Владата на Србија ја измени Одлуката за привремена забрана за извоз на природен гас, со што гасот сепак ќе може да се извезува во Северна Македонија. Одлуката е сменета три дена по нејзиното донесување, на 20 октомври.

Привремената забрана и извоз е воведена со цел да се спречи заканата од критичен недостиг предизвикан од глобалното нарушување на енергетскиот пазар, пренесува Танјуг.

Пред три недели премиерот Димитар Ковачевски посочи дека се водат интензивни преговори со Србија за да се обезбеди гас, но набавката мора да се реализира со мултилатерални договори, во кои би бил вклучен и рускиот државен гигант „Гаспром“.

Владата на Србија одлучи максималната малопродажна цена на сончогледовото масло за јадење во пакување од еден литар да не надминува 219,99 динари.

Ова се наведува во измените на Правилникот за ограничување на цената на основните прехранбени производи, кои Владата на Србија ги донесе на 20 октомври, а кои ден подоцна беа објавени во Службен весник.

Во основниот текст на Уредбата од 28 јули годинава беше утврдено дека цените на сончогледовото масло за јадење во литарско пакување не смеат да бидат повисоки од цените кои важеа на 15 ноември минатата година.

Креаторите на содржини повеќе нема да треба да се потпираат на надворешни алатки за да ги закажат своите објави на Инстаграм.

Инстаграм, наводно, тестира начин да овозможи закажување на објави и „reels“ за содржина во апликацијата на самиот Инстаграм.

Корисникот на Твитер „WFBrother“ исто така објави скриншот кој ја прикажува споменатата функција.

Кога креирате нова објава или reel, корисникот може да оди во Напредни поставки, каде што може да ја вклучи опцијата „Закажи ја оваа објава“.

Таму можете да ги поставите времето и датумот кога сакате да се појави објавата. Доколку е потребно, можно е да се промени датумот на закажување за истата содржина.

Мета, која е сопственик на Инстаграм, не објави кога функцијата ќе стане достапна за стандардните корисници.

Намалување на цената на лебот може да се случи по Нова година. Новите мерки предвидуваат намалување на цената на струјата од 1 декември за производителите на храна, со очекување прво да се стабилизира цената, а потоа да се намали цената на лебот и другите производи. Ова е ставот на претставниците на двете стопански комори.

Според здружението на индустријата на мелничари и пекари, при Стопанската комора, за реално намалување на цената потребно е Владата да ги активира и стоковите резерви за да се намали влијанието на светските берзи, каде цените постојано растат.

Иако официјалните лица проценуваат дека во текот на оваа година се ожнеани околу 250 илјади тони пченица, додека се потребни околу 330 илјади тони, сепак, дел од пченицата не се продава во мелниците, додека се уште се увезува. Цената за пченицата ја одредува светската берза каде цената е 18 денари, додека во жетварскиот период достигна и до 22 денари за килограм.

Ако Владата дозволи мелниците и пекарската индустрија да купуваат струја по цена од 80 до 100 евра за мегават час, за што преговараме една недела, тогаш до декември цената на брашното и лебот ќе се стабилизира, додека од следната година може да се очекува да ја намалат цената за 10%, вели Горан Малишиќ, претседател на Здружението на мелничарско-пекарската индустрија, при Стопанската комора.

Ова е трет обид на Владата да ги намали цените на основните прехранбени производи. Прво имаше замрзнување на цените, па ги ограничија маржите што граѓаните не ги почувствуваа поради континуираното поскапување на малопродажните цени. Од друга страна, со мерката за поевтина струја се очекува да бидат опфатени околу 150 фирми.