Промовирани огласи »

Државниот Завод за ревизија направи ревизија на работењето на Фондот за пензиско и инвалидско осигурување на Македонија.

Како што е објавено во извештајот, ПИОМ има доста сериозни проблеми со работењето, што директно влијае на остварувањето на правото на пензија на идните корисници на пензија, а истите препораки и насоки од ревизија, и минатата година била упатени, но ништо не било решено. 

Според извештајот, ревизорите утврдиле слабости во чувањето и архивирањето на податоците во матичната евиденција. Со тоа, се оневозможува потврдувањето на веродостојноста и целосноста на регистрираните податоци, потребни за остварување на правата од пензиско инвалидското осигурување.

Се работи за регистрираниот недостиг на стручен и обучен кадар за актуарство, како и за постојаниот одлив на вработени од ИТ секторот и внатрешната ревизија. Тоа, пак, „влијае на развојот на актуарски и пензиски предвидувачки капацитети, функционирањето на информацискиот систем и ажурноста на сите воспоставени системи и ефективноста на системот за внатрешни контроли“.

Се укажува и на фактот – зголемените приходи не се доволни за покривање на дефицитот за исплата на социјални бенефиции во 2021 година, кои се одвојуваат од државниот буџет и учествуваат со 37,5 отсто во вкупните приходи на Фондот.

Дел од осигурениците, се вели во извештајот, не можат да ги остварат сопствените права, поради одредени пропусти. Конкретно, остануваат нераспоредени средства на уплатната сметка од наплата придонес за ПИОМ, кои Фондот не може да ги користи, затоа што изостанале соодветни податоци за вработување и регистрација на обврзниците. А, има и грешки при внесот од страна на други институции. Во тие рамки забележано е и ненавремено доставување информации од надлежните институции за промена на статусот на осигурениците. Тоа, велат ревизорите, „има за последица неоснована исплата на пензии, за кои се евидентираат побарувања од граѓани“, но и низок процент на поврат на вишокот исплатени средства.

Ревизорскиот извештај упатува и на тоа дека извршители неосновано повлекле пари од сметката на ПИОМ. Станува збор за налози за извршување, во кои како должници се јавуваат корисници на пензија. Исто така, се забележува и на континуираното вршење активности од страна на Фондот поврзани со реализација на налозите за извршување.

ПИОМ во соработка со надлежните институции да преземе активности за обезбедување на потребните кадровски капацитети, но и за развој на актуарски и пензиски предвидувачки капацитети преку координирани активности за носење законски решенија. Со кои, велат ревизорите, ќе се придонесе за намалување на паричната маса за исплата на социјалните бенефиции. Потребно е да се средат работите при утврдувањето на придонесот од ПИО и уште повеќе, да се извршува целосна наплата. Се со цел стабилизација на пензискиот систем и намалување на буџетските трансфери.

Промовирани огласи »

Долгорочно решение за недостигот на работна сила во нашава земја е преквалификација на нашите сограѓани кои живеат тука и кои со доквалификации и обуки можат да се стекнат со нови вештини и да одговорат на барањата на компаниите. Ова го посочи вицепремиерот Фатмир Битиќи при денешната посета на компанија за производство на душеци во Гостивар. 

Ние имаме сограѓани кои се невработени, и примарна цел е да се направат способни да се вработат, и токму компании како Алмеро кои се спремни да се вклучат во процесот на дуално образование, во преквалификации и доквалификации на работната сила е клучот за проблемот со кој се соочуваме, а тоа е неодстиг на работна сила на пазарот на труд. Сите други решенија, како увоз на работна сила, не се трајни решенија, туку долгорочно решение е нашите сограѓани кои сакаат тука да живеат и да работат, да се стекнат со вештини, преку квалификации и доквалификации да се вклучат во работните процеси - посочи Битиќи. 

Воедно вицепремиерот посочи дека Владата издвојува финансиска поддршка за компанијата Алмеро, од Законот за финансиска поддршка на инвестиции за циклус од пет години, која започнал во 2021 година и ќе заврши во 2025 година. 

Инвестицискиот циклус кој го планира компанијата достигнува скоро 5,6 милиони евра, а финансисакта поддршка согласно законот достигнува 33 отсто од вредноста и таа се доделува етапно, зависно како се реализираат инвестициите. Минатата година беа исплатени кон компанијата околу 70 илјади евра, за инвестиции направени 2021 година. И таа ќе проидолжи и годинава зависно од направените инвестиции. Инаку компанијата лани започна објект од 13 илјади квадратни метри, нов производствен капацитет и таму ќе бидат вработени нови 300 кандидати и секако ќе ги поддржиме - кажа Битиќи и дополни дека ова е комапнија која како и другите за кои се издвојува финансиска поддршка е во помалку развиентие плански региони во Македонија. Нагласи дека над 70 проценти од поддржаните компании минатата година биле надвор од најразивениот Скопскиот плански регион, и цел потикнување рамномерниот регионален развој.

Фото: Принтскрин/Фејсбук 

Промовирани огласи »

Ви треба работа за да стекнете работно искуство, но потребно ви е работно искуство за да најдете работа. Штотуку ја започнувате вашата кариера или сакате да ја промените позицијата па дури и индустријата во која работите, но се чувствувате ограничено од недостигот на (претходно) работно искуство?

Се што ви е поребно е да ги следите следните чекори:

  • Подгответе беспрекорно CV и мотивационо писмо – без грешки и лаги.
  • Сè се зема предвид - искуството од факултет е корисно, не заборавајте и да ги вклучите конференциите, учеството во клуб на факултет, праксите итн.
  • Посетувајте нови курсеви
  • Бидете прецизни за вашата мотивација

Сепак, многубројните пречки на патот треба да се сфатат како предизвик и да послужат како дополнителна мотивација за постигнување на целта.

Промовирани огласи »

Водоинсталатери, водоинсталатери, електричари, столари, молери, пекари, возачи можат да заработат повеќе од 1.000 евра месечно, а моментално во Србија нема доволно луѓе кои ги извршуваат овие работи, пишуваат медиумите во соседството.

Работата на заварувач не е популарна меѓу средношколците, а работодавачите се многу заинтересирани да ангажираат таков персонал. На почетниците им се гарантира плата од околу 80.000 динари, а на поискусните повеќе од 2.000 евра. 

Во огласите платата на заварувачот изнесувала и до 4.000 евра, но укажуваат дека тоа се претежно сезонски работи, за проекти кои траат од три до шест месеци, а честопати не се гарантира работата во текот на целата година, пишува „Мондо.рс“.

Дефицитот на стручен кадар е особено изразен во пекарската индустрија. Поради оваа причина, платите на пекарите се зголемени во последните неколку години бидејќи работодавците на овој начин се „тепаат“ за работници. Почетната плата во пекара е 80.000, а мајсторите на овој занает заработуваат и до 180.000 динари.

Професионалните возачи исто така можат добро да заработат. Возачите на автобуси заработуваат од 80.000 до 100.000 динари. Возачите на камиони заработуваат уште повеќе. Платата главно зависи од работодавците, а возачите кои возат во меѓународен превоз можат да заработат и до 300.000 динари.

Во последните неколку месеци драстично пораснаа цените на услугите на водоинсталатери, електричари, столари или молери. Исто така, многу е тешко да се најде слободен и добар занаетчија. Ова е уште една причина зошто цената на нивните услуги скока.

Фото: freepik.com/ArthurHidden

Повеќе вести...
барај огласи за вработување » барај останати огласи »