Белград е најскап, а потоа Будва и Тирана

Numbeo е сајт кој се занимава со анализа на дневните трошоци ширум светот, а една листа ги рангира градовите на Балканот. Станува збор за листа на најскапите и најевтините градови во Европа за 2023 година, на кои нашиот регион можеби не е високо позициониран, но кога ќе се фокусираме само на него – добиваме интересни податоци.

При рангирањето на градовите се воделе според цените во рестораните и маркетите, цените на јавниот превоз, киријата, здравството...

Утврдено е дека на Западен Балкан најскап град за живеење е Белград, главниот град на Србија (186 место во Европа), веднаш по него е Будва (188 место во Европа), туристичката престолнина на Црна Гора, а на ред е Тирана (194 место во Европа), главен град на Албанија. Трошоците за живот во Белград се 42,5 отсто во споредба со трошоците за живот во Њујорк, а 41 отсто во Тирана.

„Иако Тирана се смета за евтина за живеење од гледна точка на другите Европејци, таа е скапа за локалното население и нивото на приход. Зголемените трошоци и инфлацијата доведоа илјадници луѓе на работ на сиромаштија. Во моментов половина од населението е или во сиромаштија или во ризик да западне во неа“, пишува Euractiv. Ситуацијата во Белград не е детално опишана.

Од друга страна, Приштина (234 место) се издвојува како едно од најевтините места за живеење во Европа, потоа Ниш (232 место), Крајова во Романија и Тузла во БиХ.

Главниот град на Босна и Херцеговина, Сараево, се наоѓа на 206. место во Европа и е поскап за живеење од Скопје, Подгорица, Нови Сад - пренесува Klix.ba.

Што се однесува до вкупната листа на најскапи градови во Европа за 2023 година, Базел е на врвот, а потоа следат Цирих, Лозана, Цуг и Берн, сите во Швајцарија. Во топ 10 се и Осло, Ставангер, Берген, Трондхајм и Тромсо во Норвешка, а високо рангирани се и Копенхаген во Данска, Еспо во Финска, Даблин во Ирска и Ница во Франција.

Близу до дното на листата се градовите во Украина зафатена од војна, а на последно место е градот Харков.

Фото: unsplash

Европјаните се загрижени поради поскапувањата. Според Евробарометар, 93 проценти од Европејците се загрижени поради зголемените трошоци за живот. 

Во секоја земја-членка на ЕУ, повеќе од седум од десет испитаници се загрижени за порастот на трошоците за живот. Најголема загриженост има во Грција (100 проценти), Кипар (99), Италија и Португалија (и двете по 98 отсто). 82 проценти од испитаниците се загрижени поради заканата од сиромаштија и социјална исклученост, а 81 отсто рекле дека се грижат поради климатските промени и опасноста војната во Украина да се прошири и во другите земји. Анкетата покажува и дека речиси половина од населението на ЕУ (46 проценти) навеле дека нивниот животен стандард веќе е намален поради ефектите од пандемијата на коронавирусот, поради војна на Русија против Украина и кризата со трошоците за живот. 39 отсто се изјасниле дека не доживеале пад на нивниот животен стандард, но очекуваат тоа да се случи во тековната година.

Но, и во регионот нема да биде лесно. За Западен Балкан се предвидува раст од 2,5 проценти во 2023 година, наспроти првично проектираниот од 3,1 проценти. Светска банка предвидува раст на македонската економија од 2,4 проценти годинава. 

KARIERA.mk со радост најавува ексклузивна работилница на 10.02.2023 во Skopje Marriott Hotel за сите маркетинг професионалци и ентузијасти! Предавач на еднодневната работилница ќе биде директорката на Google Marketing Platform Turkey, Ece Ozturk Dogan.

На работилницата ќе се работи на практични маркетинг предизвици и решенија и е наменета за сите маркетинг ентузијасти од почетен степен до сите маркетинг експерти од државата и регионот. Сите учесници по завршувањето на работилницата ќе добијат сертификат. 

Дополнително ги повикуваме и компаниите кои сакаат да инвестираат во маркетинг знаењата на своите вработени да бидат дел од овој одличен настан. 

Теми кои ќе бидат опфатени на работилницата:

• Google tools for startups
• How Google ads work?
• Digital maturity framework
• Youtube and display ads
• Enterprise advertising solutions
• Ga4 and the future of Google

Карти за работилницата може да се купат онлајн на следниот ЛИНК

За било какви дополнителни информации и консултации ви стоиме на располагање на [email protected] или пак на 078 479 306

Сопственикот на „Тесла“ и „Твитер“ Илон Маск влезе во Гинисовата книга на рекорди како најголем губитник во историјата, бидејќи од ноември 2021 до декември 2022 година загубил околу 165 милијарди долари, според Гинисовата книга на рекорди.

Овие бројки се засноваат на податоци на Форбс, но Гинис наведе дека други извори укажуваат дека загубите на Илон Маск би можеле да бидат уште поголеми, пренесува Би-Би-Си.

Во изјавата на Гинис се наведува дека „точниот износ на загубата на Маск е речиси невозможно да се одреди“, бидејќи некои медиуми проценуваат дека тој изгубил повеќе од 200 милијарди долари во 2022 година, но неспорно е дека го соборил претходниот рекорд, кој е со загуба од 58, 6 милијарди долари во 2000 година во сопственост на јапонскиот инвеститор Масајоши Сон.

Намалувањето на богатството на Маск во најголема мера е последица на големиот пад на вредноста на акциите на Tesla, кои загубија околу 65 отсто од нивната вредност во текот на најлошата година во историјата на компанијата, пренесува N1.

Маск не е единствениот милијардер чие богатство се намали во 2022 година, бидејќи американските милијардери минатата година изгубија вкупно 660 милијарди долари.

На второто место на листата на минатогодишни губитници е сопственикот на „Амазон“ Џеф Безос, кој загуби 80 милијарди долари, а претходниот рекорд го собори сопственикот на компанијата „Мета“ Марк Цукерберг, кој минатата година загуби 78 милијарди долари.

И покрај рекордната загуба, Маск и понатаму е вториот најбогат човек во светот. Форбс неговото богатство го процени на 320 милијарди долари во 2021 година, а сега му останаа „само“ 138 милијарди.

Според Форбс, моментално најбогат човек на светот е Французинот Бернар Арно, со имот вреден 190 милијарди долари.