Исклучените од парно денеска излегоа на стотиот јубилеен протест пред регулаторна комисија за енергетика. Велат дека борбата продолжува и дека не се откажуваат од своето уставно право да изберат кој ќе ги снабдува со топлинска енергија.

Во прилог на тврдењата на овие граѓани одат и пресудите од Управен суд. Вишиот управен ја потврди пресудата на провостепениот суд – БЕГ ги злоупотребувал лични податоци за да ги испорача фактурите. Адвокатот Владимир Кацарски вели дека со овие пресуди паѓаат тужбите на БЕГ против граѓани кои никогаш не биле приклучени на мрежата на Топлификација. Од здружението „Но пасаран“ велат дека кај над 50.000 граѓани има залоупотреба на личните податоци.

На барање на здружението „Но пасаран“ универзитетски професор изработил експертиза во која е утврдено дека Регулаторната комисија користи погрешна формула за пресметка на надоместокот за ангажирана моќност. Околу 20.000 граѓани мораат секој месец да плаќаат надоместок само затоа што цевките поминуваат низ нивниот стан или во ходникот на зградата каде што живеат. Се проценува дека околу 6.000 граѓани се соочуваат со извршни судски решенија.

Радијацијата во нуклеарниот реактор во Фукушима е на највисоко ниво од катастрофата што се случи во 2011 година поради што мораше да биде повлечен роботот што беше испратен да изврши прелиминарно чистење.

Роботот беше „убиен“ по два часа работа, две камери се затемнија, а се слушна и врева. Се со тоа знаци на екстремно високо ниво на радијација, соопшти Токиската компанија за електрична енергија (ТЕПКО).

Се претпоставува дека роботот бил изложен на радијација од 650 сиверти на час. Ако човек влезеше во реакторот, тој ќе починеше истиот момент.

Се уште не е познато дали ТЕПКО ќе испрати нов робот.

Кога оваа година американскиот технолошки концерн „Apple“ ќе го претстави својот нов „iPhone“, на етикетата за прв пат може да има сума со четири бројки во долари. Во актуелен материјал на „Fast Company“ се тврди дека цената на „iPhone 8“ може да е над границата од 1.000 долари, особено со оглед на фактот дека актуелната цена на „iPhone 7 Plus“ со 256 GB е 969 долари во САД.

Како причина за зголемувањето се наведуваат трошоците за „OLED“ екранот. Покрај тоа, се очекува новиот модел да понуди поголем капацитет на меморија.

Аналитичарите со кои разговараа од „Fast Company“ не се обединети за тоа какво име ќе носи „OLED iPhone“ уредот со екран од 5,8 инчи. Додека „iPhone 8“ се смета за многу веројатен назив, голем број на извори го споменуваат и „iPhone X“ како опција.

Новиот „iPhone“ е опишуван како црн монолит со елегантен дизајн. Рамката околу телефонот најверојатно ќе биде направена од нерѓосувачки челик, а предниот и задниот дел од стакло.

„Apple“ работи, како што порано беше соопштено, над интеграција на „хоум“ копчето. Постои веројатност и механичките копчиња од двете страни да исчезнат и да се заменат со рамни, интегрирани во рамките и чувствителни на допир.

На задниот дел може да е истиот систем за двојна камера, каква ќе има и во идниот „iPhone 7s Plus“ со 5,5 инчен дисплеј кој треба да го замени „iPhone 7 Plus“. За предната камера „Apple“ работи во соработка со „Lumentum“ за „3D“ препознавање. Како точно ќе работи оваа функција засега не е јасно. Можно е препознавање на лицето или подобрување на резолуцијата. Се зборува и за можна употреба на апликации за додадена реалност.

Батеријата на „iPhone 8“ исто така ќе се зголеми, но точните податоци не се познати. Слично на „iPhone 7“, „LTE“ чиповите ќе бидат обезбедени од „Qualcomm“ и „Intel“. Оваа одлука „Apple“ ја има преземено во јануари, појаснува весникот.

Последните гласини за ран почеток на производството на „iPhone 8“, не е возможен. Според медиумот нема потврда за тоа кај снавдувачите на концернот. Обично производството на нови „iPhone“ уреди започнува во мај и се засилува до август. Презентацијата на новите модели е наесен.

На професорот по математика, Џереми Кан, му го поставија прашањето што измачува генерации ученици – кога и каде ќе ги користиме сите тие синуси, косинуси, интеграли и другите лекции од алгебра и геометрија.

За разлика од неговите колеги, Кан не беше револтиран и збунет од прашањето, па наведе пет причини заради кои математиката е важна.

И не само тоа, туку и да продолжиш понатаму и да ги решиш неможните задачи.

На пример, Петар и Марија стојат пред таблата и решаваат равенка. Марија е сигурна дека равенката е точна, а Петар со сигурност знае дека е погрешна. На следниот час, двајцата ги променија мислењата. Марија верува дека равенката е неточна, а Петар со неверување гестикулира со рацете и ја навредува Марија. Ви звучи како измислица? Математичарите секојдневно се соочуваат со вакви ситуации.

Прашајте кој било професор што да направите ако задачата не може да се реши, и одговорот ќе биде едноставен: „Почни од почеток и обиди се поинаку да ја решиш. И не се грижи за грешките што си ги направил/а, бидејќи те одведоа на вистинскиот пат.“

Прецизноста е одлика на математичарите. Секој поим и феномен имаат прецизна и јасна дефиниција.

Се сеќавате кога наставниците ве тераа да ја учите напамет секоја дефиниција за геометриските фигури или Питагоровата теорема? Не можевте да замислите каде и кога ќе имате прилика да го искористите тоа набубано знаење. Размислете – дали секогаш изговараме зборови  без да се двоумиме за момент, токму во контекст на нивното значење? Дали би можеле во дел од секундата да одговорите што е среќа и што е љубов? Дали истите тие зборови би ги употребил и некој што ви е драг, најблизок? И што е поважно – дали би можеле да именувате нешто што нема прецизна дефиниција?

Решавањето математички проблеми е како играње шах. Секој погрешен или невнимателен потег, може да има ужасни последици.

Колку пати кога сте решавале задача од алгебра ви се случило да завршите во ќорсокак, зашто некаде сте ставиле минус наместо плус? Дури и најмалата грешка може да уништи сè и да стане голема пречка во вашата намера што поскоро да ја завршите домашната работа. Математиката нè учи да бидеме концентрирани и одговорни за тоа што го правиме. Тоа не е мала работа, нели?

„Тоа што го зборувам сега е лага“, така звучи добропознатиот парадокс на лажливецот. Овој е најдобриот опис на сè што се случува во модерната наука.

Постојат многу теореми, правила и аксиоми за кои се сметало дека се точни, а не биле. Тоа значи дека не треба слепо да им веруваме дури и на луѓето со најголем авторитет, барем додека сами не провериме дали е така како што кажуваат. Научниците тоа го нарекуваат „одговорен скептицизам“, а математиката на одличен начин нè учи на тоа.

Зашто ако ти не ја решиш задачата, ќе му успее на некој друг. Па, зошто токму ти да не бидеш првиот?