Во 2025 година македонските граѓани ќе имаат пет продолжени викенди. Од вкупно 11 неработни денови за сите граѓани, пет се или се во петок или понеделник и се поврзуваат со викендот, или пак се во недела и согласно Законот неработните денови се префрлаат во понеделник. 

Првиот продолжен викенд ќе биде за време на божикните празници, кога неработни се понеделник и вторник – 6 јануари Бадник и 7 јануари, Божик. Граѓаните на продолжен викенд ќе празнуваат и за Курбан Бајрам, кој е на 30 март, па согласно закон се префрла како неработен ден за понеделник 31 март.

Граѓаните подолго за викенд ќе одмараат и за христијанскиот празник Велигден, кога неработен ден за сите граѓани е 21 април (понеделник) Велигден. За време на овие празници за верниците од православна вероисповед неработен е и Велики Петок – 18 април.  

Продолжен викенд ќе има и Денот на независноста – 8 Септември кој годинава е во понеделник, како и за 8 декември – Свети Климет Охридски, кој исто така е во понеделник.  

Неработни денови за сите граѓани се и 1 мај (четврток) и 24 Мај – Денот на сесловенските просветители „Св. Кирил и Методиј“ (сабота), 1 јануари (среда), Нова Година, 2 август (сабота) Ден на Републиката, 11 октомври (сабота), Ден на народното востание,  и 23 октомври (четврток), Ден на македонската револуционерна борба.

За граѓаните од православна вероисповед неработни се и 19 јануари (недела) – Богојавление (Водици), 
18 април (петок) – Велики Петок, 6 јуни (петок) – Духовден, петок пред Духовден, како и 28 август (четврток) – Успение на Пресвета Богородица (Голема Богородица). 

За граѓаните од католичка вероисповед неработни се 1 ноември (петок), Празникот на сите светци, и
25 декември (четврток), првиот ден на Божик.  

За граѓаните од муслиманска вероисповед неработен ден е 6 јуни (петок), Курбан Бајрам, првиот ден на Курбан Бајрам. 

Согласно со Законот за празниците на Република Македонија (Сл.весник на РМ број 21/98 и 18/07) во 2025 година неработни денови се:

За сите граѓани на РСМ

• 1 јануари (среда), Нова Година, 
• 7 јануари (вторник), Божик,  првиот ден на Божик според православниот календар, 
• 30 март (недела), Рамазан Бајрам,  првиот ден на Рамазан Бајрам, односно 31 март (понеделник) е неработен ден,
• 21 април (понеделник), Велигден, вториот ден на Велигден според православниот календар,
• 1 мај (четврток), Ден на трудот
• 24 мај (сабота) „Св. Кирил и Методиј“- Ден на сесловенските просветители, 
• 2 август (сабота), Ден на Републиката, 
• 8 септември (понеделник), Ден на независноста, 
• 11 октомври (сабота), Ден на народното востание, 
• 23 октомври (четврток), Ден на македонската револуционерна борба,
• 8 декември (понеделник), „Св. Климент Охридски”. 
• За граѓаните од православна вероисповед
• 6 јануари (понеделник), Бадник, ден пред Божик,  
• 19 јануари (недела), Богојавление (Водици), 
• 18 април (петок), Велики Петок, петок пред Велигден, 
• 6 јуни (петок), Духовден, петок пред Духовден, 
• 28 август (четврток), Успение на Пресвета Богородица (Голема Богородица). 
• За граѓаните од католичка вероисповед 
• 21 април (понеделник), Велигден, вториот ден на Велигден, 
• 1 ноември (петок), Празникот на сите светци, 
• 25 декември (четврток), првиот ден на Божик.  
• За граѓаните од муслиманска  вероисповед 
• 6 јуни (петок), Курбан Бајрам, првиот ден на Курбан Бајрам 
• За граѓаните припадници на албанската заедница во РСМ 
• 22 ноември (сабота), Ден на албанската азбука 
• За граѓаните припадници на српската заедница во РСМ
• 27 јануари (понеделник), Свети Сава 
• За граѓаните припадници на ромската заедница во РСМ
• 8 април (вторник), Меѓународен ден на Ромите  
• За граѓаните припадници на влашката заедница  во РСМ
• 23 мај (петок), Национален ден на Власите
• За граѓаните припадници на еврејската заедница во РСМ
• 2 октомври (четврток), Јом Кипур, првиот ден на Јом Кипур  
• За граѓаните припадници на бошњачката заедница  во РСМ
• 28 септември (недела), Меѓународен ден на Бошњаците  
• За граѓаните припадници на турската заедница во РСМ
• 21 декември (недела), Ден на настава на турски јазик.

Работењето од дома, кое на почетокот беше видено како привремено решение за време на пандемијата, денес е тема на постојани дебати. Некои го сметаат за идеален модел за работа, додека други го гледаат како „лош експеримент“ кој негативно влијае врз продуктивноста и тимската динамика.

Но, дали навистина е така?

Позитивните страни на работата од дома: Работењето од дома овозможува флексибилност и баланс помеѓу професионалниот и приватниот живот. Многу вработени се чувствуваат помалку под стрес, имаат повеќе време за семејството и лични обврски, а истовремено штедат на време и пари за патување. Дополнително, компаниите често пријавуваат намалени трошоци за канцеларии.

Предизвиците на овој модел: Од друга страна, работата од дома може да го намали чувството на припадност кон тимот, да создаде комуникациски бариери и да влијае врз креативноста и иновациите кои често се резултат на спонтаните интеракции во канцеларија. За некои вработени, недостигот на јасна граница помеѓу работното време и слободното време може да доведе до прегорување.

Дали е лош експеримент?

Работењето од дома не е ниту целосно лошо, ниту совршено. Успехот на овој модел зависи од индустријата, природата на работата и способноста на компаниите да ги адаптираат своите процеси. Некои компании успешно имплементираа хибриден модел, каде вработените комбинираат работа од дома и од канцеларија.

Клучот е во адаптацијата: На крајот, работата од дома не треба да се гледа како „лош експеримент“, туку како можност за учење и подобрување. Со соодветна комуникација, технолошка поддршка и јасни очекувања, може да се постигне одличен баланс помеѓу потребите на вработените и целите на компанијата.

Дали ќе се покаже како долгорочно решение или само како фаза во еволуцијата на работните модели, зависи од тоа колку сме подготвени да се адаптираме и да извлечеме максимум од ова искуство.

Цената на електричната енергија за домаќинствата од денеска е поскапа за 0,92 проценти. Во првиот блок е повисока за 0,68 проценти, во вториот за 0,9, во третиот за 1,93 и во четвртиот за 2,24 проценти, a евтината тарифа е поскапа за 0,9 проценти. Со тоа граѓаните ќе имаат минимално зголемување на сметките, а евтината дневна тарифа најмалку до пролетва останува од 13 до 15 часот. Просечно семејство кое досега имало сметка од 2.300 денари сега ќе треба да одвои само плус 21 денар за нејзино покривање. 

Ова се овозможи откако Регулаторната комисија за енергетика (РКЕ) првпат го искористи контролниот механизам при определувањето на цената на електрична енергија за домаќинствата и малите потрошувачи зошто универзалниот снабдувач ЕВН Хоум, побара цената на електричната енергија за домаќинствата од 1 јануари да се зголеми за 4,4 проценти. Претходно РКЕ за седум проценти ја намали и мрежарината, а ЕСМ  понуди цена од 62 евра за мегават час и покривање на 100 проценти од вкупно планираните количини на тендерот на универзалниот снабдувач.

„Ова ни е прва одлука во која што го искористивме контролниот механизам во однос на определувањето на цената на електрична енергија за домаќинствата и малите потрошувачи. ЕВН Хоум како универзален снабдувач до РКЕ достави на контрола и разгледување одлука на 5 декември. Согласно нивното барање цената за домаќинствата требаше да се зголеми за 4,4 проценти. Во најголем дел немавме разлики, а единствената разлика која постои меѓу тоа што го одобривме и тоа што го достави ЕВН е во однос на факторот на корекција. За да обезбедиме ценовна стабилност и цени кои ќе имаат минимално влијание врз вкупните трошоци за електрична енергија на граѓаните постапивме на овој начин“, рече неодамна претседателот на РКЕ Марко Бислимоски на прес-конференција. 

На тендерот што го распиша универзалниот снабдувач ЕВН Хоум во јуни 2024 година беше прифатена цената од АД ЕСМ од 60 евра за мегават час и за покривање на 85 проценти од потребите на регулираниот пазар, додека за останатите 15 проценти беа пристигнати три понуди, но ниту една не беше прифатена поради тоа што понудите биле повисоки од моменталните пазарни цени.

Како што веќе најави претседателот на РКЕ, до пролетва ќе нема промена на временскиот период во кој домаќинствата може да користат евтина дневна тарифа за електрична енергија.

Домаќинствата евтина тарифа на електричната енергија може да користат секој ден во периодот од 13 до 15 часот и од 22 до 7 часот, како и цел ден во недела.

HR доживеа значителни промени во последно време, соочувајќи се со невидени предизвици и нови можности. Како што бизнисите се прилагодуваат на променливите барања, така се развива и улогата на HR. Од воведување на протоколи за здравје до управување со далечински тимови по пандемијата, HR сега се позиционира како клучен стратешки двигател на деловниот успех, со акцент на иницијативите за разноликост, еднаквост и инклузија (DEI) и обликување на модерното работно место.

До 2025 година, улогата на HR ќе биде значително поразлична од денес. HR преминува од традиционална административна функција во клучен играч во корпоративното раководство. Според извештајот на PwC, над 55% од извршните директори сега ги вклучуваат HR лидерите во стратешките одлуки, што го потврдува зголемениот фокус на влијанието на HR врз деловните резултати и културата на компанијата.

Иако често се гледа како оддел одговорен само за вработување и отпуштање, HR сè повеќе игра стратешка улога во управување со таленти, ангажман на вработените и подобрување на деловните перформанси. Неговото присуство на извршното ниво обезбедува усогласеност на иницијативите за управување со луѓето со визијата и целите на компанијата, при што луѓето стануваат центар на деловниот успех.