До 1 јули ќе има субвенција од страна на Владата директно преку ЕСМ со утврдување на нивната цена со која се продава електричната енергија, изјави денеска министерот за економија Крешник Бектеши.

На новинарско прашање дали Владата размислува за ревидирање на висината на субвенцијата на цената на струјата со оглед дека сега има два часа евтина струја во текот на денот, Бектеши истакна дека во одредени месеци субвенцијата ќе се зголеми, а граѓаните да бидат спокојни бидејќи ќе нема зголемување на цената за првиот и вториот блок. 

Целта на воведување на дневната евтина тарифа, посочи Бектеши, беше од моментот кога имаше инвестициски бум во делот на фотонапонските централи. Во моментот кога зборуваме имаме инсталирани капацитети кои веќе произведуваат електрична енергија, а генерално во текот на денот  се произведува повеќе од 680 мегавати. Тоа значи дека од април до октомври ќе имаме вишоци во одредени часови на денот што дава можност преку конкурентност да се намали цената на производство на фотонапонски централи.

Како Влада секако дека субвенциите ги даваме индиректно преку работењето на ЕСМ со утврдување на цената на ЕСМ која ја нуди за универзалниот снабдувач и така ќе продолжиме до средина на оваа година кога треба да се донесе и новата одлука за цената на ЕСМ која ќе ја дава до универзалниот снабдувач што е и снабдувач за сите домаќинства и мали потрошувачи. Ова значи дека до 1 јули ќе има субвенција од страна на Владата директно преку ЕСМ со утврдување на нивната цена со која се продава електричната енергија, рече Бектеши. 

Како што појасни, во одредени месеци, секако субвенцијата ќе се зголеми.  - На пример во јануари, во февруари,  имаме помало производство на електрична енергија од страна на фотонапонските централи, а од април до октомври ќе се намали што на крајот на година со пресметките,  методологијата на РКЕ, ќе биде истата цена и нема да има зголемување за одредени блокови. Значи, граѓаните да бидат спокојни дека нема да има зголемување за првиот и за вториот блок. Спротивно, ќе има намалување на давачката за дистрибутивната мрежа, рече Бектеши. 

Просечната месечна исплатена нето-плата по вработен, во ноември 2023 година, изнесува 38.359 денари и во однос на ноември 2022 година, е зголемена за 16,2 проценти, објави денеска Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (23,8 проценти), Снабдување со електрична енергија, гас, пареа и климатизација (22 проценти), Снабдување со вода; отстранување на отпадни води, управување со отпад и дејности за санација на околината (19.4 проценти).

Намалување на просечната месечна исплатена нето-плата по вработен, во однос на претходниот месец, е забележано во секторите: Дејности во врска со недвижен имот ( 8 проценти), Рударство и вадење на камен (5,9 проценти), Финансиски дејности и дејности на осигурување (4,6 проценти).

Просечната месечна исплатена бруто-плата по вработен, во ноември 2023 година, изнесува 57 609 денари.

На интервју за работа обично се поставуваат различни видови прашања со цел да се процени вашиот продонес кон работната позиција и вашиот потенцијал за успешно извршување на работните обврски.

Еве неколку стандардни примери на прашања кои би можеле да бидат поставени:

За себе:

• Кажете нешто повеќе за вас.
• Кои се вашите силни и слаби страни?

Работни искуства:

• Кои работни искуства ги имате што ве прават вистинскиот кандидат за оваа работна позиција?
• Кој е најголемиот предизвик со кој сте се сретнале на вашето последно работно место и како сте го решиле истото?

Цели и амбиции:

• Какви се вашите краткорочни и долгорочни цели во кариерата?
• Како се подготвувате себе си за успешно извршување на оваа работна позиција, кои се вашите цели?

Знаење и вештини:

• Кои се вашите најзначајни вештини поврзани со оваа работа?
• Кои технички вештини и познавања ги поседувате?

Тимска работа:

• Како работите во тим?
• Дајте пример кога успешно сте соработувале тимски.

Решавање на проблеми:

• Како се справувате со предизвиците и проблемите на работното место?
• Дајте пример за време кога успешно решивте комплексен проблем.

Флексибилност и адаптибилност:

• Како се адаптирате на промени и неочекувани ситуации?

Мотивација:

• Зошто сакате да работите во оваа компанија на оваа позиција?
• Како се мотивирате за постигнување на работните цели?

Прашања за компанијата:

• Како дознавте за нашата компанија и зошто одбравте да аплицирате за работната позиција?
• Кои се вашите очекувања од оваа работно место?

Професионални предизвици:

• Како се справувате со конфликти на работното место?
• Дајте пример за време кога сте имале различен став од колега и како сте го решиле.

Секогаш е добро да се подготвите за интервјуто со истражување за компанијата и анализирање на вашите вештини и искуства што се врзани со работната позиција.

Владата на денешната 222-ра седница одлучи до 29 февруари да го продолжи ограничувањето на цената на оризот, брашното, лебот и другите пекарски производи, бисквитите, наполитанките, тестенините, месото и производите од месо, млекото, јајцата, сирењето, кашкавалот и другите млечни проиводи, како и на минералната негазирана и газирана вода и негазираните и газирани пијалаци и светлото пиво.

Како што информираат од владината прес-служба, Владата денеска донесе Одлука за изменување на Одлуката за посебни услови за трговија на одделни стоки, определување највисоки цени за одделни производи во трговијата на мало, како и обврска на трговците да прибавуваат и продаваат определени видови и количества на одделни стоки на потрошувачите, според определен редослед.

Со донесените измени на постоечката Одлука, на предлог на Министерството за економија, се продолжува ограничувањето на цените до 29 февруари 2024 година, наместо до 31 јануари 2024 година, за определени видови основни прехранбени производи и тоа: ориз, брашно, леб и други пекарски производи, бисквити, наполитанки, тестенини, месо и производи од месо, млеко, јајца, сирење, кашкавал и други млечни проиводи, велат од Владата.

Владата, додаваат, донесе и Одлука за изменување на Одлуката за определување највисоки цени на одделни производи во трговијата на големо и трговијата на мало.

Со измените на постоечката одлука, исто така на предлог на Министерството за економија, се продолжува до 29 февруари, од претходно утврденото ограничување на цените до 31 јануари, за: минерална негазирана и газирана вода и негазирани и газирани пијалаци (сокови), во определени пакувања и светло пиво, прецизираат од Владата.