Министерот за економија Крешник Бектеши тврди дека нема да дојде до нагло поскапување на производите кога ќе престанат да важат владините одлуки за замрзнување на цените. 

Според него, производителите и трговците можат да направат калкулации согласно постечките цени на суровините и другите параметри кои се влезни во утврдувањето на финалната цена на производите.

Нема таков ризик оваа година. Ги повикав сите производители и увозници, тие знаат кога поскапуваат суровините и кога е жетвата, да се подготват зашто мерките може да продолжат и по 31 мај. Значи, нема никаков ризик од зголемување на цените, производителите и трговците може да направат калкулации согласно постечките цени на суровините и другите параметри како влезни во утврдувањето на финалната цена. Сите моментно се со маржа на профит и со цените утврдени од Владата, истакна министерот, одговорајќи на новинарски прашања откако во изјава пред Владата соопшти дека се замрзнуваат цените на хигиенските производи.

Во врска со ставот на бизнисот дека замрзнувањето на цените не е пазарна мерка и наместо тоа е подобро да се интервенира преку стоковните резерви, Бектеши рече дека замрзнувањето на цените дава резултат и тоа граѓаните може да го забележат во секојдневното пазарење.

Имам  голема почит кон стопанските комори. Ако во државните резерви има хигиенски производи, овошје и зеленчук, тогаш ќе ги активираме ама мислам дека треба да бидат подобро информирани кога излегуваат со вакви изјави, дека во стоковните резерви нема резерви на вакви проиозводи. Пченица и брашно има, но тоа сега не е тема. Делот за замрзнување на цените на леб, ориз, печница,... даваат резултати и тоа граѓаните секој ден го чуствуваат кога пазарат, потенцира Бектеши.

Тој уште еднаш кажа дека се додека има потреба за замрзнување цени, Владата ќе носи такви одлуки.

Овие одлуки првично важат до 31 мај, но може да се продолжат. Сепак, најдобро ќе биде да се усвои Предлогот во делот на Законот за ДДВ од страна на Собранието зашто тогаш ќе имаме системско и долгорочно решение за основните прехранбени и за хигиенските производи, рече министерот.

Португалската влада планира за шест месеци да ја прекине наплатата на Данокот на додадена вредност (ДДВ) на 44 основни прехранбени производи во земјата со цел да ја спречи високата инфлација, најави премиерот Антонио Коста.

Прекинот на наплатата е составен дел од договорот што владата го потпиша со производителите и трговците, а неговата цел е да се стабилизираат цените, рече Коста на почетокот на неделата.

Договорот вклучува и финансиска поддршка на земјоделците и сточарите во износ од 600 милиони евра.

Владата ќе ја прекине наплатата на ДДВ во следните шест месеци за леб, тестенини, ориз, млеко, јајца, јогурт, сирење, растително масло, путер, месо и риба, со можност за продолжување на мерката, изјави португалскиот премиер.

Стапката на ДДВ за основните прехранбени производи е шест проценти.

Предлогот мора да биде усвоен од страна на португалскиот Парламент, каде владата на Коста има мнозинство.

Инфлацијата во Португалија во февруари достигна 8,2 отсто и е за 0,3 процентни поени пониска отколку во еврозоната. Меѓутоа, цените на храната неодамна се зголемија за повеќе од 20 проценти.

Многу граѓани едвај врзуваат крај со крај во месецот, пред се, поради многу пониските плати отколку во другите земји од Западна Европа.

Високата инфлација во земјата премиерот Коста првенствено ја припишува на руската инвазија врз Украина и предупредува дека цените би можеле да пораснат дури и по стапувањето на сила на мерките.

Никој не знае колку долго ќе трае војната, а додека трае, постои опасност од натамошен раст на трошоците за производство, посочи португалскиот премиер. 

Замрзнување на цените е мерка што не може да трае долго и по нејзиното завршување повторно ќе го имаме проблемот со зголемување на цените. Во меѓувреме, пак, компаниите чии производи биле опфатени со замрзнувањето на цените изгубиле многу пари. Затоа ние секогаш се залагаме за пазарни, а не за популистички мерки, вели извршниот директор на Стопанската комора

Државата ако сака да го заштити населението во ваква ситуација треба да ги активира стоковите резерви, кои се покажуваат како подобар механизам отколку замрзнување на цените. Тоа не е пазарна мерка, смета извршниот директор на Стопанската комора Антони Пешев.

Според Пешев, подобро е да се субвенционира делот од населението на кој тоа навистина му е потребно, но и да се помогне со директно намалување на царините, со помош при увозот на репроматеријали, со субвенционирање на електричната енергија, со механизми што го прават домашното производство поконкурентно. Тоа, според него, го прават економиите во светот кои имаат поинаков пристап и проблемот не го решаваат со замрзнување на цените.

Владата посегна по оваа мерка сакајќи да го намали притисокот на населението кое се најде во економски проблеми, но јас мислам, а и вие слушнавте, дека сите економии во светот малку поинаку му приоѓаат на проблемот. Ние се залагаме токму за тој принцип – да не одиме со замрзнување на цените, туку со субвенционирање на она население на кое тоа навистина му треба. Замрзнувањето на цените непотребно ги става компаниите чии производи се замрзнати во неповолна економска позиција, а производите се продаваат и на оние групи население на кое таа разлика во цена не им значи ништо. Затоа, многу повеќе ги почитуваме мерките на Владата кои се однесуваат на директна интервенција во делот на намалување на царините, помош при увозот на репроматеријали, субвенционирање на електрична енергија и механизмите кои го прават домашното производство поконкурентно, отколку директно замрзнување на цените, напомена Пешев одговарајќи на новинарски прашања пред Македонско-австриските бизнис-средби во Комората.

Неделава ќе се ограничат цените на неколку вида овошје и зеленчук

Замрзнување на цените, нагласи, е мерка што не може да трае долго, а по нејзиното завршување повторно ќе има поскапувања.

Оваа мерка не може да трае долго и по нејзиното завршување повторно ќе го имаме проблемот со зголемување на цените. Во меѓувреме, пак, компаниите чии производи биле опфатени со замрзнувањето на цените изгубиле многу пари. Затоа ние секогаш се залагаме за пазарни, а не за популистички мерки, подвлече Пешев.

На прашањето дали ова го искомуницирале со Владата, тој одговори потврдно.

Да, апсолутно. Се појавивме со неколку изјави, но Владата има право да ги замрзне цените. Сепак, повторно ќе напоменеме, има механизми кои не се доволно искористени, а тоа се државните резерви кои секогаш во ваква ситуација се покажуваат како подобар механизам од замрзнувањето на цените. Владата би требало, ако сака да интервенира, да го засили влијанието на пазарот со свое влегување преку ‘базенот’ кој се вика државни резерви, додаде Пешев.

Во пресрет на Велигден и Бајрам, Владата ги замрзна цените на јајцата и оризот

Во Австрија нема ограничување или замрзнување на цените. Се дискутирало само за замрзнување на цените на недвижностите и наемнините, при што се утврдило дека е подобро да им се даваат донации/дотации на граѓаните со кои би им се помогнало да ги платат овие давачки.

Според Рихард Бандера, регионален менаџер за Југоисточна и Источна Европа и за Централна Азија, втора клучна тема во Австрија се енергетските трошоци. 

Воведовме помош на домаќинствата за покривање на енергетските трошоци. Тоа се неколку стотини евра што не се големи средства, но сепак беше чекор напред во поддршката кон граѓаните. Дадовме поддршка и на претпријатијата кои имаат интензивна потрошувачка на енергија. Тоа се оддолжи малку, но во период од повеќе месеци добија поддршка,рече Бандера.

Вчера став околу замрзнувањето на цените искажа и Сојузот на стопански комори (ССК), според кој, исто така, се работи за непазарна мерка.

Секое замрзнување на цените има позитивни и негативни консеквенции. На 8 септември 1991 година граѓаните на државава гласаа за независност, за слободна економија, за слободен пазар. Слободниот пазар е одлика и придобивка на таа независност и ние генерално преферираме слободен економски пазар, но Владата има свој делокруг на дејствување и, доколку така смета, треба да објасни каква ѝ е идејата, што сака да постигне, дали е тоа од времен карактер, колку време би траело, изјави претседателот на ССК, Трајан Ангелоски. 

Државниот Завод за ревизија направи ревизија на работењето на Фондот за пензиско и инвалидско осигурување на Македонија.

Како што е објавено во извештајот, ПИОМ има доста сериозни проблеми со работењето, што директно влијае на остварувањето на правото на пензија на идните корисници на пензија, а истите препораки и насоки од ревизија, и минатата година била упатени, но ништо не било решено. 

Според извештајот, ревизорите утврдиле слабости во чувањето и архивирањето на податоците во матичната евиденција. Со тоа, се оневозможува потврдувањето на веродостојноста и целосноста на регистрираните податоци, потребни за остварување на правата од пензиско инвалидското осигурување.

Се работи за регистрираниот недостиг на стручен и обучен кадар за актуарство, како и за постојаниот одлив на вработени од ИТ секторот и внатрешната ревизија. Тоа, пак, „влијае на развојот на актуарски и пензиски предвидувачки капацитети, функционирањето на информацискиот систем и ажурноста на сите воспоставени системи и ефективноста на системот за внатрешни контроли“.

Се укажува и на фактот – зголемените приходи не се доволни за покривање на дефицитот за исплата на социјални бенефиции во 2021 година, кои се одвојуваат од државниот буџет и учествуваат со 37,5 отсто во вкупните приходи на Фондот.

Дел од осигурениците, се вели во извештајот, не можат да ги остварат сопствените права, поради одредени пропусти. Конкретно, остануваат нераспоредени средства на уплатната сметка од наплата придонес за ПИОМ, кои Фондот не може да ги користи, затоа што изостанале соодветни податоци за вработување и регистрација на обврзниците. А, има и грешки при внесот од страна на други институции. Во тие рамки забележано е и ненавремено доставување информации од надлежните институции за промена на статусот на осигурениците. Тоа, велат ревизорите, „има за последица неоснована исплата на пензии, за кои се евидентираат побарувања од граѓани“, но и низок процент на поврат на вишокот исплатени средства.

Ревизорскиот извештај упатува и на тоа дека извршители неосновано повлекле пари од сметката на ПИОМ. Станува збор за налози за извршување, во кои како должници се јавуваат корисници на пензија. Исто така, се забележува и на континуираното вршење активности од страна на Фондот поврзани со реализација на налозите за извршување.

ПИОМ во соработка со надлежните институции да преземе активности за обезбедување на потребните кадровски капацитети, но и за развој на актуарски и пензиски предвидувачки капацитети преку координирани активности за носење законски решенија. Со кои, велат ревизорите, ќе се придонесе за намалување на паричната маса за исплата на социјалните бенефиции. Потребно е да се средат работите при утврдувањето на придонесот од ПИО и уште повеќе, да се извршува целосна наплата. Се со цел стабилизација на пензискиот систем и намалување на буџетските трансфери.