Калил Рафити е сопственик на ланец кој продава природни сокови. 

Тој напишал книга во која раскажува како пред 13 години бил зависник од дрога, имал 48 килограми и бил многу сиромашен. 

Пријател му понудил да работи во индустрија за сокови што му помогнало да излезе од депресија и да почне да верува во себе. 

За пет години бизнисот добро одел и стигнал и до Холивуд. Тоа го инспирирало Калил да почне со свој бизнис. 

Тој отворил ланец на барови во Малибу каде се продаваат природни сокови. 

На менито се смрзнати  јогурти, кафе и овошни коктели. 

Од бездомник тој станал шеф кој е успешен и кого вработените го сакаат. 

Најголема просечна плата во регионот според последните податоци за минатата година има Словенија со 1.020,40 евра, додека најмала е во Македонија и истата изнесува 363,80 евра.

Просечната плата според последните податоци во Хрватска изнесува 749, 70 евра, во Црна Гора 503 евра, во Босна и Херцеговина 428 евра и во Србија 369 евра, пишува порталот Vijesti.ba.

Иако просечната плата во Словенија од 1.020,40 евра според податоците за октомври минатата година, била најголема во регионот, таа е за 15,2 евра помала во однос на онаа исплатена една година претходно во Словенија кога изнесувала 1.035,60 евра.

Платата во Македонија според последните податоци од октомври минатата година освен што е најмала во регионот, таа е и за 9,20 евра помала од онаа исплатена на крајот на 2015-та година. Последната просечна плата е 363, 80 евра, додека во претходниот период изнесувала 373 евра.

Намалена е и платата во Босна и Херцеговина и тоа за 2,5 евра. Константен раст бележи платата во Црна Гора која нараснала минатата година за 13 евра. На почетокот на годината била 490 евра, додека сега изнесува 503 евра.

Еврото може да исчезне за десет години доколку не се направат значајни економски реформи, вели Еманул Макрон, популарниот поранешен француски министер за економија.

Вистината која мораат сите да ја прифатат е дека еврото е нецелосна валута и дека не може да трае без големи реформи - изјави Макрон кој на претстојните избори во Франција ќе настапи како независен кандидат.

Говорејќи за фијаското на единствената европска валута, тој изјави дека проблемот е во тоа што еврото не успеало во Европа да добие „полн меѓународен суверенитет и не се води според правилата, кои на пример важат кај доларот“ вели тој и додава дека е очигледа различноста на државите членки.

Според неговото мислење Германија и Франција се две сили кои се во состојба да ја променат оваа ситуација. Тој смета дека Франција мора да го реформира својот пазар на труд и задолжителниот систем со цел да го заживее економскиот раст. Кога станува збор за Германија, Маркон вели дека токму поради мааните на еврото, таа во моментов има корист на сметка на слабите членки.

Недостатоците на еврото и прилегаат на Германија - наведе тој укажувајќи на тоа дека работите мораат да се менуваат.

Како заговорник за европските интеграции, Макрон го спомена и недостатокот на доверба меѓу Франција и Германија, која, како што вели, ги кочи реформите на еврозоната.

„Постои дел од одговорноста која го сноси Франција и доколку бидам избран ќе ја преземам таа одговорност“.

Осум луѓе на планетата имаат богатство, еднакво на она што го поседуваат половина од најсиромашните на планетата или 3,6 милијарди луѓе.

Ситуацијата е „цинична" и „ги изострува нееднаквостите", покажа истражувањето на британската невладина организација Оксфам. 

Цинично е таквото богатство да е во рацете на толку ограничено малцинство, откако е познато дека секој десетти човек во светот преживува со помалку од 2 долари на ден - вели портпаролката на Оксфам за Франција, Мано Обри. 

Извештајот насловен „Економија во служба на 99-те проценти", открива како големите компании и најбогатите луѓе во светот ги зајакнуваат уште повеќе нееднаквостите, вешто избегнувајќи ги даноците, намалувајќи ги платите и зголемувајќи ги максимално приходите на акционерите. 

Според Оксфам со ова темпо првиот супермилијардер во светот може да се очекува да надмине трилион долари во наредните 25 години. За да  ја потроши оваа сума, тој би требало да троши по 1 милион долари на ден во тек на 2738 години, пресметале експертите на Оксфам.