Од мај следната годинина ќе почне да се наплаќа патарина на новиот автопат Демир Капија – Смоквица на двете наплатни рампи кај Демир Капија и кај Гевгелија кои се градат и треба да бидат завршени до крајот на април. 

Следната година патарина ќе се наплаќа и на двете наплатни рампи кои ќе бидет поставени на автопатот Миладиновци – Штип, а една рампа е предвидена на автопатот Кичево – Охрид, откако ќе биде изграден. 

Од тие патрини таа кај Градско и оваа кај Петровец веќе се во завршна фаза и јас веќе очекувам до крајот на ноември да завршат. Заедно со Сопот, Отовица и Романовце да имаме една целина целина на електронски наплатни рампи бидејќи е малку дискутабилно колку е практично да пуштиме дамо две рампи. Сопот, Отовица Романовце во овој момент сега ако сакаме сега може да работат на картици со тагови. Сепак сакаме да направиме една целина од Куманово до Скопје, од Скопје до Кавадарци да се движите по тој правец со новиот начин со картички и со тагови, рече Зоран Китанов, директор на Агенција за патишта.

Директорот објаснува дека веќе аплицирале во ЕБОР за зголемување на рамката на финансирање за изградба на двете нови патарини кои е предвидено да се постават кај Штип и една кај Миладиновце на новиот автопат бидејќи тука се очекува зголемување на интензиттот на сообраќај кој ќе доаѓа од југоистокот на државата. Електронската наплата на патарина следната година ќе има и на автопатот од Скопје кон Гостивар. Овие наплатни рампи се реновирани, само треба да се постави софтверскиот систем. 

Агенцијата очекува дека годинава ќе има рекордна наплата на патаринина.

Оваа година мислам дека ќе го направиме рекордот од кога постојат патарини во Македонија и може ќе надминеме 40 милиони евра приход. Од 1 јанури годинава до 30 септември, споредено со 1 јануари до 30 септември минатата година имаме зголемена наплата, само разлика, околу 80 милиони денари или 1,3 милиони евра, додава Китанов.

„Wizz Air“ најави дека рачниот багаж во авионите кој сакате да го качите со вас горе ќе се плаќа. Така нискотарифната авиокомпанија ги следи стапките на својот главен конкурент Ryanair. Според компанијата новото решение ќе го направи качувањето на патниците во авионот побрзо.

Според новата политика на авиопревозникот, која ќе стапи на сила од 1 ноември, бесплатно ќе може да се качува во авионот исклучиво багаж со димензии до 40x30x20 см што е приближно колку чанта или торба за лаптоп.

За секој поголем рачен багаж патниците ќе треба да си купат налепница "Wizz Priority", чија цена започнува од 5 евра. Предметната налепница ќе овозможува качување на багаж со димензии до 55x40x23 см. Со него ќе е можно и приоритетно чекирање и качување во авионот. Во последниве месеци авиопревозникот дозволуваше бесплатно качување рачен багаж, но во багажниот простор. Од 1 ноември оваа опција е отфрлена. Качувањето на чекиран багаж со тежина до 10 кг. пак ќе е можно со налепница, чија цена почнува од 7 евра.

Одлуката на Wizz Air да го следи примерот на Ryanair е изненадувачка, со оглед дека ирската авиокомпанија си навлече проблеми поради одлуката да стави крај на бесплатниот рачен багаж. На крајот на септември Италија објави дека започнува истрага против Ryanair поради оваа пракса, бидејќи според Рим рачниот багаж е основен елемент од транспортот. На почетокот на овој месец, Европската комисија ги повика органите одговорни за заштитата на правата на потрошувачите, да обрнат внимание на ирската нискотарифна авиокомпанија.

Зелената карта ќе се спои со полисата за автоодговорност која секое возило треба да ја има при годишната регистрација на самото возило, вели првиот човек на Агенцијата за супервизија на осигурувањето Климе Попоски. Ова ќе произлезе од потребата и Македонија да ја усогласи законската регулатива со ЕУ директивите и до крајот на 2019 година да има нов закон за оваа област. Во интервју за МИА, Попоски вели дека ќе има промени во цената на задолжителната полиса односно формирањето на цената ќе се либерализира. 

Во периодот што доаѓа имаме неколку предизвици во делот на регулативата пред се заради усогласување со ЕУ регулативата. Таа е една револуционерна регулатива бидејќи се зголемуваат барањата на друштвата за осигурување во делот на поефикасно управување со ризиците, се зголемува нивото на потребен капитал, зголемено е и нивото на транспарентноста и зајакнато е пред се корпоративното управување. Веќе имаме нова регулатива во нацрт верзија и треба да отпочнеме дијалог со индустријата и заеднички да се подготвиме околу нејзиното целосно транспонирање преку нов закон за осигурување. Согласно националната програма за усогласување со европското законодавство предвидено е до крај на 2019 година веќе новиот закон да добие светло вели Попоски.

Македонија се најде во Топ-10 земји со најмал ризик за перење пари според рангирањето на Bazel AML Index, во кое Финска е на првото место за оваа година.

Естонија е на второ место (од 129) веднаш по Финска со индекс 2,73 (колку е помала бројката, толку подобро). 

Литванија е трета, која со Нов Зеланд, Македонија, Бугарија, Словенија, Шведска, Хрватска и Израел ги сочинуваат првите десет. 

Македонија се најде во Топ-10 земји со најмал ризик за перење пари според рангирањето на Bazel AML Index, во кое Финска е на првото место за оваа година.

Естонија е на второ место (од 129) веднаш по Финска со индекс 2,73 (колку е помала бројката, толку подобро). 

Литванија е трета, која со Нов Зеланд, Македонија, Бугарија, Словенија, Шведска, Хрватска и Израел ги сочинуваат првите десет.