Човечкото тело работи на 24-часовен внатрешен часовник. Овој систем, познат како деноноќниот ритам, користи фактори како што е природната светлина за да утврди дали е време за спиење или будење. Покрај тоа, деноноќниот ритам влијае и на другите функции, како што се метаболизмот и когнитивните способности. Сепак, во денешно време, поради технологијата и разните работни часови, оваа деликатна рамнотежа може лесно да се балансира.

Конфликтот помеѓу личниот ритам на телото и начинот на кој човекот го живее својот живот може да има неколку штетни ефекти врз телото, на пример, може да се појават хормонални промени.

Работи на кои треба најмногу да внимавате, доколку сакате да ги избегнете несаканите ефекти се следните:

Доволно спиење

Спиењето квалитетно е еден од наједноставните начини да се спречат одредени негативни ефекти врз здравјето. Според  експертите, работниците  кои работат во смени треба да спијат од седум до осум часа, во исто време, секој ден.

Балансирана исхрана

Конзумирање на поголем број калории порано во текот на денот може да биде корисен чекор за вработениот кој работи во смени. Врз основа на оваа идеја, експертите сугерираат дека работодавците треба да закажат паузи за оброци порано во смената и да обезбедат опции за здрава исхрана.

Активно вежбање

Вежбањето мора да го земат предвид и луѓето кои работат во смени. Се препорачува вежбање во исто време секој ден, најмалку пет часа пред спиење, а на аеробните вежби како што се танцување или трчање треба да им се даде приоритет, бидејќи тие можат да го подобрат квалитетот на спиењето.

Важноста на светлината

Луѓето кои работат ноќе треба да ја зголемат својата изложеност на светлина пред да влезат во смената и во текот на целата смена. Инсталирање на силни светла на работа би им помогнало на вработените да се чувствуваат помалку поспано.

Доколку ги следите овие чекори и се придржувате кон нив, нема да доживеете потешкотии при извршувањето на работните задачи во текот на ноќната смена.

Идната недела ќе се направат анализи и ќе се утврди дали ќе бидат замрзнати цените и на шеќерот, јацата и оризот, рече денеска министерот за економија Крешник Бектеши.

Како што рече Бектеши на прес-конференција во Владата, цени најверојатно ќе се замрзнат ако производителите не ги намалат.

Според него, анализите на Секторот за трговија и на стопанските комори покажале дека повеќето компании ја користат максималната маржа и на некој начин се здружени за да не ги намалат своите профити.

Согласно сите анализи на Секторот за трговија и коморите, се утврдува дека повеќето компании ја користат максималната маржа и на некој начин се здружени за да не ги намалат своите профити. Затоа одлучивме да одиме со замрзнување на цените. Остануваат уште шеќерот, јацата и оризот за кои наредната недела ќе се направат анализи и чии цени најверојатно ќе се замрзнат ако производителите не ги намалат, објасни Бектеши.

Германскиот голем трговски синџир „Лидл“ ја купил локацијата на „Бриколаж“ од компанијата „Скопски пазар“, дознава и пренесува порталот Фактор.

Таму се очекува да никне првиот маркет на Лидл во земјава, кој нашите граѓани со нетрпение го очекуваат, а во меѓувреме масовно пазарат од маркетите на Лидл во Грција, но и во соседна Србија, се разбира кога ќе имаат прилика да ги посетат тие држави.

Набргу се очекува да се случи и официјалната трансакција, а засега нема информации која е постигнатата сума. 

 Во февруари 2021 година Лидл ја регистрираше својата компанија во Македонија, а ќе биде управувана од бугарската филијала. 

Тестенините поевтинуваат за 15 отсто, а млечните производи за 10 проценти и нивните цени ќе се замрзнат, соопшти денеска премиерот Димитар Ковачевски.

Со одлуката за тестенините се опфатени макароните и шпагетите. За овие продукти се укинуваат и увозните царински давачки од 13 март до 31 мај 2023 година. Одлуката, пак, за млечните производи која ќе биде во сила од 17 март до 31 мај 2023 година се однесува на трајно кравјо млеко со 2,8, 3,2 и 3,5 отсто масленост, урда, кравјо и мешано бело сирење, кравји кашкавал, кисело млеко, павлака и јогурт.

Се намалува продажната цена на тестенини, макарони и шпагети, за 15 отсто или во просек за осум до девет денари. Се укинуваат и царинските давачки за увоз на овие продукти од 13 март до 31 мај 2023 година. Се замрзнуваат и цените на млечните производи: трајно кравјо млеко 2,8, 3,2 и 3,5 отсто, урда, кравјо и мешано бело сирење, кравји кашкавал, кисело млеко, павлака и јогурт. Цените се намалуваат за десет отсто, а одлуката важи од 17 март - 31 мај 2023 година, рече Ковачевски.

Според него, Владата ќе проодлжи да носи одлуки кои го штитат интерсот и стандардот на граѓаните.

На прес-конференцијата одлуките ќе ги објасни министерот за економија Крешник Бектеши.

Ова е втора одлука за замрзнување цени на прехранбени производи, откако на 28 февруари годинава стапи во сила ограничувањето на цената на белиот и полубелиот леб на 33 денари.