На светските берзи вредноста на доларот во однос на кошницата валути падна и минатата недела, трет пат по ред, но девизните курсеви не варираат многу бидејќи инвеститорите се претпазливи во пресрет на состаноците на неколку од најголемите централни банки во светот.

Индексот на доларот, кој го покажува движењето на вредноста на САД во однос на другите шест најважни светски валути, минатата недела ослабна за 0,05 отсто, на 101,92 поени, блиску до најниското ниво од јуни минатата година.

Истовремено, доларот ослабе во однос на европската валута за 0,1 отсто, па цената на еврото се искачи на 1,0865 долари, недалеку од највисокото ниво во последните девет месеци.

Курсот на доларот во однос на јапонската валута зајакна за 0,2 отсто, на 129,85 јени.

Курсовите на тие валути не флуктуираа многу бидејќи инвеститорите се претпазливи пред седниците на некои од најголемите централни банки во светот.

Меѓу другото, се очекува и првиот состанок на американскиот ФЕД оваа година.

Со оглед на намалувањето на инфлациските притисоци во САД, се очекува дека ФЕД ќе биде помалку агресивен во затегнување на монетарната политика во иднина.

Аналитичарите проценуваат дека американската централна банка на февруарската седница ќе ги зголеми каматните стапки само за 0,25 процентни поени, а не за 0,50 поени како на последната сесија лани.

Покрај тоа, тие веруваат дека конечната каматна стапка со која ФЕД ќе го запре циклусот на покачување може да биде помала од 5 проценти, иако повеќето претставници на ФЕД рекоа дека ќе треба да ги зголемат стапките над нивото од 5 проценти за да ја ограничат инфлацијата.

Минатата година ФЕД ги зголеми каматните стапки за вкупно 4,25 процентни поени, на опсег од 4,25 до 4,50 отсто, што е нивно највисоко ниво во последните 15 години.

Следната недела седница ќе одржат и лидерите на Европската централна банка (ЕЦБ). Поради високата инфлација се очекува натамошно зголемување на каматните стапки, откако лани беа зголемени за вкупно 2,5 процентни поени.

Се очекува британската централна банка дополнително да ги зголеми каматните стапки на седницата следната недела.

Заменик-претседателот на Владата за економски прашања, координација на економските ресори и инвестиции, Фатмир Битиќи, повторно се осврна на потребата за увоз на работна сила како неминовно решение за недостигот на работна сила со која се соочува нашата земја.  

Вицепремиерот Битиќи истакна дека веќе е дојдено време да ја отвориме дискусијата за потребата од дополнителна работна сила на пазарот на труд. 

Според Битиќи рече додека се работи на доквалификација и преквалификација на одредена група невработени во Северна Македонија за истите да ги прилагодат на потребите на пазарот, дополнително ќе мора да се најде начин да се надополни одливот на работници. 

На пазарот на труд има недостаток на работна сила и мора да одговориме на тој предизвик ако сакаме да имаме забрзан економски раст - рече Битиќи. 

Иако стапката на невработеност во Макеоднија е 14 проценти, меѓу нив, според вицепремиерот примарно работната сила се бара од активни баратели на работа, но констатација на сите, е дека се уште имаме недосток на работна сила, а во некои сектори специфично квалификувана работна сила.  

Од 30 на максимум 15 дена, да се намали бројот на денови што се плаќаат за боледување, а се на товар на работодавачите, бараат текстилните и кожарските компании. Ангел Димитров, претседател на Здружението што ги застапува интересите на овие два сектора, вели дека сè почесто добиваат поплаки од работодавачите за злоупотреба на боледувањата и дека оваа појава е почеста во летниот период. Според Димитров, чесно е да се каже дека лажните боледувања не се феномен само на приватниот сектор.

Одат во странство, работат на нива, а по истекот на еден месец, паузираат ден или два, сè додека матичните лекари не им отворат ново боледување со нова дијагноза. Работата во овие два сектора е врзана со рокови. Во приватниот сектор не сте во позиција да имате неколку вработени на едно работно место, туку секое работно место е испланирано, така што отсуството на еден вработен го чувствуваат и работодавачот и колегите. Ние не можеме да знаеме колку ќе трае боледувањето, сакаме да ја завршиме работата навреме, а згора на тоа не можеме прекуноќ да најдеме нови работници – вели Димитров.

Тој открива дека во новиот Закон за работни односи посебно се третира оваа проблематика, но е скептичен дали Фондот за здравство има доволно време и вработени за да ги заврши контролите во реално време.

Дали ќе биде возможно да се контролираат сите боледувања? Едни се отвораат, други се прекинуваат. Нам ни треба да се открие злоупотребата веднаш, а не по три месеци. Затоа и бараме скратување на боледувањата што одат на наш товар, односно наместо 30 на 15 дена – објаснува Димитров.

Околу 2700 студенти, корисници на стипендии од изминатите академски години, ќе добијат покачување на средствата, односно наместо досегашните 3000 денари, овие студенти во иднина ќе земаат стипендии во висина од 6050 денари.

Со оваа одлука МОН одговори на барањата на студентите и уште еднаш ја потврди заложбата за еднаквост и грижа за оваа категорија граѓани.

Студентите корисници на оваа категорија стипендии, во текот на идната недела ќе бидат информирани за начинот и постапката за регулирање на ова право.