, амбуланта 94 или 112, пожарна 93 или 112, ХАК (инфо-центар): +385 1 464 0800 (потоа бирајте 0), од Хрватска 062 777 777, ХАК(помош на пат): 1987 или од мобилен +385 1 1987

Еве каде во регионот горивата се најскапи, а каде најевтини

Пред да земинете на одмор проверете какви се цените на горивата во земјата каде што планирате да патувате. Земете дигитрон за да пресметате колку пари ќе ви бидат потребни за горив, па потоа одлучете дали ќе одите со автобус.

Изразено во евра најскап бензинот ќе ве чини во Грција, каде за еден литар треба да платите 1, 54 евра. Потоа следи Албанија со цена од 1,29 евра по литар, па потоа доаѓа Словенија 1,25 евра по литар, Хрватска 1,23 евра, Црна Гора 1,22 евра и 1.18 евра по литар бензин 95- ка во Србија.

Ако поминувате низ Босна и Херцеговина бензинот ќе ве чини 0,92 евра по литар,а кај нас во Македонија бензинот е околу едно евро,а дизелот помалк и е најевтин во регионот.

Кога се работи за дизелот Албанија е прва на листата како најскапа од 1,27 евро по литар. Грција 1.26 евро и Србија 1.22 евра, Хрватска 1.11 и Церна Гора 1.07 евра по литар. Ако имате автомобил на плин тогаш треба да знаете дека најскап е плинот во Грција 0,79 евра, Србија 0,62 евра, Црна Гора 0,6 евра и најмалку во Босна 0,39 по литар.

Лежалките за плажа на грчките острови ќе ве чинат солено

Ако сте решиле и оваа година летниот одмор да го поминете во некоја од најпопуларните дестинации на грчкото приморје, особено на островите десет дена поминати на море можат да ве чинат повеќе од самиот аранжман.

Математиката покажува дека просечната цена на комплетниот аранжман во екот на сезоната е околу 300 евра по човек, додека во зависност од дестинацијата, за "ситните трошоци" потребно е да се издвојат дополнителни 35 евра и тоа за секој ден.

За чадор за сонце и лежалки на повеќето плажи нема да морате дополнително да дадете пари доколку нарачате пијалак, но за него треба да се издвојат околу пет евра, додека на нешто поексклузивните плажи ова задоволство може да чини повеќе од ноќевањето во еден просечен апартман. Па така, за ова на некои острови треба да се дадат 15 евра, не сметајќи го пијалакот.

Ако одите на грчка вечер, крстарење или посета на некој ноќен клуб, тогаш за две лица можете да потрошите и повеќе од 60 евра. За вечера во еден ресторан просечен пар плаќа околу 40 евра, додека за гиро е потребно да се издвојат до седум евра.

Кој десетина збора треба да ги знаете во Грција

Добро утро (Καλημέρα) КАЛИМЕРА

Добро вечер (Καλησπέρα) КАЛИСПЕРА

Благодарам (Ευχαριστώ) ЕФХАРИСТО

Хотел (Ξενοδοχείο) ХЕНОДОХИО

Автомобил (Αυτοκίνητο) АФТОКИНИТО

Банк (Τράπεζα) ТРАПЕЗА

Аптека (Φαρμακείο) ФАРМАКИО

Сметка (Λογαριασμό ЛОГАРИАСМО 

Извор - Вечер