Од Светска банка не откриваат дали законските измени ќе опфатат и зголемување на старосната граница за пензионирање со образложение дека анализата е во тек .

Моментално не можам да одговорам на тоа прашање, на тоа работи конкретен специјалист и анализата е во тек, одговара Шимбов.

Барбара Куњак, исто така економист во Светска банка, пак вели дека се разгледуваат различни можности кои би биле најделотворни за да и се препорачаат на Владата.

Пензиите да растат како што е предвидено со законите, а не да се прават ад-хок зголемувања, и препорачува на Владата Светска банка.

Според Бојан Шимбов, економист во Канцеларијата на Светска банка во Македонија, со линеарните зголемувања што се практикуваа, пензиите во последниве неколку години пораснале два ипол пати над предвиденото со законската регулатива, што пак создава притисок врз Фондот за пензиско и инвалидско осигурување.

И во минатото имавме константно зголемување на пензиите. И во периоди кога имаше негативна инфлација, имаше пет насто зголемување. Ако би се аплицирал законот со швајцарската формула, зголемувањето да изнесува 50 проценти од просечната инфлација и 50 проценти од просечната плата, тоа по наши пресметки би било некаде околу 7 до 8 проценти од 2012 до 2017 година. Вака имаме зголемување од околу 20 насто на реална основа, што создава притисок на пензискиот фонд. Првата препорака е Владата да ги одмери тие ад хок зголемувања, односно да се придржува на законската регулатива, вели Шимбов.

Тој објаснува дека во моментов експерти на Светска банка работат со Министерстцвото за труд и социјална политика на подобрувањена капацитетите на Фондот, односно, се работи на измени во законската регулатива кои ќе ги намалат притисоците врз пензиската каса.

Моментално пензискиот систем е во добра кондиција. Тој добива трансфери од централната влада кои се зголемуваат со текот на годините. Тоа практично значи, целта е да се намали зависноста на пензискиот фонд од тие трансфери. Ние моментално работиме на параметриски измени во законската регулатива кои ќе ги намалат тие притисоци, појаснува Шембов и додава дека пред да се предлложат конкретни мерки, се анализира дали параметрите и стапките во законскаста регулатива се доволни и зошто се јавува кусокот во пензискиот фонд.

Во тој контекст тој не открива дали измените на законската регулатива на кои се работи ќе опфатат и промена на старосната граница за одење во пензија, односно на нејзино зголемување од сегашните 62 години за жени и 65 за мажи, на 65 и 67 години, како што од пред неколку години е регулирано во поголемиот дел од Европа и во неколку држави од регионот.

Моментално не можам да одговорам на тоа прашање, на тоа работи конкретен специјалист и анализата е во тек, одговара Шимбов.

Барбара Куњак, исто така економист во Светска банка, пак вели дека се разледуваат различни можности кои би биле најделотворни за да и се препорачаат на Владата.

Се чини како да е традиција кога двајца претставници од различни компании седат на иста маса си разменат две парчиња мала хартија која значи толку многу. Низ цел свет ги викаат бизнис картички, кај нас се познати под името визит картички.

Терминот што ние го користиме, визит-карта, потекнува од времето кога аристократијата и членовите на кралските семејства патувале низ Европа и овие картички служеле за на потенцијалниот домаќин да му се најави нивното пристигање.

Паралелно со шетањето на аристократијата во минатото, картичките почнуваат да ги користат и трговците кои патуваат низ Европа. На нив има име и бранша на трговецот, како и мапа каде може да го најдат.

Интересно е како низ историјата се менувал изгледот на картичките меѓутоа информацијата која ја даваат засекогаш останала непроменета.
Така и денес сите големи големи но и мали компании имаат свои унифицирани визит картички преку кои се претставуваат пред светот.

Се чини дека единствената логична претпоставка како овие мали парчиња хартија опстанале е тоа дека се физички информации кои се предаваат од рака на рака и влеваат сигурност.

Според едно истражување дојдено е до заклучок дека луѓето врабетни во овие бранши не успеваат да ја задржат својата љубовна врска во најдобар ред:

Масери

Кога ќе го земете предвид фактот дека масажата вклучува физички контакт, не ни треба да ви објаснуваме зошто ова работно место се нашло на листата. „Кои ти беа денешните клиенти?“ и „Што всушност правеше цел ден?“ се некои од прашањата кои масерите ги добиваат од своите љубоморни партнери.

Според едно истражување, разводите во оваа професија се многу чести – 38,2%.

Атлетичари, забавувачи и танчари

Браковите, разделбите и разводите на познатите ѕвезди постојано се мета на јавноста. Можеби самата професија го прави тоа: честите патувања, вниманието и стресот може да бидат проблем за секоја врска. Кај танчарите е забележана највисока стапка на развод, и тоа од 43,1%.

Директори

Кога сте на врвот на една организација, сè се менува. Ќе бидете одговорни за секој и сешто. Постои причина зошто овие луѓе заработуваат толку многу. Можеби ќе бидете главни на работното место, но тоа не значи дека ќе бидете главни во домот или во врската.

Медиуми

Без разлика дали сте новинари или колумнисти, работењето за некој медиум си има последици. Новинарите во весниците, на пример, имаат лоша плата а работат долги часови. Ако пак сте позната фигура од медиумите, ќе привлекувате многу внимание кое можеби нема да му се допаѓа на партнерот.

Социјалните медиуми може да бидат еден од вашите најуспешни маркетинг канали, но само ако тоа го правите правилно. Само да се биде активен на социјалните медиуми не е доволно - постои многу „надворешна врева“ преку која ќе морате да преминете ако сакате да успеете. 

Одвојте малку време за да ги погледнете социјалните медиуми и особено, да барате објави од бизнис профили кои всушност ќе ве предизвикаат да паузирате и да се поврзите со нив, дури и да ги прочитате. Тоа се многу мал број на профили. KARIERA.mk ви помага во препознавањето на честите грешки кои ги прават бизнисите на социјалните медиуми и во нивното избегнување: 

• Потценување на вашата порака со користење премногу хаштази

Хаштазите се одлична алатка за користење за подобрување на откривањето на содржината на социјалните медиуми, но не ја преминувајте границата. Употребата на премногу хаштази во една објава може да ги вознемири, налути корисниците и тоа е сосема спротивно она што вие се обидувате да го остварите. Целта на социјалните медиуми е да се изгради свесност за вашиот бренд, креирање на обожаватели на вашиот бренд и евентуално, креирање продажба и профит. Користењето на премногу хаштази во една објава може да ја потцени пораката која всушност, сакате да ја потенцирате и затоа користете ги паметно. Еден или два се сосема доволни за Twitter и објавите со 11 или повеќе хаштази на Instagram се најуспешни. Што се однесува до Facebook, објавите без хаштази се поуспешно рангирани помеѓу корисниците од оние со хаштаг. 

• Споделување лични мислења

Запомнете дека вие нема да сте единствената личност која ќе ја чита вашата објава и токму затоа никогаш не треба да дискутирате теми како религија или политика на вашиот професионален профил. Останатите луѓе кои ќе ја читаат вашата содржина веднаш ќе оформат одредени мислења и верувања за вас. Доколку сте свесни за ова, тоа ќе ви помогне да ги отфрлате потенцијалните потрошувачи како и да примате непријатни мислења од оние клиенти кои веќе се поврзани со вас. 

Она што морате да го имате во предвид е да имате почит кон чувствата на другите . Само еден твит или објава на Facebook која е контроверзна може да биде катастрофална за сликата која ја имаат клиентите за вашата компанија и вашиот бренд. Како за пример, погледнете ја листата на најголемите грешки годинава од успешни компании кои ги чинеа многу: https://www.entrepreneur.com/article/294925

• Објавување содржина со граматички грешки 

Граматичките грешки едноставно, не прават да изгледате добро. Овој вид на грешки се многу честа појава и е многу поголем проблем отколку што многу компании размислуваат. Едноставните граматички грешки може да направат да изгледате непрофесионално на социјалните медиуми. Тие им покажуваат на вашите потенцијални клиенти дека вие не можете да одвоите неколку минути за да ја проверите содржината од граматички грешки и слично. Ако не можете да обрнете внимание на овој мал детал, како може клиентите да ви веруваат и вас и на вашиот производ или услуга? Решението е едноставно - проверувајте ја содржината за граматички грешки. 

• Објавување нерелевантни содржини

Една од најголемите грешки кои ги прават компаниите е објавување на огромен број на содржина фокусирана на моментални настани, од видеа и спортски настани до „ударни“ вести. Тие го прават ова со надеж дека ќе моменталниот интерес кон одредена објава, природно ќе води до нови следбеници. 

Ако потрошувачот сака да чита за вести, политика и спорт, тие ги бараат овие информации од релевантни извори. Само затоа што нешто е вест од светски размери не значи дека вие мора да пишувате за тоа. Освен ако нешто не е директно поврзано со вашиот бизнис и индустрија, најдобро е да не објавувате ништо поврзано со тоа.